Свет
Северна и Јужна Кореа разменија артилериски оган

Јужнокорејските вооружени сили денеска возвратија на артилерискиот оган од страна на Северна Кореа. Размената на оган се случи во морето кај островот Јеонпјеонг каде што минува граничната линија каде и претходно имаше слични инциденти.
Јужнокорејските вооружени сили денеска возвратија на артилерискиот оган од страна на Северна Кореа. Размената на оган се случи во морето кај островот Јеонпјеонг каде што минува граничната линија каде и претходно имаше слични инциденти. Според министерството за одбрана во Сеул, Северна Кореа испукала три гранати кои паднале северно од граничната линија во Жолтото море, Јужна Кореа одговорила со иста мерка. Јужнокорејските трупи во оваа погранична област се под степен на висока борбена готовност уште од ноември 2010 година, кога во артилериски напад на островот Јеонпјеонг загинаа четири лица. Од 1999 година двете Кореи во оваа област имаа три пресметки, во кои загинале десетина луