Свет
Над 20 полицајци исфрлија болни жени на улица
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2863.jpeg)
Жените трудови инвлади изјавија дека штрајкот со барање да им се врати надоместот од 3.000 денари ќе го продолжат на улица, пред просториите на подрачната единица на Министерството
СО ПОЛИЦИСКА ИНТЕРВЕНЦИЈА ОСЛОБОДЕНИ ПРОСТОРИИТЕ НА МИНИСТЕР5СТВОТО ЗА ТРУД ВО КУМАНОВО
Жените трудови инвлади изјавија дека штрајкот со барање да им се врати надоместот од 3.000 денари ќе го продолжат на улица, пред просториите на подрачната единица на Министерството
Трудовите инвалиди, кои веќе два месеци штрајкуваат со глад, вчера полицијата насилно ги исфрли од канцелариите на подрачната единица на Министерството за труд и социјална политика во Куманово. Десетина жени од 20-тина полицајци беа истерани пред вратата на скалите на Министерството. "Не исфрлија на улица но ние ќе останеме тука. Ќе донесеме ќебиња и на овие студови ќе спиеме надвор. Господ нека не чува, а ние ќе видиме што ќе правиме, ќе се самозапалиме или полека ќе умираме, вака повеќе не се живее", вели Вера Јовановска, од координативното тело на штрајкувачите.
Утрината трудовите инвалиди ги посетиле претставници на независниот синдикат кои во моментот на исфрлувањето се затекнале внатре. "Полицијата со сила не исфрли и нас. Глетката беше болна и трауматизирачка. Жените легнати на земја, а тие ги влечат. Повеќе од дваесет полицајци дојдоа да ги исфрлат овие болни жени. Демонстрираат сила на места каде што не е потребно. Методите кои министерот Јакимовски ги употребува се вон памет", велат од Независниот синдикат. Додека полицијата беше внатре во запоседнатите канцеларии, на неколку жени на скалите им се слоши.
Штрајкот на трудовите инвалиди не беше прекинат ни по преговорите со премиерот Бучковски, а тие бараат да им се врати исплатата од 3000 денари како надомест до нивно повторно вработување или пензионирање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.