Свет
Унгарците во игра за државниот пакет во „Телеком“
По одлуката на Владата да ги продаде акциите во телекомуникациската компанија
По одлуката на Владата да ги продаде акциите во телекомуникациската компанија
Унгарците ќе го поскапуваат телефонот, а власта ќе биде со врзани раце
"Маѓар телеком", односно унгарски "Матав", како што до неодамна беше називот на компанијата, може да биде еден од потенцијалните купувачи на пакетот акции кои државата планира да ги продаде од "Македонски телекомуникации". Унгарците, кои се доминантни сопственици на "Телеком" имаат апсолутно право, како и секој друг заинтересиран, да се појават на Берза и да одлучат да купат пакет во износ од 9,9 отсто државни акции. Но, дали тоа навистина ќе се случи, треба да одлучи врвот на "Маѓар телеком". Засега, ваквата можност не ја коментираат унгарските раководители на "Македонски телекомуникации". Во случај раководството да донесе позитивна одлука, на тој начин тие ќе ја зацврстат и онака сигурната позиција во компанијата, бидејќи тие и сега го имаат контролниот пакет. Зголемениот број акции автоматски претпоставува и повеќе унгарски претставници во Бордот на директори, органот кој практично управува со "Телеком". Со своите два отсто акции што ќе ги задржи, Владата нема да има свој човек во Бордот, така што ќе нема никаква контрола и влијание во управувањето, како и врз одлуките што ќе ги носат идните акционери. Унгарците како доминантен сопственик ќе можат без консултација со власта да ги зголемуваат цените на услугите. Во тој случај, Владата ќе биде немоќна да реагира, бидејќи нема систем на контрола. Регулацијата на цените единствено останува во рацете на Агенцијата за електронски комуникации, како регулаторно тело. Златната акција што останува во рацете на државата ќе Ј даде единствено можност за присуство на Годишното акционерско собрание.
Ако Владата инкасира минимум 274 милиони евра во својата каса од продажбата на 45 отсто акции во "Телеком", тогаш што добиваат граѓаните? Високи владини извори, кои инсистираат на анонимност, велат дека освен државата која ќе кешира огромна сума пари, граѓаните нема да видат некое големо фајде. Поевтинување на импулсот тешко дека ќе има, а повеќе од сигурно е дека цената на телефонските услуги ќе одат нагоре.
Министерот за економија пред два дена најави интересирање за купување на државните акции во "Македонски телекомуникации" пројавиле неколку стратегиски инвеститори. Но, се поставува прашањето кој е нивниот интерес да инвестираат по околу 50 милиони евра за пакет од 9,9 отсто акции во "Телеком", кога се знае дека конците во компанијата и натаму ќе ги влече "Маѓар телеком", како доминантен сопственик. Оној што ќе купи пакет-акции ќе добие едно место во Бордот на директори со право на одлучување. А, тоа едно место е важно, но не и клучно, бидејќи одлуките во основа ќе ги носат Унгарците. Тие ќе одлучуваат за инвестициската програма, деловната политика и, на крајот на краиштата, ќе решаваат дали годишната добивка ќе ја поделат на акционерите или не. Сепак, токму добивката е она што го интересира секој акционер, особено оние кои допрва ќе инвестираат во купувањето на акциите. Нивниот интерес ќе биде насочен кон што побрзо враќање на инвестицијата, која и не може да се врати набрзина. Според наши извори од телекомуникациската компанија, се претпоставува дека сумата од 50 милиони евра што би ја платил новиот акционер за пакет-акции би се исплатила за околу десетина години. Период што е прилично долг, така што воопшто не е исклучена варијантата за ова време некои од новите акционери и да се одлучат за препродавање на својот удел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Песков: Москва гледа дека Европа се подготвува за војна со Русија
Портпаролот на рускиот претседател, Дмитриј Песков, денес изјави дека Москва гледа дека Европа се подготвува за војна со Русија.
„Москва отсекогаш ја разбирала опасноста дека Европа се подготвува за војна со Русија и сите безбедносни мерки се преземени однапред“, рече Песков во интервју за весникот „Лајф“, пренесува РИА Новости.
