Европа
Утрe преговори меѓу Украина и Русија, САД испратија порака до Кина
Четврти ден од руската инвазија на Украина.
Во текот на ноќта почнаа нови жестоки напади во околината на Киев. Најжестоките борби се водат во градот Василков, на околу 30 километри јужно од Киев. Во градот е погодено големо складиште за нафта, додека во Харков е погоден гасовод, јавуваат украинските медиуми.
Западните земји воведоа нови санкции кон Русија. Некои банки се исклучени од „SWIFT“, глобалниот платен систем. Тие најавија дека ќе го парализираат и имотот на руската централна банка, а на руските олигарси ќе им биде забрането да користат финансиски средства на европските пазари.
Голем број европски земји го затворија својот воздушен простор за руските авиони.
Во попладневните часови беше објавено дека двете страни се согласиле на преговори. Путин нареди нуклеарното оружје да биде ставено во состојба на висока готовност.
Преговорите ќе се одржат во понеделник, на границата меѓу Украина и Белорусија.
НАЈНОВИ НАСТАНИ
22:10 (Видео) Огромен руски конвој од тенкови се движи кон Киев, ЕУ праќа борбени авиони во Украина
Снимка од американски сателит покажува колона од стотици воени возила која се протега на над пет километри, наведува „Ројтерс“.
Во меѓувреме, шефот на европската дипломатија, Жозеп Борел, изјави дека ЕУ ќе испрати борбени авиони во Украина како дел од воената помош.
#BREAKING EU countries will provide ‘fighter jets’ to Ukraine under Brussels funding: Borrell pic.twitter.com/tkmHfrhhlf
— AFP News Agency (@AFP) February 27, 2022
21:50 Властите во Киев негираат дека градот е опколен
„Руските веб-страници шират информации за мене и дека Киев е наводно опколен и дека евакуацијата на луѓето е невозможна. Не верувајте во лаги. Верувајте само во информации од официјални извори“, порача градоначалникот, Виталиј Кличко.
21:24 САД испратија порака до Кина поради Путин
Белата куќа ја повика Кина да ја осуди руската инвазија на Украина додека рускиот напад продолжува, а рускиот претседател Владимир Путин ги стави нуклеарните сили во состојба на готовност.
Кина примени некои од санкциите наметнати од САД и нивните сојузници поради инвазијата на Русија, а минатата недела позитивно зборуваше за суверенитетот на Украина, изјави портпаролката на Белата куќа, Џен Псаки, во интервју за MSNBC. Таа додаде дека Пекинг треба да направи повеќе од тоа.
„Ова не е време да се стои отстрана. Ова е време јасно да се осудат постапките на претседателот Путин и руската инвазија на суверена држава“, рече Псаки.
Таа додаде дека американскиот претседател Џо Бајден во последно време не разговарал со кинескиот лидер Си Џинпинг, но дека не е исклучена можноста за телефонски разговор во иднина.
20:48 Турција го ограничува влезот на руски воени бродови во Црното Море
Турција ја смени својата реторика, нарекувајќи го рускиот напад врз Украина „војна“ и вети дека ќе спроведе делови од меѓународниот поморски договор за ограничување на минувањето на руските воени бродови од Средоземното во Црното Море.
19:49 Украински министер: Русија трпи пораз по пораз, затоа се откажаа од ултиматумот
Украинскиот министер за надворешни работи, Дмитро Кулеба, рече дека Русија се откажала од своите предуслови за почеток на преговори бидејќи украинската војска ја забавила нејзината офанзива. Тој додаде дека Украина ќе слуша што Русија има да каже.
19:00 Властите ќе го гонат за предавство секој руски државјанин што би ѝ помагал на Украина
Руското државно обвинителство соопшти дека секој што ќе обезбеди финансиска или каква било друга помош на странска држава или меѓународна организација за да ја загрози безбедноста на Русија, ќе биде обвинет за предавство, со максимална казна од 20 години затвор.
18:49 Проектил погоди аеродром
Ракетата што го погоди аеродромот во Житомир доаѓа од територијата на Белорусија, соопштија украинските власти.
Лукашенко рече дека нема да има воена акција од територијата на неговата земја додека траат преговорите. Но, прашање е дали тој ќе се држи до тоа.
Во Киев вечерва е прогласена вонредна состојба, а до луѓето се апелира да одат во засолништата.
18:10 Целата ЕУ го затвора воздушниот простор за руските авиони
Европската унија ќе го затвори својот воздушен простор за руски авиони, соопшти денеска претседателката на Европската комисија, Урсула фон дер Лаен, најавувајќи и санкции за руските медиуми.
