За едни Џулија Асанж е модерен Робин Худ, за други државен непријател број еден. Американската јавност е поделена. Тоа јасно се гледа и од извештаите на американските медиуми, особено „Фокс Њус„.

„Ако САД сака да го види Асанж мртов, тогаш може да го имаат мртов и не мораат да губат време на правни прашања, како што е екстрадицијата“ порачува коментаторот на телевизиската станица „Фокс“.

Овој ултраконзервативен канал, за многу републиканци и бројни конзервативни демократи е извор на информации број еден, а со тоа стана и главна платформа за сите оние кои би го ликвидирале Асанж и тоа по брза постапка.

„Тој човек е непријател на Соединетите американски држави, а како се постапува со нив покажуваат секоја вечер нашите специјалци во Авганистан“ порача Боб Бекел, демократ и поранешен менаџер на предизборната кампања на демократските сили.

„Тој тип би требало…“ почнува Бекел со оваа реченица и прави драмска пауза. Не ни мораше да  продолжи, гледачите на оваа телевизија добро знаат што сакал да каже со ова. Тие се заговорници на смртната казна, особено кога станува збор за предавници како Асанж.

Боб Бекел не е за смртна казна, но во случајот за основачот на Викиликс ќе направи исклучок, пренесува германското државно радио Дојче Веле.

„Постои само еден начин како да се излезе на крај со Викиликс, тој треба да се ликвидира“ рекол Бекел.

Има медиуми кои упатуваат и други пораки како оние во кои од претседателот се бара на Асанж да му се додели најголемото признание за храброст. Меѓу нив се дневните весници „Нејшн“, потоа националниот радио и ТВ магазинот „Демокраси нау“, на познатата публицистка Ејми Гудман.

Таа дури го користи и изразот „асанженејшн“, алудирајќи на зборот „асесинејшн“ (убиство) нарекувајќи го вака јавниот линч на десничарските публицисти и политичари.

За левичарите како Гудман и Мајкл Мур, Асанж би можело да се рече дека е светец, Робин Худ за интернетот бидејќи на виделина ги изнесува владините тајни кои ги чинат живот цивилите и војниците.

Мур во меѓувреме, на Викиликс им ги отстапи сите свои сервери, веб страници и интернет адреси. Редакцијата на реномираниот магазин „Тајм“ за малку ќе го прогласеше Асанж за човек на годината. На крајот сепак се одлучи за Марк Цукерберг, основачот на Фејсбук, кој Викиликс го смета за фасцинантен и тоа отворено го кажува./крај/по/фф