Свет
Крвната група влијае на здравјето
И покрај тоа што до неодамна се сметаше дека крвната група е важна само кога станува збор за трансфузија, научниците спроведоа истражување кое покажа дека крвната група влијае и на човековото здравје, особено кога е во прашање појава на одредени болести и нивна превенција.Најновото истражување во кое учествуваа 20.000 луѓе, покажа дека нулта крвна група може да го намали ризикот од срцев удар. „Ова сознание може да помогне во развивање на нова терапија, која ќе ги штити луѓето од срцев удар. Можеме да направиме лекови кои ќе имаат состав каков што има нултата крвна група“, вели водечкиот доктор во истражувањето, Муредах Рајли. Ова истражување исто така покажа дека голем број на луѓе воопшто не знаат која крвна група имаат, што според докторите е загрижувачки податок. Научниците кои го спроведоа ова истражување велат дека секоја крвна група има свои предности и слабости, како и дека со исхрана може да се поттикне посилната страна, а со тоа и подобрување на превенција од болести./крај/блиц/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Се бараат оставки поради трагедијата во Домот за пензионери
Голем број граѓани на Тузла денеска излегоа на улиците на градот и одржаа протест, изразувајќи го своето незадоволство поради трагедиите и скандалите што го погодија Тузланскиот кантон.
Пожарот што избувна во вторникот во Домот за пензионери во Тузла однесе 13 животи, а 12 пациенти сè уште се наоѓаат во болница. Како што беше утврдено, жртвите починале од труење со јаглерод моноксид.
Една седмица претходно, Тузланскиот кантон го потресе случајот со подведување малолетнички, за што се осомничени полициски службеник и еден професор. Нивното подведување траело неколку месеци во текот на минатата и оваа година.
Присутните граѓани од Тузла, но и оние кои допатуваа од други градови на Босна и Херцеговина, денеска побараа оставки од надлежните.
Свет
Три девојки планирале терористички напад во Париз
Девојки на возраст од 18, 19 и 21 година, беа уапсени и обвинети за терористичка завера и планирање напад во Париз, соопштија денеска истражните органи.
Како што е наведено, тие неколку недели планирале насилен терористички напад врз кафуле или концертна сала во Париз, јави РТЛ.
Апсењето и обвинението против трите жени е резултат на истрагата на Националното обвинителство за борба против тероризмот, која беше успешно завршена пред 10-годишнината од смртоносниот терористички напад на 13 ноември 2015 година во Париз.
Свет
Се запали магацин за парфеми во Турција, загинаа шест лица
Најмалку шест лица загинаа, а две се повредени во пожар што утрово избувна во магацин за парфеми во градот Диловаси, во северозападниот дел на Турција.
Според снимките што ги емитуваше турскиот канал НТВ, изгореле два ката од зградата во која се наоѓале магацинот и работилницата за производство на парфеми.
Засега нема информации за тоа што го предизвикало пожарот.

