Daily news
Палестинец на Западниот брег уби израелски војник, Хамас во Газа погуби тројца Палестинци за соработка со Израел

Палестинец во четвртокот на Западниот брег (од реката Јордан) намерно со автомобил се залетал во двајца израелски војници, убивајќи еден и повредувајќи го другиот, соопшти израелската војска, а истовремено исламистичкото движење Хамас, во другата палестинска енклава Газа погубил тројца Палестинци осудени за соработка со Израел, бесејќи ги во рамките на кампањата со којашто сака да ги мотивира на преостанатите агенти на Израел тоа да го применат во замена за поблага казна.
Со убиството на израелскиот војник на Западниот брег, кој меѓународната заедница ја смета за окупирана палестинска територија од Израел во војната од 1967 година, бројот на Израелците кои загинаа во бранот палестински улични напади со возила или студено оружје, кои започнаа во октомври 2015 година, се искачи на 39. Истовремено, во последните 18 месеци загинале најмалку 242 Палестинци во Израел и на палестинските територии.
Возачот е уапсен веднаш по инцидентот кој се одиграл рај еврејската населба Офра. Војниците стоеле на автобуска станица. Пред пет дена израелската полиција уби Палестинец кој со нож нападна тројца Израелци во ерусалимскиот Стар град.
Егзекуцијата којашто ја изврши Хамас во Газа, со којашто владее, била извршена во дворот на седиштето на полицијата во оваа енклава и на неа присуствувале челниците и функционерите на исламистичкото движење и на Газа. Министерството за внатрешни работи, коешто го води Хамас, објавил дека тројцата мажи на возраст од 32, 42 и 55 години, се осудени за предавство и шпионирање за непријателската стана.
Обвинетите на Израел му давале информации кои му помогнале да пронаоѓа и убива Палестинци, вклучително и челниците на воените фракции, смета министерството. Хамас на оние коишто кои ќе се предадат им нуди ублажена казна, анонимност и заштита на нивните семејства од стигмата којашто во Газа ја носи веста за соработка со Израел.
Судењата низ минатите две години ги спроведуваа судовите коишто, исто така, се под контрола над Хамас, а изрекувањето на најстрогите казни е одлучено по исцрпувањето на сите други правни процедури, истакнува министерството.
Хамас владее со Газа од 2007 година кога во судир ја презема власта од ривалското движење Фатах на претседателот на Палестинската самоуправа, Мамуд Абас, кој владее со Западниот брег. Судовите на Хамас од тогаш на смрт осудиле 106 и извршиле погубувања на 22 луѓе, тврдат палестинските и меѓународните здруженија за човекови права.
Палестинските власти на Западниот брег ги осудија овие бесења како незаконски, тврдејќи дека Хамас за нив не добил согласност од претседателот Абас кој смета дека осудените немале правични судења, пренесуваат агенциите Wafa и DPA, Палестинскиот закон предвидува Абас како претседател да го има конечниот збор за спроведување на егзекуциите.
Погубувањата во четвртокот го осудија и палестинските и меѓународните здруженија за човекови права./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.