Свет
Седмиот најсилен земјотрес во историјата
Земјотресот од петокот во Јапонија според магнитудата се смести на седмото место на најсилните потреси во историјата. Земјотресот кој го погоди североисточниот дел на Јапонија е најразорниот во последните 140 години во оваа земја, штетите веќе се мерат во стотици милијарди долари
Земјотрес со интензитет од 8,9 степени по Рихтер предизвика огромно цунами и стравување за појава на цунами и во соседните држави и во земјите долж бреговите на Тихиот Океан, дури до Колумбија и Перу. Според последните податоци 400 лица загинале а над 80 илајди се водат за исчезнати. Според јапонската телевизија HNK на брегот крај градот Сендаи биле откриени повеќе од сто тела. Плимниот бран потопи и брод со 100 патници.Телевизијата јавува дека јапоснките власти соопштиле дека нема опасност од радиоактивно зрачење, но властите наредиле евакуација на жителите околу нуклеарната централа Фукушима.Откако долго време земјотресите беа мерени според Рихтеровата скала, сега нивната јачина се мери според скалата на интензитетот во моментот, во која е важна енергијата, ослободена од потресот.Следи хронологија на најмоќните земјотреси во светот во изминатите сто години, класифицирани според нивниот интензитет:Чиле во 1960 г. го погоди земјотрес со интензитет од 9,5 степени, по кој следеше разорно цунами, кое погоди неколку земји долж бреговите на Тихиот Океан. Во земјотресот загинаа 5.700 лица во Чиле, 61 лице на Хаваи и 130 лица во Јапонија.Аласка во 1964 г. ја погоди земјотрес со интензитет од 9,2 степени, кој беше проследен од цунами и во кој загинаа сто лица. Индонезија во 2004 г. беше погодена од земјотрес со интензитет од 9,1 во делот покрај островот Суматра и на 26 декември предизвика разорно цунами, кое погоди десетина соседни земји. Во потресот животот го загубија или исчезнаа 270 илјади лица.Камчатка во 1952 г. беше погодена од земјотрес со интензитет од девет степени и тоа на полуостровот Камчатка, при што беше предизвикано катастрофално цунами, кое се почувствува дури и во Чиле и Перу. Загинаа над 2.300 лица. Еквадор и Колумбија во 1906 г. беа погодени од земјотрес со интензитет од 8,8 степени и во цунамито, кое следеше загинаа илјадници лица. Чиле во 2010 г. беше погодено од земјотрес со интензитет од 8,8 степени а потоа и цунами го погоди Чиле и загинаа 523 лица.Алеутите на Аласка во 1965 г. годините земјотрес со интензитет од 8,7 степени ги погоди Алеутските Острови на Аљаска, по што следеше цунами. Ниас (Суматра) Индонезија, во 2005 г. е погоден од земјотрес со интензитет од 8,6 степени според Рихтеровата скала при што загинаа 900 лица, а ранети беа шест илјади. Андреанофските острови на Аласка во 1957 г. се погодени од земјотрес со интензитет од 8,6 степени ги и предизвика големо цунами. Сечуан, Кина во 2008 г. доживеа земјотрес со интензитет од 8 степени при што загинаа околу 70 илјади лица, а околу 20 илјади се водат како исчезнати. Хаити во 2010 г. го погоди земјотрес со магнитуда од 7 степени по Рихтер, при што загинаа меѓу 250 илјади и 300 илјади лица. Ранети беа над 300 илјади лица, а над еден милион останаа без покрив над главата.Џинјах, Кина во 2010 г. доживеа земјотрес со интензитет од 6,9 степени, при што загинаа повеќе од д две илјади лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украинците уништуваат руски дронови за неколку секунди со ласери
Украинските инженери развија и успешно тестираа нов ласерски систем за воздушна одбрана познат како Sunray, кој може ефикасно да уништи руски беспилотни летала и чини значително помалку од споредливите западни системи, објавува The Atlantic.
Според новинарот Сајмон Шустер, кој присуствуваше на тестот, системот Sunray наликува на аматерски телескоп опремен со камери и може да се монтира на покривот на обичен пикап. Оружјето работи тивко и не емитува видлива светлина. За време на демонстрацијата, ласерот го запалил дронот за неколку секунди, кој потоа се урна на земја.
Програмерите рекоа дека системот е развиен во текот на околу две години и чинел неколку милиони долари. Очекуваната цена на една единица се проценува на неколку стотици илјади долари. За споредба, ласерскиот систем Helios, развиен од Lockheed Martin за американската морнарица, е произведен според договор вреден 150 милиони американски долари.
