Поранешниот советник на американскиот претседател Доналд Трамп за национална безбедност, пензионираниот безбедносен генерал Мајлк Флин, во финансискиот извештај во февруари не објавил уплата од руската телевизиска мрежа RT и други компании поврзани со Русија, покажуваат документите коишто ги објави Белата куќа.

Генералот Мајкл Флин во финансискиот извештај кој го потпишал на 31-ви март, открил дека имал доходи од 1,3 милиони долари, коишто ги добил од 2014 година за работа за технолошки компании, политички групи, како и за јавни настапи, пишува весникот The New York Times.

Првата верзија на својата финансиска состојба Флин ја поднел во управата за етика на Белата куќа на 11-ти февруари, неколку дена откако беше принуден да се повлече од позицијата советник, поради контактите со рускиот амбасадор во САД Сергеј Кислјак, како член на тимот на Трамп пред овој официјално да ја преземе претседателската функција а затоа не го известил потпретседателот Мајк Пенс. Според The New York Times, тогаш Флин не ги открил имињата на компаниите, за кои имал настапи во јавноста.

Според запознаен извор на весникот The Washington Post, првата верзија од пријавата за приходите била предлог кој требала да мине низ вообичаената постапка за проверка и корекција. Тој процес бил прекинат поради оставката на Флин. Потоа службениците на Белата куќа побарале од него да ја заврши процедурата и да ги наведе сите организации, кои платиле за неговите говори.

Како што појаснува The Washington Post, меѓу изворите на неговите доходи се руската меѓународна телевизиска компанија RT (Russia Today), на чијашто 10-годишнина присуствувал во (Russia Today) и воздухопловната компанија „Волга-Днпер“, како и американска компанија која работи како филијала на „Лабораторијата Касперски“.

Со Флин, исто така, е поврзано и прашање за лобистички активности во полза на Турција, за која неговата фирма наводно добила 500.000 американски долари, пишува весникот.

Во извештајот не се наведува олку на Флин му било платено, но говорите се наведени во поглавјето под наслов „извори на надоместоци кои надминуваат 5.000 американски долари годишно“. Тие говори не се вклучени во извештајот кој Флин го потпишал електронски на 11.-ти февруари, а кој Белата куќа, исто така, го објави оваа сабота, забележува Reuters.

Несовпаѓањето со објавените уплати поврзани со Русија би можеле на генералот Флин да му создадат дополнителни правни проблеми.

Безбедносниот генерал кој беше тргнат од должноста во времето на претходниот американски претседател демократот Барак Обама, поднесе оставка по само 24 дена на должноста советник за национална безбедност во Белата куќа поради неговите контакти со руски функционери коишто според ткн „Логанов акт“ од XVIII век се забранети контакти со странски функционери за лица кои не се на функција и е дела од пошироката истрага за наводната руска вмешаност во претседателските избори во 2016 година во САД.

Американскиот претседател Доналд Трамп ја поддржа во петокот поддршката на својот поранешен советник за национална безбедност, пензионираниот генерал Мајкл Флин, да побара имунитет од кривичен прогон во замена за сведочење во истрагата на Конгресот за можни врски меѓу кампањата на Трамп и руската влада.

Мајкл Флин бара заштита од „неправеден прогон“, доколку сведочи пред комитетите за разузнавање на Сенатот и на Претставничкиот дом, изјави во четвртокот неговиот адвокат Роберт Келнер.

„Мајкл Флин би требало да бара имунитет, бидејќи ова е лов на вештерки (изговор за големиот изборен пораз) на медиумите и демократите, од историски размери!“, напиша претседателот Доналд Трамп на Twitter.

Сенаторот Ангус Кинг, член на сенатскиот Комитет за разузнавачката заедница, рече дека прерано за тоа да се разговара. Флин барањето го поднел пред десетина ден, изјави за Reuters неименуван владин функционер.

Сведочењето на Флин би можело да ги разјасни разговорите кои минатата година ги водел со рускиот амбасадор во САД, Сергеј Кислјак, додека бил советник во кампањата на Трамп./кра/мф/сн

(Фотографијата објавена на 15 февруари 2017, на која е рускиот претседател Владимир Путин (д), со познати американски личности, а до него е тогаш пензионираниот американски генерал потполковник Мајкл Флин (л), кои присуствуваат на 10-годишнината на RT во Москва, на 10-ти декември 2015 година. EPA/Michael Klimentyev/SPUTNIK/Kremlin pool)