Свет
Режисерите ги избраа своите кандидати за најдобар филм на годината

Бројката кандидати за Оскар уште повеќе се намали откако вчера режисерите ги избраа своите пет фаворити за најдобар филм и режисер.Американското здружение на филмските режисери (DGA) на својата листа за номинации за најдобри режии ги вброи филмовите „Социјална мрежа“ (The Social Network) на Дејвид Финчер, „Црниот лебед“ (Black Swan) на Дарен Аронофски, „Говорот на кралот“ (The King’s Speech) на Том Хапер, „Почеток“ (Inception) на Кристофер Нолан и „Борец“ (Тhe Fighter) на Дејвид О. Расел.„Нивните вдахновени филмови зрачат со страст и единствена визија на секој од овие автори, кој допрва ќе станат дел од богатата историја на DGA. Моите најискрени честитки за сите номинирани“, се наведува во писмената изјава на Тејлор Хакфорд во која, меѓу другото, се напомнува дека во 2011 година ова здружение ја одбележува 75-годишнината од неговото постоење.Признанијата од страна на DGA се многу битни бидејќи се едни од најпрестижните во американската филмска индустрија и бидејќи отсекогаш постоело извонредно големо совпаѓање меѓу номинациите на здружението и режисерите кои ќе бидат номинирани за Оскар. Претходно во неделата и Националното здружение на филмските критичари на САД го објави својот избор за најдобри филмови во минатата година во кој „Социјална мрежа“ беше прогласен за повеќекратен лауреат. /крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Европа
Русија го објави главниот услов за мировните преговори: „Ќе бараме челични гаранции“

Рускиот заменик министер за надворешни работи Александар Грушко во изјава за рускиот медиум „Известија“ кажа дека Русија во мировните преговори ќе бара гаранции од земјите на НАТО дека нема да ја прифати Украина во својот сојуз, односно дека Украина мора да остане неутрална.
„Ќе бараме челичните безбедносни гаранции да станат дел од овој договор. Една од овие гаранции е неутралниот статус на Украина, односно одбивањето на земјите од НАТО да ја примат Украина во алијансата“, рече Грушко.
Заменик-шефот на руската дипломатија го повтори ставот на Кремљ дека се противи дури и на пристигнувањето војници од земјите-членки на НАТО во Украина како дел од меѓународните мировни сили, откако Франција и Велика Британија изразија подготвеност да испратат свои војници во мировна мисија која ќе го надгледува прекинот на огнот.
„Не е важно под која ознака силите на НАТО пристигнуваат во Украина: било да е тоа Европската унија, НАТО или националниот капацитет. Доколку се појават таму, тоа ќе значи дека тие се распоредени во зоната на конфликтот со сите последици за тие контингенти како страни во конфликтот“, рече Грушко, додавајќи:
„Можеме да зборуваме само за распоредување невооружени набљудувачи, цивилна мисија која ќе го надгледува спроведувањето на одредени аспекти од договорот или механизмите за гаранција откако ќе се постигне договор. Дотогаш, сето тоа е само воздух“, рече тој.
Свет
Медведев се заканува со војна со НАТО: Консултирајте се со Трамп

Поранешниот руски претседател Дмитриј Медведев се закани со војна против НАТО доколку европските земји продолжат да инсистираат на своите планови за испраќање мировни сили во Украина.
Macron and Starmer are playing dumb. Time and again they are told that peacekeepers must be from non-NATO states. No, we will send tens of thousands – just lay it out – you want to give military aid to the neo-Nazis in Kiev. That means war with NATO. Consult with Trump, scumbags.
— Dmitry Medvedev (@MedvedevRussiaE) March 16, 2025
„Францускиот претседател Емануел Макрон и британскиот премиер Кир Стармер ‘се прават глупави’, напиша Медведев на Икс, кој е заменик-претседател на рускиот Совет за безбедност.
„Постојано им се кажува дека мировниците мора да бидат од земји кои не се членки на НАТО“, напиша тој. „Сакате да им дадете воена помош на неонацистите во Киев. Тоа значи војна со НАТО. Консултирајте се со Трамп“, додаде тој.