Тој истакна дека зголемувањето на воените буџети на европските земји води до преоптоварување на нивните економии.
„Европските земји се залагаат за понатамошно зголемување на нивните воени буџети, дури и ако тоа ги уништува нивните економии. Ова води до економско преоптоварување и потоа ќе има посериозни последици на среден рок“, рече Песков.
Како што изјави, Москва ја дели оценката на српскиот претседател Александар Вучиќ, кој изјави дека Европа јасно се подготвува за војна со Русија.
„Визијата на Москва се совпаѓа со онаа на Белград и силните промилитаристички чувства навистина преовладуваат во Европа“, додаде портпаролот на рускиот лидер.
Фото: принтскрин
Свет
Орбан до Брисел; „Нема да дадеме ниту еден денар на мигрантите“
Унгарскиот премиер Виктор Орбан денес изјави дека земјата нема да го спроведе пактот за миграција на Европската Унија „сè додека има национална, патриотска влада“.
„Брисел издаде наредба. Пактот за миграција се активира. Би сакал да бидам јасен еднаш засекогаш: сè додека Унгарија има патриотска влада, нема да го спроведеме пактот за миграција“, рече Орбан во видео порака објавена на Фејсбук, објави MTI.
Тој нагласи дека Унгарија нема да прифаќа мигранти и нема да им даде ниту еден денар.
Пактот за миграција и азил е збир на правила на ЕУ што треба да почнат да се применуваат од јуни 2026 година, а неговата цел е да се создадат ефикасни и униформни процедури за управување со пристигнувањата, да се обезбеди фер распределба на товарот меѓу земјите-членки и да се воспостави солидарност, а во исто време да се заштитат основните права на мигрантите.
Фото: принтскрин
Свет
Европскиот комесар признава: Нема единство во одбраната на ЕУ
Обединувањето на земјите-членки на Европската Унија во областа на одбраната нема да се случи наскоро, изјави европскиот комесар за одбрана и вселена Андријус Кубилијус во интервју за „Вашингтон пост“.
„Ние сме многу индивидуални во одбраната, а обединувањето и постигнувањето нешто, е предизвик. Тоа нема да се случи наскоро, но мора да ја погледнеме пошироката слика“, нагласи Кубилијус.
Според весникот, европските членки на НАТО се навикнати да дејствуваат под водство на САД, додека во рамките на ЕУ постои ризик од борба за влијание меѓу националните влади и Европската комисија, која традиционално нема значајна улога во одбранбениот сектор.
Кубилијус истакна дека постојат неколку пречки за военото обединување на европските земји. Како што наведе, производството на опрема е „целосно фрагментирано“, земјите се навикнати да дејствуваат независно, а влијанието на ЕУ во воените прашања е „екстремно ограничено или воопшто не постои“.
„Не можете само да издадете декрет дека сите мора да дејствуваат заедно утре“, рече комесарот.
Претходно, „Вашингтон пост“ објави дека создавањето на единствена армија на Европската Унија без учество на Соединетите Американски Држави не се очекува во блиска иднина поради бројни тешкотии. Според овој весник, повлекувањето на американските трупи од одредени региони ја обнови дебатата за поголема одбранбена независност во Европа во рамките на НАТО.
Фото: принтскрин
Песков: Москва гледа дека Европа се подготвува за војна со Русија
Портпаролот на рускиот претседател, Дмитриј Песков, денес изјави дека Москва гледа дека Европа се подготвува за војна со Русија. „Москва...
Стареењето на населението и иселувањето на младите – предизвици со кои се соочува Фондот на ПИОМ
Реформата на пензискиот систем сама по себе придонесе во подобрувањето на состојбите, но предизвици има сѐ уште, изјави директорот на...
„На државата ѝ недостигаат добри хотели“ – Николоски бара поедноставување на процедурите за градба
На државата ѝ недостигаат добри хотели и време е да ја поедноставиме процедурата за нивна изградба, изјави вицепремиерот и министер...
