Свет
Јужна Кореја веројатно ќе ги префрли маневрите во Жолто Море
Јужнокорејската армија веројатно поради временските услови, неколкуте следни денови маневрите за артилеријата ќе ги спроведува во акваториумот на Жолтото Море во близина на спорната граница со Северна Кореја, пренесе новинската агенција Јонхап, цитирајќи извор во воената команда. Претходно Јужна Кореја соопшти дека во еден од наредните денови од 18 до 21-ви декември е планирано со учество на американски војски вежба на боево гаѓање од артилериски оружја во областа на островот Јонпхендо, кој беше гаѓан од морнарицата на Северна Кореја на 23-ти ноември, кога се одвиваше слична воена вежба на јужнокорејската воена морнарица. Во овој напад имаше жртви, вклучувајќи и меѓу цивилното население од островот.„Со оглед на фактот дека од денеска (18-ти декември), се очекува влошување на временските услови во областа на островот Јонпхендо, решивме дека на војниците ќе биде сложено да ја спроведат обуката за гаѓање“, го цитира агенцијата својот воен анонимен извор, кој истакнал дека главната причина за преместување на маневрите е само времето.„Временските услови се најважниот фактор за определувањето на времетраењето на маневрите. На почетокот од следната седмица најверојатно ќе владее добро време за спроведување на вежбите“, додал изворот.Во петокот Северна Кореја предупреди дека како одговор, планираниот јужнокорејски артилериски оган, може да предизвика уште посилен удар против јужниот сосед отколку што беше во ноември. Руското министерство за надворешни работи подоцна по оваа изјава изрази загриженост за ставовите на Северна Кореја, и го повика раководството на Јужна Кореја да се воздржи од планираните маневри./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.