Свет
Се обеси пироманот од Кисела Вода
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-4278.jpeg)
Вчераутро се случија две самоубиства во Истра‘ниот затвор "Скопје" во населбата Шуто Оризари
Вчераутро се случија две самоубиства во Истра‘ниот затвор "Скопје" во населбата Шуто Оризари
Гагарин Зенделовиќ и Орхан Незири се обесиле во иста затворска ќелија
ЉУБИША СТАНКОВИЌ
ГОРАН АДАМОВСКИ
Човекот што го подметна пожарот во скопската населба Кисела Вода минатиот март, Гагарин Зенделовиќ, во кој загинаа четири лица вчера час и половина по полноќ се обеси во ќелијата на притворското одделение во затворот во Шуто Оризари. Во трагедијата на Зенделовиќ му се приклучил другиот осуденик од заедничката ќелија, Орхан Незири – тој се обесил во истовреме заедно со пироманот кој зави во црно четири семејства од Македонија. Директорот на Управата за извршување санкции, Костадинчо Ефремов, ни ја потврди оваа информација, но за други детали поврзани со овој настан тој не сакаше да говори, поради тоа што е почната истрагата. Терата на двајцата скопјани се предадени за обдукција во Институт за судска медицина во Скопје.
Ништо повеќе нема ни во соопштението испратено до медиумите, освен што се наведува за кои кривични дела Зенделовиќ и Незири ја извршувале казната. На 1 ноември минатата година во Основниот суд Скопје 2, Зенделовиќ беше осуден на 14 години затвор, а му беше одредена и мерка: задолжително психијатриско лекување. Со пресудата тој беше задолжен да ги обесштети и станарите од зградата А 4 на улицата "Ѓорѓи Сугаре" во скопската населба Кисела Вода со 4,3 милиони денари, но и да ги надомести трошоците за судската постапка. Гагарин Зенделовиќ остана запаметен во македонската јавност по необјаснивото подметнување на пожарот на 23 март лани кое ја шокира Македонија. Во големиот пожар загинаа студентките од Битола и Струмица Катерина Наковска (26) и Ива Витанова (20), и Божица Ќурковиќ (70) и Борис Кралевски (77) од Скопје, а десетина други се лекуваа од затруеност од густиот чад.
Од Управата за извршување санкции потврдуваат дека од судот е добиено решение со кое на Занделовиќ му бил продолжен притворот на уште три месеци, односно до правосилноста на пресудата.
Незири бил притворен поради тешка кражба, односно бил донесен од КПУ"Идризово" каде што издржувал друга затворска казна, бидејќи имал повторување на постапка. За Незири е потврдено дека три пати се обидел да се самоубие, но дека неговите намери биле спречувани од вработените во затворот, а за неговите суицидни намери бил извесетен и надлежниот суд.
За една година ова е петто самоубиство што се случило во македонските затвори. Имено, три самоубиства се случија во истражниот затвор "Скопје", а две во КПУ "Идризово". Во истиот период шестмина други починаа од природна смрт, а уште едно лице беше убиено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.