Надлежната комисија на италијанскиот парламент денеска му зададе силен удар на контроверзниот премиер Силвио Берлускони со тоа што ги блокираше даночните мерки предложени од неговиот коалиционен партнер „Северната лига“, како услов за нивно останување во владата, пренесува ReutersКомисијата од 30 члена, која требаше да донесе одлука за мерките со кои им се дава повеќе моќ во даночната сфера на локалните власти, беше еднакво поделена по ова прашање, со што се создаде застој со потенцијал да ја распадне десно-центар коалицијата и да отвори пат кон предвремени избори. Лидерот на „Северната лига“, Умберто Боси, кој има моќ да ја урне актуелната влада, им вети на своите поддржувачи договор за пакетот мерки со кои се зголемува локалната автономија и се намалуваат субвенциите од богатиот север за сиромашниот југ. Пред да гаса комисијата, тој изјави дека ќе мора да се распишат нови избори ако не се изгласаат мерките кои ги предложи неговата партија, но раководството на партијата е поделено во врска со тоа како да се настапи, поради што и тој подоцна го смири тонот.Формално, одлуката на комисијата не е обврзувачка за парламентот, кој може да изнајде и други начини да ги протурка предложените мерки, кои веќе истрпеа повеќе промени и претставуваат само мал дел од целокупните барања на „Северната лига“ за федерално уредување на Италија.Сепак, резултатите од гласањето на комисијата го покренаа прашањето за тоа уште колку долго Боси ќе остане со Берлускони, со оглед на тоа дека неговата силна база во регионот на Северна Италија му дава можност за уште подобри позиции во некоја нова десно-центар влада. /крај/reuters/сс/