Свет
Боливија склучи договор со Русија за заем од 100 млн долари за набавка на хеликоптери
Боливија и Русија склулчија договор за кредит од 100 милиони долари за купување руски хеликоптери кои ќе се употребуваат во борбата против трговијата со дрога, јави РИА Новости
Овој договор е постигнат по денешните разговори во Каракас, боливискиот претседател Ево Моралес и рускиот премиер Владимир Путин.„Нам најитно ни се потребни овие хеликоптери за борбата против илегалната трговија со дроги, а за тоа ни е потребен кредит. Иако имавме упатено барање до повеќе земји за земање заем, само Русија се согласи да ги исполни нашите барања“, изјавил Моралес по разговорите.Боливискиот претседател покрај ова, го потенцирал и проширувањето ан соработката меѓу двете земји во сферата на енергетиката.„Постигнавме договор за соработка со руски ’Гаспром’ во три области, и би сакале во овој сектор да има инвестиции, како од Венецуела, така и од Русија“, додал Моралес.Како што оценил, боливискиот левичарски претседател, враќањето на Русија на латиноамериканскиот континент, е многу добро за постигнувањето економска и геополитичка рамнотежа во светот.Руските медиуми додаваат дека состанокот меѓу Путин и Моралес во Каракас, главниот град на Венецуела се случува по иницијатива на боливиската страна, а Моралес специјално допатувал за оваа средба во резиденцијата на венецуелскиот претседател Хуго Чавез. Путин по средбата со Чавез изјавил дека Русија и Венецуела се согласиле за учество на руски партнери во голем број енергетски проекти чии инвестиции ќе достигнат до милијарда долари, пренесе ИТАР-ТАСС. Путин додал дека Венецуела е потпишан договорот за првата транша за учеството на руските компании, во проектот „Хунин-6’ во износ од 600 милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.