Свет
Авганистанскиот лидер во дводневна посета на Русија

Русија е битен партнер, изјави на почетокот на дводневната посета на земјата авганистанскиот претседател Хамид Карзаи, во текот на која Карзаи со својот домаќин Дмитри Медведев ќе разговара за билатералната соработка, а особено за заедничките напори во борбата против шверцот а дрога в Централна Азија, пренесува Риа Новости„Русија е голема политичка, економска и воена сила. Во изминативе години нашите билатерални односи значително се зацврстија“, рече Карзаи.Авганистанскиот лидер истакна дека Кабул сака да ја развие економската соработка со Русија и да го привлече рускиот бизнис. Тој го истакна растот на трговската размена помеѓу двете земји, која минатата година достигна околу 500 милиони долари. Карзаи истакна и дека Русија е многу битен партнер во напорите на Авганистан да ја спречи озлогласената трговија со дрога. Производството на дрога во Авганистан драматично порасна откако инвазијата на земјата предводена од САД, ја сруши владата на талибаните во 2011 година, а Русија е една од најпогодените земји од тој процес поради драстичното зголемување на бројот на корисници на хероин. Околу 90 проценти од хероинот кој се конзумира во Русија пристигнува од Авганистан, преку Таџикистан и Узбекистан. /крај/риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Заводот за трансфузија во Белград: Има доволно крв за повредените во пожарот во Кочани

Како што истакнуваат од српскиот Завод за трансфузија на крв во Белград, резервите на крв во моментот се стабилни и доколку има потреба од трансфузија кај пациентите што беа повредени во пожарот во дискотеката во Кочани, а кои беа пренесени во Белград и моменно се на Ургентниот центар на КЦС, ќе бидат згрижени.
„Кога станува збор за повредените во пожарот во Кочани, што се однесува до крвта, тие се згрижени. Би сакала да забележам дека за такви повреди крвта не е од суштинско значење за лекување. Се разбира, никогаш не се знае како ќе се одвива текот на лекувањето и важно е да се напомене дека резервите на крв во овој момент се стабилни“, изјави Мирјана Кнежевиќ од Институтот за трансфузија на крв.
Како што наведе таа, Заводот за трансфузија на крв во моментот има резерви од четири дена, што е добра состојба, но дарувањето крв не треба да престане бидејќи секојдневно се потребни крводарителите.
„Вчера, во просторијата на Заводот за трансфузија на крв имаше уште неколку доброволни крводарители, но бидејќи тоа не е пресудно за повредените пациенти од Кочани, нема потреба од паника затоа што, доколку има потреба, ќе бидат згрижени во однос на трансфузијата и воопшто не смееме да се опуштиме бидејќи мора да бидеме свесно и одговорно општество и секогаш да имаме стабилни резерви“, нагласи Кнежевиќ.
Регион
„Во такви моменти нема граници – само човечка болка, жалиме со нашите браќа Македонци“, бугарските партии изразија сочувство

Бугарските политички партии изразија сочувство до браќата Македонци на денот на националната жалост, прогласен од министерскиот совет во Бугарија во знак на солидарност со трагедијата во градот Кочани, Република Северна Македонија, во која загинаа 59 лица, а над 155 беа повредени во пожар во дискотеката „Пулс“ на 16 март, пренесе „Бгнес“.
„Бугарија ја споделува тагата на Северна Македонија по трагичната смрт на 59 лица во Кочани. Во овој тежок момент за нашите најблиски соседи остануваме солидарни во целосна поддршка на македонскиот народ“, соопштија од коалицијата Демократска Бугарија на социјалните мрежи.
Партијата Вазраждане напиша: „Денеска е ден на жалост и солидарност со нашите браќа во Македонија. Господ да ги прости невините млади души!“
И од Има таков народ изразија најискрено сочувство за трагедијата во Кочани. „Ние тагуваме заедно со нашите браќа Македонци“, велат од партијата на Слави Трифонов.
„Денеска, Бугарија е во жалост! Жалиме заедно со нашите браќа и сестри од Кочани и изразуваме длабоко сочувство за семејствата на загинатите во трагичниот пожар. Во такви моменти нема граници – само човечка болка и поддршка што можеме да ја дадеме. Почит кон споменот на жртвите“, стои во ставот на партијата Величие.
Премиерот на Бугарија, Росен Жељазков, го прогласи 18 март за ден на национална жалост како израз на солидарност со „нашиот најблизок сосед на Балканот – Република Северна Македонија, а во врска со трагичниот инцидент во градот Кочани, во кој загинаа 59 лица, над 150 беа повредени во пожар во дискотека“.
14 од повредените се пренесени во медицинските установи во Бугарија – во Софија, Пловдив и во Варна.
„Во такви моменти најважно е да се покажат навремена емпатија и солидарност. Бугарија е подготвена да прифати уште жртви“, изјави вчера премиерот Жељазков.
Претходно денеска, шефот на бугарската држава, кој се потпиша во книгата на жалост во Амбасадата на Република Северна Македонија во Софија, најави дека Бугарија може да прифати повеќе жртви доколку на Скопје му треба поголема медицинска помош уверувајќи дека медицинските тимови се подготвени.
Свет
Зеленски се огласи неколку часа пред разговорот меѓу Путин и Трамп

Во пресрет на денешниот телефонски разговор меѓу Путин и Трамп украинскиот претседател Володимир Зеленски рече дека „Путин продолжува да ја одложува оваа војна“.
„Веќе една недела Путин не може да каже ‘да’ на предлогот за прекин на огнот“, рече Зеленски. Зеленски додаде дека американскиот предлог за 30-дневен прекин на огнот се залага за спасување животи дозволувајќи им на дипломатите да работат на обезбедување безбедност и траен мир – предлог што Русија го игнорира“.
„Секој ден од војната е прашање на човечки животи“, напиша Зеленски на социјалната мрежа Х повикувајќи на притисок врз Москва да ја прекине војната.