Свет
СДСМ бара отчет од Владата за становите на Милошоски
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2801.jpeg)
По министерот без ресор, Владо Поповски, и владејачкиот СДСМ ќе бара од Владата и Јавното претпријатие за стопанисување со станбен и деловен простор пред Антикорупциската комисија да ги разјаснат наодите за двата државни стана кои, наводно по багателни цени, ги откупил функционерот на ВМРО-ДПМНЕ, Антонио Милошоски.
Прес
По министерот без ресор, Владо Поповски, и владејачкиот СДСМ ќе бара од Владата и Јавното претпријатие за стопанисување со станбен и деловен простор пред Антикорупциската комисија да ги разјаснат наодите за двата државни стана кои, наводно по багателни цени, ги откупил функционерот на ВМРО-ДПМНЕ, Антонио Милошоски.
"Како е возможно и кој може во центарот на Скопје да откупи два стана од 60 квадратни метри за само петнаесетина илјади евра по таканаречена пазарна цена, доколку се знае дека вистинската пазарна цена во тој дел на Скопје е 1.000 евра за квадратен метар, што би значело дека треба реално да плати 60.000 евра за 60 квадратни метри ", изјави на вчерашната прес-конференција портпаролката на СДСМ, Тања Томиќ. Томиќ бара да се испитаат и наводите за санацијата на станот и критериумите за намалување на цената на становите, а особено да се проверат правните основи за склучување на договорите за откуп на државните станови на Милошоски, кој е член на Извршниот комитет на ВМРО-ДПМНЕ.
Милошоски завчера за "Утрински весник" изјави дека "двата стана ги купил регуларно" и за нив плаќа кредит. "Тоа е евтин обид да се сврти вниманието на јавноста од горливите прашања и да се дискредитира личност која ќе има медиумска улога на изборите", ги коментираше Милошоски обвинувањата на негова сметка. (Б.Г.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.