Свет
Клучни држави од ОН повикаа за создавање палестинска држава
Русија, САД и други клучни држави од ОН повикале да се забрзаат напорите за создавање палестинска држава, која „ќе живее мирно до Израел“
На седницата на Советот за безбедност на ОН биле истакнати претстојните предизвици, но беше упатено и предупредување дека насилството ќе се обнови, ако не бидат вложени напори за обновување на израелско-палестинските мировни преговори, за помирување на ривалските палестински фракции и обновување на преговорите меѓу Израел и Сирија.Постојаниот претставник на Израел во ОН Габриела Шалев се спротивставил на седницата, која била свикана од сегашниот ротациски претседател на Советот за безбедност Русија.Шалев изјавил дека Израел не смета дека мешањето на Советот за безбедност на ОН придонесува за политичкиот процес на Блискиот Исток.При отворањето на седницата генералниот секретар на ОН Бан Ки-мун го повикал Израел да ја промени политиката на доселеници во окупираните територии. „Палестинците продолжувват да гледаат недопустливи еднострани потези во Источен Ерусалим и на Западниот Брег, кои се тесно поврзани со доселеничките колонии. За Израел дојде моментот да ја промени од корен политиката во таа област, при што често ветуваше, но се уште ништо не направи“, изјавил Бан Ки-мун.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.