Свет
Обајвени снимки за убиството на репортерите на Ројтерс
Интернет страницата Wikileaks ја објави снимката од напад за хеликоптер на војската САД врз група од десет лица во предградие на Багдад во јули 2007 г. во кој се убиени двајца работници на агенцијата
Reuters долго време вршеше притисок за објавување на овие видео-снимки од 12 јули 2007 г. кога беше убиен агенцискиот фоторепортер 22-годишниот Намир Нур Елдин и неговиот возач 40-годишниот Саид Чмаф во кварт во источен Багдад.Шокантниот дел од снимката на која екипажот на „апачи“-то со тежок митралез ги покосува десетина мажи во цивилна облека е прикажан и на тв-дневникот на американската телевизиска мрежа CBS, со предупредување дека следуваат експлицитни призори.На снимката се слуша и пилотот на хеликоптерот кој бара одобрување од командантот да отвори оган врз група мажи, бидејќи мисли дека двајца носат оружје на рамениците.Нападот и последиците од него претходно детално беа опишани во напис и истоимената книга „Добрите војници“ на Washington Post, од неговиот новинар Дејвид Финкел.Интернет страницата објавува дека видеото го добила како дополнителна документација од одредени воени извори, и дека ја проверил неговата автентичност во разговори со сведоци и новинари кои директно биле вклучени во инцидентот. Во 17-то минутното видео на американските вони сили, може д асе слушне како се цели кон група луѓе за кои се смета дека се вооружеи бунтовници а пото го напаѓаат комбето во кое товареле еден од ранетите. На снимката се идентификувани на снимката.Wikileaks го објавува и транскриптот од разговорот меѓу американските сили од местото на нападот.Американската централна команда (CENTCOM) одбила директно да ја коментира снимката, поточно да ја потврди нејзината автентичност, но најави специјално соопштение, според пишувањето на Washington Post.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка и испраќа на Украина скап пакет оружје, откриeно што може да има во него
Веќе во петок, САД би можеле да објават нов пакет оружје за помош на Украина во вредност од шест милијарди долари, објави порталот Политико, цитирајќи неименуван американски функционер.
Според официјални лица, пакетот оружје вклучува контраартилериски радар, тактички возила, пресретнувачи Патриот, беспилотни летала, артилерија, прецизна муниција и системи против беспилотни летала.
На почетокот на неделава Претставничкиот дом на американскиот Конгрес донесе закон за пакет воена помош за Украина, Израел и кинескиот регион Тајван во вредност од 95 милијарди долари, од кои 61 милијарда долари се наменети за помош на Украина.
Лидерот на Демократите во Сенатот Чак Шумер изјави дека оставил порака за украинскиот претседател Володимир Зеленски, која гласи: „Завршивме. Сега – победи“.
„Овој предлог-закон е една од најважните мерки усвоени од Конгресот долго време за заштита на американската безбедност и безбедноста на западните демократии“, рече Шумер.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Свет
Русите уапсија двајца нивни војници за грозоморни злосторства
Двајца руски војници се приведени под сомнение дека убиле пет лица во окупираниот дел од областа Херсон. Александар Осипов и Александар Кајгородцев веќе ги признале злосторствата што ги направиле во селата Подо-Калиновка и Абрикосовка, пишува рускиот медиум Ура.ру.
Меѓу жртвите се двајца полицајци и началникот на селото Љубов Тимчак, кој е назначен од Русија. Телото на началникот било пронајдено во средата, а на него биле видливи рани од огнено оружје, оган и експлозивни направи.
Полицијата набрзо добила дојава од заменик началникот на округот Алешински за откривање на уште две изгорени и осакатени тела на маж и жена. Безбедносните сили ги уапсиле осомничените истиот ден, а набрзо се испоставило дека станува збор за руските војници Александар Осипов и Александар Кајгородцев.