Таа посочи и дека ЕУ за прв пат ќе финансира купување и испорака на оружје и друга опрема за Украина.
17:45 САД: Путин искористи две третини од борбената моќ
Рускиот претседател Владимир Путин искористи две третини од вкупната борбена моќ на Русија за воената инвазија, изјавил за новинарите висок претставник на американската одбрана.
16:44 Утре наутро преговори меѓу Украина и Русија
Заменик министерот за внатрешни работи на Украина, Евгениј Јенин, изјави дека разговорите меѓу руската и украинската делегација ќе се одржат во понеделник наутро по локално време.
Претходно, Зеленски на „Фејсбук“ соопшти дека договорено е украинска делегација да се сретне со руска делегација на украинско-белоруската граница, во близина на реката Припјат.
16:40 Се огласи шефот на НАТО
Шефот на НАТО вели дека наредбата на Владимир Путин до руската армија да ги стави своите нуклеарни сили на повисоко ниво на подготвеност е опасна и неодговорна.
„Се разбира, кога ќе ја комбинирате оваа реторика со она што тие го прават на теренот во Украина, тоа ја зголемува сериозноста на ситуацијата“, изјави Jенс Столтенберг за Си-eн-eн.
16:20 (Видео) Украинците објавија снимка, тврдат дека со дрон уништиле руски конвој
Според украинските власти, станува збор за турско беспилотно летало што го користи украинската армија, а кое уништува конвој руски воени возила во близина на градот Керсон, на југот од Украина.
Според украинските власти, повторно е воспоставена целосна контрола и врз градот Харков, на североистокот од земјата.
15:50 Борел предупредува: Поради Украина ќе видиме провокации во Босна и Херцеговина
„Поради опасноста последиците од украинската криза да се прелеат и на другите земји од соседството на Русија, Европската Унија мора да им помогне на Молдавија и Грузија и внимателно да го разгледаат Западен Балкан, бидејќи таму ќе видиме провокации, особено во Босна и Херцеговина“, рече високиот претставник на ЕУ Џозеф Борел.
15:25 Соединетите Американски Држави најавуваат хуманитарна помош за Украина од 54 милиони долари
Соединетите Држави соопштија дека испраќаат скоро 54 милиони долари нова хуманитарна помош за Украина во борбата против руската инвазија.
15:00 Киев се согласил на преговори, претседателот Зеленски рече дека ќе преговара на граница
Украинскиот претседател Володимир Зеленски се огласи на Фејсбук по средбата со белорускиот претседател Александар Лукашенко.
14:50 Путин наредил да се подготват руските сили за нуклеарно одвраќање
Според светските медиуми, претседателот на Русија, Владимир Путин денеска им наредил на началникот на Генералштабот на руските вооружени сили Валериј Герасимов и министерот за одбрана Сергеј Шојгу да ги стават руските сили за нуклеарно одвраќање во состојба на специјална борбена готовност.
14:20 Кличко: Русите не влегоа во градот, продолжуваме да се браниме од напади
Градоначалникот на главниот град на Украина, Киев, Виталиј Кличко изјави дека во градот нема руски војници и дека Киев продолжува да се брани од напади.
12: 35 Русија и даде рок на Украина да одлучи дали ќе дојде на преговори во Белорусија
Русија им даде рок на украинските власти до 15 часот по локално време да одлучат дали ќе се сретнат со руската делегација на разговорите во белорускиот град Хомел.
12:15 Украина ја тужеше Русија во Хаг
Украина поднесе тужба против Русија до Меѓународниот суд на правдата на ОН во Хаг, изјави претседателот Володимир Зеленски, пишуваат светските медиуми.
11:50 Британскa министеркa: Се плашам дека ова нема да заврши наскоро и дека ќе има многу крв
Рускиот воен напад врз Украина може да биде почеток на крајот за претседателот Владимир Путин, изјави британската министерка за надворешни работи Лиз Трас.
10:55 Лукашенко: Киев да преговара за да не ја изгуби државноста
„Во Украина нема белоруски војници“, изјави претседателот на Белорусија Александар Лукашенко по гласањето на референдумот за промена на уставот што денеска се одржува во таа земја.
10:40 Путин: Посебна почит им оддавам на оние кои деновиве херојски ја извршија својата воена должност
Путин утрово накратко се појави на руската телевизија и првпат од петокот ја коментираше инвазијата на Украина, пишуваат медиумите во светот.