Од безбедносни причини, името на компанијата што стои зад развојот не беше откриено. Павло Јелизаров, заменик-командант на украинските воздухопловни сили, ја нагласи потребата од зачувување на скапите западни ракети, кои често се користат за соборување на релативно евтини беспилотни летала.
Споредувајќи ја употребата на западните ракети против руските беспилотни летала, тој рече: „Секако, можете да транспортирате компири во Бентли. Но, тоа веројатно не е најпаметниот начин да се заврши работата.“ „Многу американски компании се водени од парите. За нив, тоа е работа. Тие ја работат и се платени за неа. Кај нас, постои уште една компонента во игра: потребата за преживување. Затоа сме побрзи“, додаде Јелизаров.
Европа
(Фото) Три деца загинаа во руски напад врз Харков, луѓе останаа без струја во Запорожје
Во напад со руски беспилотни летала врз Боходухив во Харковската област загинаа три мали деца и еден маж, додека нападите во Запорожје предизвикаа пожари и прекини во електричната енергија, соопштија украинските власти. Руски дрон погоди станбена зграда рано наутро во среда, 11 февруари, објави Киев пост.
Државната служба за итни ситуации на Украина соопшти на Телеграм дека нападот со беспилотно летало целосно уништил приватна куќа и предизвикал пожар што се проширил на повеќе од 60 квадратни метри.
„Непријателот повторно нападна приватна станбена зона во Боходухив со ударен беспилотен авион. Куќата беше погодена и целосно уништена“, соопшти Државната служба за итни ситуации.
Две едногодишни момчиња и едно двегодишно девојче беа убиени во нападот. Спасувачите ги извлекоа нивните тела од урнатините. Почина и еден 34-годишен маж.
Шефот на регионалната воена администрација на Харков, Олех Синехубов, рече дека уште две лица се повредени: 35-годишна бремена жена и жена над 70 години. Ова е втор смртоносен напад врз Боходухив во последните денови. Руските сили го нападнаа градот на 9 февруари, при што загинаа 10-годишно момче и неговата мајка откако нивниот дом се урна.
Руски дронови, исто така, го нападнаа Запорожје доцна во вторник, 10 февруари, предизвикувајќи голем пожар и широки прекини на електричната енергија.
Шефот на Воената администрација на регионот Запорожје, Иван Федоров, рече дека нападот бил насочен кон инфраструктурен објект, кој првично оставил повеќе од 11.000 корисници без струја во два округа.
Тој рече дека може да потрае некое време за да се врати греењето во една област, додека се очекува целосно снабдување со електрична енергија. Од среда наутро, повеќе од 2.000 луѓе сè уште беа без струја.
Федоров, исто така, пријави штета на болничко одделение во вториот ноќен напад со беспилотни летала, со скршени прозорци, но без жртви. Во Вилњанск, Запорожје, беспилотните летала оштетија и уништија приватни домови преку ноќ. Две жени, на возраст од 19 и 77 години, беа повредени и добија медицинска помош.
Воздушната одбрана собори повеќе од 100 дронови
Според украинските воздухопловни сили, Русија лансирала 129 дронови за напад, вклучувајќи ги „Шахед“, „Гербера“ и „Италмас“, од 10 февруари во 18:30 часот. Околу 80 од нив биле дронови „Шахед“.
Воздушната одбрана соборила или неутрализирала 112 дронови. Сепак, 15 дронови за напад погодиле осум локации низ целата земја.
Свет
Полицијата ја идентификуваше жената осомничена за масакрот во Канада
Полицијата ја идентификуваше жената осомничена за пукањето во Канада, но во овој момент не го објавува нејзиното име. Истражителите сè уште го утврдуваат мотивот за нападот, како и врската помеѓу осомничениот и жртвите, објави Асошиејтед Прес.
Кен Флојд, началник на Канадската кралска коњичка полиција (RCMP), им изјави на новинарите дека осомничената е идентификувана, но дека нејзиното име нема да биде објавено.
„Мотивот за напаѓачот останува нејасен. Сè уште истражуваме како жртвите биле поврзани со осомничениот“, додаде Флојд.
(Видео) Се уриваат дискотеките во Градски парк, ќе се гради нов Луна парк
Старите дискотеки во Градскиот парк во Скопје ќе бидат урнати, а на нивно место ќе се изгради нов Луна парк,...
