Свет
Ким Џонг-ун го одобри лансирањето на првиот севернокорејски воен шпионски сателит
Севернокорејскиот лидер Ким Џонг-ун го прегледа првиот воен шпионски сателит на Северна Кореја и даде зелено светло за неговиот иден акциски план, објавија државните медиуми во Пјонгјанг.
За време на неговата посета на севернокорејската воздухопловна агенција, тој нагласи дека извидувањето од вселената е клучно за соочување со САД и Јужна Кореја. За време на посетата, Ким одобри неодреден иден акциски план како подготовка за лансирање на сателитот, соопшти севернокорејската новинска агенција КЦНА.
Пјонгјанг не го објави целниот датум за лансирање, што според некои аналитичари би можело да биде во следните неколку недели.
Фотографиите објавени од весникот „Родонг Синмун“ во вторникот покажуваат дека Ким и неговата ќерка, облечени во бели лабораториски мантили, разговараат со научниците во близина на она што се чини дека е главна сателитска компонента.
Посетата е прво јавно појавување на Ким за еден месец по претходната посета на воздушниот центар на 18 април кога државните медиуми објавија дека сателитот е изграден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вулин до германската министерка Бербок: Вучиќ нема да стои мирно пред германските сили
„Министерката за надворешни работи на Германија, Аналена Бербок, внука на одликуваниот Валдемар, следбеник на Хитлер, им се заканува и уценува на претставниците на земјите кои нема да ги прогласат Србите за геноцидна нација“, рече вицепремиерот на Србија Александар Вулин во Техеран, реагирајќи на тоа што министерката за надворешни работи на Германија, Аналена Бербок, им се заканува и ги уценува земјите кои нема да гласаат за резолуцијата за геноцидот во Сребреница, пренесуваат српските медиуми.
„Германија, земја чие средно име е геноцид и холокауст, се обидува насилно да ја убие совеста на слободниот свет. Аналена е внука на нејзиниот дедо, таа е навикната да стои во место, пред силата на Третиот Рајх или обединета Германија. А Александар Вучиќ е внук на неговиот дедо, кој го убија германските сојузници, усташите. И Александар Вучиќ нема да застане мирно пред германската моќ. Колку и да им ја наметнува Аналена резолуцијата на бившите и сегашните колонии на Германија, вистината ќе остане дека таа е внука на нацист, а Александар Вучиќ е внук на жртвите од Јасеновац, а вистината ќе биде дека Германците се народ на геноцид, а Србите не, и нема сила сила што ќе го промени тоа“, рече Вулин.
Свет
Врховниот обвинител и јавен обвинител на Израел: Нема основа за апсење на Нетанјаху
Израелскиот главен обвинител Гали Бахарав-Мијара и државниот обвинител Амит Ајсман денеска оценија дека барањето на главниот обвинител Карим Кан од Меѓународниот суд за издавање налози за апсење на израелскиот премиер Бенјамин Нетанјаху и министерот за одбрана Јоав Галант е неосновано.
Како што е наведено, МКС нема јурисдикција да бара налози за апсење против израелските лидери, бидејќи Израел е способен самиот да се истражи.
Кан побарал налог за апсење на Нетанјаху и Галант, за наводни злосторства поврзани со војната во Газа, вклучително и намерно таргетирање на цивили и употреба на гладување како воена алатка.
Тој бара обвиненија и против тројца лидери на Хамас, поради нападот на екстремистичката организација на југот на Израел на 7 октомври минатата година, што ја предизвика војната.
Највисоките израелски правосудни претставници објаснија дека израелското правосудство „темелно ги истражува сите веродостојни наводи за прекршување на законот од страна на државните функционери“, додавајќи дека МКС „нема јурисдикција да го истражува ова прашање“.
Организациите за човекови права долго време го обвинуваат Израел дека не ги истражил и казнил своите безбедносни сили за насилството извршено врз Палестинците, потсетува „Асошиетед прес“.
„Безбедносните сили, вклучително и ИДФ (Израелските одбранбени сили), водат војна со целосна посветеност на правилата на меѓународното право“, се вели во заедничката изјава на јавниот обвинител и државниот обвинител.
Во соопштението се додава дека правниот систем во државата Израел е подготвен да го истражи секое сериозно тврдење поврзано со политика и во сите поединечни случаи, пренесоа израелските медиуми.
Европа
Британците со децении примале крв заразена со ХИВ: 3.000 од нив починале, меѓу нив и деца
Голем скандал ја тресе Велика Британија. Во периодот од седумдесеттите до почетокот на деведесеттите години на минатиот век, повеќе од 30.000 луѓе, од кои 3.000 починале, примиле крв заразена со ХИВ вирусот или хепатитис Ц. Ова е откриено во извештајот на Брајан Лангстаф, објавен во седум тома, во кој исто така се наведува дека сето тоа можело да се избегне, но дека случајот бил прикриен од Националната здравствена служба и британската влада, пренесуваат медиумите во регионот.
Инфекцијата, според написите, настанала за време на експерименталниот третман на пациенти, од кои многумина не ни знаеле дека всушност се употребени за таа цел. Меѓу починатите како последица на инфекцијата има и голем број деца. Премиерот на Велика Британија Риши Сунак им се извини на заразените и на семејствата на жртвите, а владата ќе треба да плати отштета од речиси 13 милијарди долари.
Новинарката Даница Илиќ за N1 вели дека вината за овој скандал не е само кај лекарите и персоналот, туку кај сите влади од седумдесеттите до деведесеттите.
Истакнува дека во 1970-тите СЗО ја предупредиле Британија да не увезува крв од земји за кои е познато дека не ги проверуваат крводарителите, пред се од САД, кои понекогаш земаат крв од затвореници и интравенозни наркомани.
Сепак, според Илиќ, Британија сè уште ја увезува оваа крв поради недостигот.
Исто така, во 1980-тите со појавата на ХИВ се појави и технологијата на термички обработена крв, но Британија не ја искористи, туку беше меѓу последните земји што ја воведе оваа новина, пренесува медиумот.
Потсетува и на случајот со деца во училиште во осумдесетите кои биле хемофиличари и врз нив бил применет некаков експериментален метод.
„Сто дваесет и двајца студенти примиле заразена крв, од нив само 30 преживеале“, вели Илиќ.
На прашањето каква е реакцијата на британската јавност по објавувањето на извештајот и дали се уште имаат доверба во својот здравствен систем, таа вели дека Британците се многу горди на својот здравствен систем, бидејќи имаат право на бесплатен здравствена грижа.
„Меѓутоа, здравствениот систем пропадна, кога би ги прашале поединечните политичари и политичките противници на актуелната конзервативна власт, многумина би рекле, па дури и би презентирале докази дека се води кон приватизација на здравствениот систем. Британците веќе немаат доверба во својот здравствен систем. Пред се, не само во однос на ваквиот скандал, туку и на огромните листи на чекање. Чекаме операции, чекаме редовни контроли, чекаме специјалистички прегледи, чекаме итна помош, во некои случаи и дознавме, по осум часа“, посочува Илиќ.