10:30 Украинскиот министер: Заедно го победивме Хитлер, ќе го победиме и Путин
Министерот за надворешни работи на Украина, Дмитриј Кулеба, исто така, по Зеленски, го повтори својот повик до странците да дојдат и да се борат на страната на Украина.
10:15 Зеленски го отфрли повикот на Путин за разговори во Белорусија: „Минск е руски соучесник“
Претседателот на Украина, Володимир Зеленски, ја одби поканата за преговори со Русија во Белорусија.
Украинскиот претседател Володимир Зеленски ги повика луѓето ширум светот да се приклучат во борбата против Русија.
Руските вооружени сили уништија 975 објекти на украинската армија, изјави денеска портпаролот на Министерството за одбрана на Русија, генерал-мајор Игор Конашенков.
Тој тврди дека биле соборени 26 авиони, пренесе ТАС С.
09:30 Трамп: Путин е паметен, ги надмудри сите, нашите лидери се глупави
Поранешниот американски претседател Доналд Трамп ја осуди руската инвазија на Украина и рече дека се моли за Украинците, наведувајќи дека бил во право кога неодамна рекол дека Путин е паметен затоа што ги надмудрил светските лидери, пренесе Ројтерс.
08:00 Руските сили навлегоа во Харков, силни експлозии во Киев
Во текот на ноќта Киев беше нападнат од руската војска и ракети, а во градот се огласија и сирени. Беа погодени и други украински градови меѓу нив и Харков
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Русите ја нападнаа Одеса: луѓето ги блокираат патиштата, лути затоа што нема струја
Во руските напади во близина на украинското црноморско пристаниште Одеса беше убиена жена синоќа, а градски округ претрпе прекини во електричната енергија и другите комунални услуги, соопштија официјални лица.
Гувернерот на регионот Одеса, Олех Кипер, пишувајќи на Телеграм, рече дека руски дрон уби жена која преминувала мост во нејзиниот автомобил југозападно од Одеса. Нејзините три деца се повредени во инцидентот.
Russians struck a bridge in Odesa Oblast with a Shahed drone — just near the Moldovan border
A 40-year-old woman was killed, local media report.
The bridge on the Odesa–Reni highway crosses the Dniester River and is critically important for regional traffic.
After the strike,… pic.twitter.com/F17Orobjtr
— NEXTA (@nexta_tv) December 18, 2025
Кипер апелираше до жителите на регионот кои претрпеле продолжени прекини на електричната енергија да покажат трпение и да престанат да блокираат патишта во знак на протест, велејќи дека службите за итни случаи работат деноноќно за да го вратат снабдувањето со електрична енергија.
Во Одеса, шефот на градската воена администрација, Серхиј Лисак, рече дека рускиот напад ја погодил инфраструктурата и предизвикал прекини во електричната енергија, водата и греењето во „густо населен округ“.
Едно лице е повредено, а службите за итни случаи работат на враќање на нормалното снабдување. Украинските гранични власти соопштија дека руските напади го запреле сообраќајот по должината на рутата што ја поврзува Одеса со пристаништето Рени на реката Дунав.
Европа
ЕУ, конечно, постигна договор за Украина: три членки одбија да учествуваат
Лидерите на ЕУ ги откажаа плановите за невиден заем за репарации за Украина и наместо тоа ќе соберат 90 милијарди евра преку заедничко задолжување за финансирање на Киев во следните две години. Унгарија, Чешка и Словачка нема да учествуваат во аранжманот, објави „Еуроњуз“.
Откако разговорите заглавија поради барањето на Белгија за неограничени гаранции пред користење на замрзнатите руски средства, лидерите на ЕУ се свртеа кон издавање заеднички долг. Ова би ја обезбедило финансиската стабилност на Киев следната година и во 2027 година, додека товарот би паднал врз заедничкиот буџет на ЕУ.
Белгиските барања го срушија договорот
Пред самитот во Брисел во четврток, лидерите инсистираа дека нема План Б и ги удвоија напорите за издавање заем за репарација поддржан од замрзнати средства од Руската централна банка. Германскиот канцелар Фридрих Мерц го водеше напорот, но тој не успеа, бидејќи барањата на Белгија за неограничени гаранции го направија планот неодржлив за другите членки.
Неуспехот е удар за Мерц и претседателката на Комисијата, Урсула фон дер Лајен, која го претстави планот како најдобра опција. Дискусијата во четврток се вртеше околу ублажување на загриженоста на белгиската влада. Премиерот Барт де Вевер со недели беше цврст, велејќи дека нема да прифати лош договор што ќе ја изложи неговата земја на руска одмазда. Неговото барање за „неограничени гаранции“ за заштита на Белгија и финансиската институција Евроклеар се покажа како неприфатливо за другите. Еден дипломат изјави за Евроњуз дека многу земји не сакале да понудат такви гаранции, велејќи: „Лидерите навистина не знаеја што ќе гарантираат на крајот“.
