Свет
Директорско место за 400 евра
директори треба да платат по 400 евра за да посетуваат часови, иако претходно им било кажано дека подготовката била спонзорирана од УСАИД
ИЗЛАЖАНИ ПРОФЕСОРИ
Професорите во основите и во средните училишта кои се пријавиле на конкурсот за обука за директори треба да платат по 400 евра за да посетуваат часови, иако претходно им било кажано дека подготовката била спонзорирана од УСАИД
Професорите во основите и во средните училишта кои се пријавиле на конкурсот за обука за директори треба да платат по 400 евра за да посетуваат часови. Но тие велат дека во конкурост кога се пријавувале никаде не стоело дека обуката ќе треба сами да си ја платата. Професорите тврдат дека им било кажано дека подготовката била спонзорирана од УСАИД и дека тие можеби ќе партиципираат само со некоја симболична сума. Со измените на законската регулатива, без положен испит кандидатите не можат да станат директори.
"Откако не информираа дека сме ги исполнуваме условите моравме да платиме сите по 500 денари за административни тошоци. Толку пари само за едно ливче што ни го испратија на домашна адреса, а се пријавија околу 1.000 кандидати. Откако ги дадовме тие пари ни кажаа пак, дека сега ќе треба да платиме по 400 евра за обуката", реагираат професорите. "Ние зимаме плата по 200 евра. Кој од нас може да плати толку многу. Направија тој што има пари да плати да стане директор. Тој што нема ништо", објаснуваат кандидатите. Тие велат дека сумата од 400 евра е превисока зашто со тие пари тие не добиваат надградба во образованието.
"Никаде во конкурсот не стоеше дека обуката е бесплатна", вели Константин Петковски претседател на Комисијата за полагање на испит за директори. "Бесплата беше само обуката за сегашните директори. Но ние со законот сме обврзани вакви конкурси да распишуваме двапати годишно. Обуката ќе ја прават три акредитирани установи и тие си ја формираат цената", кажува Петковски.
Тој објаснува дека на конкурсот биле пријавени 1.000 кандидати, а од нив 850 ги исполниле условите. Останатите немале завршено високо образование, или, пак, имале помалку од 5 години работно искуство во образованието.
Подготовката за полагање на директорски испит може да ја организираат Филолошкиот факултет и Американ колеџот од Скопје, како и Техничкиот факултет во Битола.
"До петокот потврди подигнаа 120 кандидати. За две недели Комисијата повторно ќе распише конкурс за организирање обука", вели Петковски. (Р.Ф.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас е подготвен за прекин на огнот со Израел
Хамас е подготвен за прекин на огнот во Газа, изјави висок функционер на палестинската милитантна група, поздравувајќи го примирјето што стапи на сила во Либан меѓу Израел и Хезболах, пишува Тајмс оф Израел.
„Ги информиравме посредниците во Египет, Катар и Турција дека Хамас е подготвен за договор за прекин на огнот и сериозен договор за размена на затвореници“, изјави функционерот за АФП, обвинувајќи го Израел за попречување на договорот.
Американските и израелските власти изразија надеж дека губењето на воената поддршка на Хезболах ќе помогне да се принуди Хамас да бара мир. Групата долго време вели дека сака прекин на огнот, но не е подготвена да ги исполни барањата на Израел за заложници, според израелските наводи. Меѓународните посредници велат дека израелските барања за останување на војниците во Газа се исто така пречка, обвинувајќи ги двете страни за ќор-сокакот.
Свет
Либанската армија се подготвува да се врати на југот на земјата
Армијата на Либан соопшти дека се подготвува да се распореди на југот на земјата откако стапи на сила прекинот на огнот меѓу Израел и Хезболах.
Во соопштението, армијата исто така побара од жителите на пограничните села да го одложат враќањето во своите домови до повлекувањето на израелската армија.
Прекинот на огнот меѓу Израел и либанската милиција Хезболах стапи на сила во раните утрински часови во средата, но му претходеа силни експлозии во областа Бејрут до почетокот на примирјето.
Портпаролот на ИДФ кажа дека жителите на јужен Либан ќе бидат информирани кога ќе можат безбедно да се вратат дома.
Извештаите велат дека вкупно 10.000 војници на либанската армија ќе бидат стационирани во пограничната област паралелно со израелското повлекување. Од вкупниот број, 5.000 се веќе поставени.
Европа
Медведев: Мојата тажна шега изгледа се претвора во застрашувачка реалност
Поранешниот руски претседател и актуелен заменик-шеф на рускиот совет за безбедност Дмитриј Медведев испрати предупредување до САД во објава на Телеграм. Тој ги критикуваше наводите што се појавија во Русија, според кои се подготвува трансфер на нуклеарно оружје од САД во Украина. „Немаме планови да ја опремиме Украина со нуклеарно оружје“, изјави Белата куќа за Њузвик како одговор на овие извештаи и коментарите на Медведев.
„Американските политичари и новинари сериозно разговараат за последиците од префрлањето на нуклеарното оружје во Киев. Се чини дека мојата тажна шега за лудиот, сенилен Бајден, кој реши достоинствено да го напушти овој свет, земајќи со себе значаен дел од човештвото. се претвора во застрашувачка реалност“, напиша Медведев.
„Да се даде нуклеарно оружје на земја во војна со најголемата нуклеарна сила? Идејата е толку апсурдна што предизвикува сомнеж за параноична психоза кај Џо и кај секој кој би советувал таков потег“, додаде тој.
Тој продолжи: „Сепак, морам да ја коментирам оваа глупост:
Самата закана за пренос на нуклеарно оружје на режимот во Киев може да се смета за подготовка за нуклеарен конфликт со Русија. Преносот на ваквото оружје може да се поистоветува со акт на напад врз нашата земја според член 19. Основата на државната политика во областа на нуклеарното одвраќање. Последиците ќе бидат очигледни“, напиша тој.
Според членот 19 од Основата на државната политика на Руската Федерација за нуклеарно одвраќање, на која се повика Медведев, од 2020 година „условите што ја специфицираат можноста за употреба на нуклеарно оружје од страна на Руската Федерација вклучуваат добивање на веродостојни информации за можното лансирање балистички ракети на територијата на Руската Федерација и/или нејзините сојузници“.
Рускиот претседател Владимир Путин неодамна потпиша ажурирана нуклеарна доктрина, која нагласува дека Русија ќе направи „се што е потребно за да ја намали нуклеарната закана“ и се обидува да спречи ескалација на тензиите меѓу државите што може да доведе до „воени конфликти, вклучително и нуклеарно“.
Доктрината, исто така, наведува „неизбежна одмазда во случај на агресија против Руската Федерација и/или нејзините сојузници“.