Свет
Повеќе од илјада загинати во земјотресот во Јапонија
Силниот земјотрес со магнитуда од 8,9 степени според Рихтеровата скала денеска го погоди северозападниот дел на Јапонија. По првиот потрес за кусо време следуваше уште еден со јачина од 7,9 степени според Рихтер.
Силниот земјотрес со магнитуда од 8,9 степени според Рихтеровата скала денеска го погоди северозападниот дел на Јапонија. По првиот потрес за кусо време следуваше уште еден со јачина од 7,9 степени според Рихтер. Епицентарот на првиот потрес бил на околу 400 километри североисточно од Токио, на длабочина од 32 километри. Јапонската агенција Кјодо јавува дека за време на земјотресите и цунамито кое следуваше по потресите исчезнале најмалку 88 илјади луѓе, но ова е најверојатно бројка на луѓе со кои не можат да бидат контактирани. Агенцијата Кјодо во еден момент лиферуваше вест дека бројката на исчезнати изнесува 110 илјади, но таа бројка набргу беше корегирана. Кјодо јави дека на брегот на градот Сендаи се откриени повеќе стотици тела. Цунамито потопи брод со стотина патници и однесе патнички воз. Ројтерс и ББЦ, повикувајќи се на официјални полициски извори информираат дека досега загинале 337 лица, а дека се исчезнати повеќе од 500, но агенцијата Кјодо јавува дека во овој момент таа бројка изнесува повеќе од 1.000. Од јапонската Национална метеоролошка служба предупредија дека во рок од еден месец, Јапонија можат да ја погодат уште неколку потреси со јачина од 7 степени според Рихтеровата скала. Американскиот претседател, Барак Обама вечерва изјави дека во телефонски разговор со јапонскиот премиер, Науто Кан, му понудил секоја помош. „Во моментов имаме еден носач на авиони во Јапонија, а уште еден е на пат кон оваа земја“, рече на прес конференцијата Обама. Помош за Јапонија најавија и Обединетите нации и Светската банка. крај/бл/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.