Унгарија, Чешка и Словачка се исклучени од шемата
Уште пред самитот, Унгарија јасно стави до знаење дека нема да се согласи со заемот за репарации. Премиерот Виктор Орбан одбива финансиски да ја поддржи Украина и честопати ги критикуваше европските колеги за нивното справување со војната. Но, кога стана јасно дека Белгија и другите земји-членки не можат да се согласат, Орбан, заедно со словачкиот премиер Роберт Фицо и чешкиот премиер Андреј Бабиш, изготвија план за излез од застојот.
Во заклучоците од самитот, лидерите се согласија дека Унгарија, Словачка и Чешка ќе бидат ослободени од каква било одговорност поврзана со заемот преку механизмот за „засилена соработка“. „Секое мобилизирање на буџетските средства на ЕУ како гаранција за овој заем нема да влијае на финансиските обврски на Чешка, Унгарија и Словачка“, се вели во текстот, одобрен од сите 27 земји.
Орбан: Украинците никогаш нема да можат да го вратат заемот.
Потоа Орбан им рече на новинарите: „Изгледа како заем, но Украинците никогаш нема да можат да го вратат“, и додаде: „Всушност, тоа е трошење пари. И оние што стојат зад тој заем ќе ја преземат одговорноста и финансиските последици од него“.
Реакции по тешките преговори
По самитот, кој заврши во раните утрински часови, фон дер Лајен, придружувана од данската премиерка Мете Фредериксен, изјави дека примарната цел е постигната: финансирањето за Украина е обезбедено. „Конечниот заклучок, по денес, е дека нашата поддршка за Украина е загарантирана“, рече Фредериксен.
Сепак, принципот дека Русија мора да плати за штетата предизвикана на Украина не се оствари. Европските земји-членки ќе се задолжуваат на финансиските пазари и ќе плаќаат камата. Иако заемот за Украина ќе биде без камата, а Киев треба да го врати со пари од руските репарации, не е сигурно дали Русија некогаш ќе плати репарации, што значи дека заемот лесно би можел да се претвори во грант.
„Тие беа нервозни поради терминот ‘неограничени гаранции’“
Белгискиот премиер Де Вевер рече дека зборот „неограничени“ гаранции ги направил неговите колеги „нервозни“ и дека исходот ја потврдил позицијата на неговата земја. „Денес докажавме дека гласот на малите и средните земји-членки исто така се брои. Одлуките во Европа не се донесуваат едноставно од најголемите капитали или институции. Тие се колективни“, рече тој, суптилно алудирајќи на Германија.
Од друга страна, германскиот канцелар Мерц им рече на новинарите дека „Европа го покажа својот суверенитет“ со тоа што се согласи на заеднички долг. „Кога станува збор за руски средства, само малку ја променивме временската рамка“, додаде тој, тврдејќи: „Руските средства ќе се користат како колатерал за заемот“.
Европа
(Видео) Украинските дронови уништија „неуништливи“ руски С-400
Украинските оператори на беспилотни летала уништија два руски ракетни системи С-400 Триумф заедно со нивната муниција во рускиот регион Белгород, потврди украинскиот Генералштаб. Нападот, кој се случи на 14 декември, го изврши 15-та одделна артилериска извидничка бригада, а целата операција беше снимена, објави „Евромајдан прес“.
Ваквите напади се дел од пошироката украинска стратегија за ослабување на руската воздушна одбрана, како на руска територија, така и на окупираните територии. Системот С-400 Триумф, модернизиран наследник на советскиот С-300, е клучна компонента на слоевитата мрежа за воздушна одбрана на Русија. Русија повремено го користи и за напад на копнени цели, насочувајќи се кон украински градови. Затоа, уништувањето на овие системи се смета за голем губиток за руските сили.
Според извештајот на порталот Militarnyi, лансирните системи С-400 биле уништени додека биле во движење. Објавените снимки прикажуваат руски возила за противвоздушна одбрана како се движат по земјен пат, веројатно за време на промена на борбената позиција.
Затаен данок од над еден милион евра од трговија со злато и накит, истрага против две лица
Основното јавно обвинителство Скопје отвори истрага против две лица за кои постои основано сомнение дека подолг временски период вршеле кривично...