Новите цени на струјата од РКЕ ќе се знаат на почетокот на декември: МЕПСО бара поскапување од 0,67 отсто
До крајот на месецот или на почетокот на декември Регулаторната комисија за енергетика (РКЕ) ќе ги знае цените за струјата...
Ѓорѓиевски бара да одговараат и лицата што примале плата, а не оделе на работа, но и оние што им потпишувале плата
Градоначалникот на Град Скопје, Орце Ѓорѓиевски разговарал со претставниците на финансиската полиција во врска со обвинувањата кои ги изнесе за...
Фондацијата „Роми за Европа“ бара правда и системска акција по случајот со насилство врз 8-годишно дете во Македонија
Фондацијата „Роми за Европа“ со седиште во Брисел изрази длабока загриженост по објавено видео од Македонија на кое се гледаат...
Почина поетесата д-р Славица Свидерска
Друштвото на писателите на Македонија со длабока тага информира дека денеска, на 12.11.2025 година, почина поетесата Славица Свидерска (1984, Битола)....
Со емотивно видео семејствата на загинатите во „Пулс“ најавија нов протест в сабота во Скопје, следната недела почнува судењето
Здружението на граѓани „16-ти Март“ – кое го создадоа семејствата на жртвите во трагедијата која се случи во дискотеката „Пулс“...
Украина го разреши министерот за правда поради корупциски скандал
Украинската влада привремено го разреши од функцијата министерот за правда Герман Галушченко, објави УНИАН. Премиерката на Украина, Јулија Свириденко, ја...
(Видео) Николоски: Засилено работиме на реконструкција на обиколницата кај Крива Паланка
Вицепремиерот и министер за транспорт Александар Николоски на својот фејсбук профил објави видео од реконструкцијата на обиколницата во Крива Паланка....
(Видео) Трамп: Никој не знае што се магнети
Американскиот претседател Доналд Трамп повторно се најде во центарот на вниманието, овој пат со бизарна изјава за магнетите за време...
Израел сруши повеќе од 1.500 згради во Газа од почетокот на примирјето
Израел сруши повеќе од 1.500 згради во областите на Газа што ги контролира од почетокот на прекинот на огнот со...
Кинескиот претседател и шпанскиот крал Фелипе ги зајакнуваат врските, Мадрид сака кинески инвестиции
Кинескиот претседател Кси Џинпинг му соопшти на шпанскиот крал Фелипе VI дека втората по големина економија во светот сака да...
Британец намамувал девојчиња преку „Снапчат“ и ги силувал: осуден на 28 години затвор
Висок раководител на британскиот здравствен систем, опишан од судија како „лукав, интригантен и манипулативен“, е осуден на 28 години затвор...
(Видео) Тајфунот Фунг-вонг донесе поплави во Тајван, илјадници евакуирани
Тајван евакуираше повеќе од 8.300 луѓе пред доаѓањето на многу ослабениот тајфун Фунг-вонг, кој донесе обилни дождови на планинскиот источен...
Лавров до Трамп: Наместо во Венецуела, треба да се реагира во Белгија, таму е поопасно
Рускиот министер за надворешни работи Сергеј Лавров изјави дека Москва не спровела нуклеарни тестови, отфрлајќи ги тврдењата на американскиот претседател...
Нормализиран сообраќајот на магистралниот пат Струмица – Дабиле
Од 04:20 часот сообраќајот на магистралниот пат Струмица – село Дабиле е нормализиран, извести АМСМ. Сообраќајот на државните патишта се...
Следната недела почнува судењето за пожарот во „Пулс“, обвинителството со тим од 15 обвинители
Судскиот процес за трагичниот пожар во дискотеката „Пулс“ во Кочани, во кој животот го загубија 63 лица, а над 200...
Трагична несреќа во Конче: 46-годишен маж убиен за време на лов, бил застрелан во стомакот и раката
Едно лице вчера е убиено за време на лов во селото Габревци. Според информациите на МВР, уапсени се 11 лица...
(Видео) Кузеска: Власта да ги објави бројките и да го разреши Трипуновски
Откако скандалот кој го најави СДСМ се потврди, денес е време власта да почне да одговара на клучните прашања кои...