(Фото) Три деца загинаа во руски напад врз Харков, луѓе останаа без струја во Запорожје
Во напад со руски беспилотни летала врз Боходухив во Харковската област загинаа три мали деца и еден маж, додека нападите...
Трамп ѝ дава на Европа контрола врз три клучни бази на НАТО
Доналд Трамп им ја предаде контролата врз три клучни командни центри на НАТО на европските нации во историско реконструкција во...
Ученик за пукањето во училиштето во Канада: Ја забарикадиравме вратата со клупи
Дариан Квист, матурант во средното училиште Тамблер Риџ, ги опиша моментите од пукањето во неговото училиште за CBC. Тој рече...
(Видео) „Брзата реакција на полицијата спречи поголема трагедија во училиштето“
Премиерот на Британска Колумбија, Дејвид Иби, се обрати до јавноста во врска со нападот. „Ова е ужасна и незамислива трагедија“,...
Канадскиот премиер: Шокиран сум од овој ужасен напад
Канадскиот премиер Марк Карни го нарече пукањето во Тамблер Риџ, Британска Колумбија, „ужасно“, велејќи дека е шокиран од нападот и...
(Видео) Масакр во Канада:10 лица убиени, најмалку 25 повредени во училишта и домови
Десет лица, вклучувајќи го и осомничениот напаѓач, се пронајдени мртви по пукање во град во североисточната канадска покраина Британска Колумбија,...
Силен земјотрес почувствуван во Македонија
Силен земјотрес беше почувствуван вечерва во 22:05 часот во Македонија. Според информациите на ЕМСЦ, потресот бил регистриран во Косово, на...
Владата најави вонредни контроли на фирмите за медицински канабис
Владата на 149-тата седница одлучи да ги задолжи надлежните институции да спроведат вонредни контроли на сите фирми што имаат одобрение за...
(Видео) Мицкоски и Тошковски ги покажаа 40 тони запленета марихуана: „Никој не е над законот“
Министерот за внатрешни работи, Панче Тошковски, и премиерот, Христијан Мицкоски, дадоа изјава пред просториите во МВР во кои се сместени...
Превентивно повлечени одредени серии „Аптамил“ формули за доенчиња, соопшти АХВ
Агенцијата за храна и ветеринарство информира дека, врз основа на информации добиени преку европскиот Систем за брзо предупредување за храна...
(Видео) Филипче: СДСМ повторно го поднесе законот за 600 евра минимална плата
Денеска пратеничката група на Социјалдемократскиот сојуз на Македонија и коалицијата повторно ќе го поднесе Законот за измена на Законот за...
Мицкоски: Не би се изненадил ако дојдеме и до 100 тони запленета марихуана
Премиерот, Христијан Мицкоски, денеска одговарајќи на новинарско прашање во однос на случајот со запленетата марихуана, дали ќе има некакви одлуки...
Најнов извештај: Во Македонија нема суштински напредок во борбата против корупцијата
Република Северна Македонија и годинава бележи 40 поени на Индексот за перцепција на корупцијата, што значи дека нема суштински напредок...
Левица: Усвоен предлог – законот со кој се укинува дискреционото право на директорите за вработувања во болниците
На денешната седница, Собранието на Република Македонија, во прва фаза, го усвои Предлог-законот поднесен од Левица со кој се укинува...
Блокадата на ССМ не ги принуди пратениците да дојдат пеш на работа, но Трендафилов вели дека нема да дозволи да наплатат трошоци како да трошат керозин
Добро утро на сите, освен на пратениците, поздрави претседателот на Сојузот на синдикати на Македонија, Слободан Трендафилов, пред почетокот на...
Лавров: Долг е патот до мир во Украина
Рускиот министер за надворешни работи, Сергеј Лавров, изјави дека нема причина да се биде ентузијастичен за притисокот на американскиот претседател...
„Инјекција“ од 112 милиони евра од Владата за општините во годината на локалните избори, соопшти Центарот за граѓански комуникации
Денеска, Центарот за граѓански комуникации го објави извештајот од следењето на доделувањето пари од Владата за инфраструктурни проекти во општините...
Засилени контроли во Центар, 50 евра глоба за непрописно паркирање, порача Герасимовски
Комуналните инспектори и редари на општина Центар спроведуваат засилени контроли на возила кои се непрописно паркирани на јавни и зелени...
ЈО да ја испита улогата на Заев и Филипче во случајот со запленетата марихуана, велат од ВМРО-ДПМНЕ
Нема скандал а во тоа да не се замешани кланот Заеви и Венко Филипче. И во последниот случај со заплената...