Алиу: Дефиниравме нови програми за специјализации – темелно го менуваме пристапот за креирање медицински кадар
На денешната прес-конференција на министерот за здравство Азир Алиу, заедно со претседателката на Лекарската комора, Калина Гривчева-Старделова, деканот на Медицинскиот...
Уапсени 11 лица за местење тендер вреден над 7,6 милиони евра во „ЕСМ дистрибуција на топлина“
Завчера во текот на ноќта помеѓу 17 и 18 декември и вчера, под раководство на јавен обвинител, полициски службеници спроведоа...
Левицата бара независна истрага за смртта на новороденчето и одговорност од директорката и од педијатарката во ГАК
Левица бара Обвинителството да отвори истрага за смртта на новороденчето на Клиниката за гинекологија и акушерство и одговорност од директорката...
(Видео) Тошковски: Интервентната полиција – шест години посветена служба во заштита на граѓаните
По повод шест години од формирањето на Единицата за интервентна полиција при СВР Скопје, денеска беше одбележан Денот на единицата,...
Андоновски: Македонија рангирана во А-групата за дигитален напредок според Светската банка
На конференцијата „Трансформирање на иднината: дигитална стратегија за современо општество“, посветена на промоцијата на Националната стратегија за развој на ИКТ...
Измените на Кривичниот законик се само уште едно крпење на правниот систем, велат од ЛДП
Либерално-демократската партија (ЛДП) изразува сериозна загриженост и негодување во однос на најновите предлог-измени на Кривичниот законик кои се најдоа пред...
Надминат прагот на штетни честички во воздухот во Скопје, надлежните активираа мерки
Министерството за животна средина и просторно планирање информира дека според податоците од Државниот автоматски мониторинг-систем за квалитет на амбиенталниот воздух...
„’Лотаријата’ функционирала како приватна фирма на Груби, СДС молчел за криминалот од 1 милион евра поради опстанок на власт“, вели ВМРО-ДПМНЕ
„СДС за да опстане ден повеќе на власт ги толерирале злоупотребите кои се случувале во Лотарија под раководство на Бајрами,...
Спроведени 262 контрли на безбедноста на новогодишните пакетчиња, утврдени минимални недоследности
Во пресрет на новогодишните празници, Агенцијата за храна и ветеринарство (АХВ) спроведе 262 вонредни инспекциски надзори за контрола на безбеднста...
Макрон: Дојде време да се обнови дијалогот со Путин
Францускиот претседател Емануел Макрон изјави дека дојде време тој и европските лидери повторно да влезат во дијалог со рускиот претседател...
(Видео) Објавена нова снимка од нападот во Сиднеј: полицаец спречил масакр од 45 метри
Австралиските медиуми го идентификуваа полицаецот кој го спречи смртоносниот антисемитски напад на плажата Бонди како детективот Сезар Бараза. Новообјавените видеа...
(Видео) Осомничениот за масовното пукање на Универзитетот „Браун“ пронајден мртов: го убил и професорот на МИТ
Маж осомничен за масовното пукање на Универзитетот Браун од минатата недела е пронајден мртов по шестдневна потрага што се протегаше...
Трамп ја прогласи марихуаната за помалку опасна дрога
Американскиот претседател Доналд Трамп потпиша извршна наредба со која марихуаната на федерално ниво се класифицира како помалку опасна дрога, во...
ЕУ, конечно, постигна договор за Украина: три членки одбија да учествуваат
Лидерите на ЕУ ги откажаа плановите за невиден заем за репарации за Украина и наместо тоа ќе соберат 90 милијарди...
(Видео) Приватен авион се урна во Северна Каролина, повеќе загинати
Повеќе луѓе загинаа откако приватен авион Цесна С550 поврзан со возачот на НАСКАР, Грег Бифл, се урна во близина на...
(Видео) Хаос и туркање во албанскиот парламент: драматични сцени во Тирана
Во албанскиот парламент денес избувна хаос кога пратениците од опозицијата запалија факели и фрлаа вода за време на седницата, а...
(Видео) Украинските дронови уништија „неуништливи“ руски С-400
Украинските оператори на беспилотни летала уништија два руски ракетни системи С-400 Триумф заедно со нивната муниција во рускиот регион Белгород,...
„Драги нелегални имигранти, вратете се дома за празниците!“, порача американско министерство
Министерството за внатрешна безбедност на САД објави графика слична на божиќна честитка на X, повикувајќи на депортација на луѓе кои...
Во наредните десет дена изменет сообраќаен режим на автопатската делница во изградба од селото Требеништа до селото Мешеишта
СВР Охрид информира дека од денеска во наредните десет дена, на сила ќе бидат измените на сообраќајниот режим на автопатската...
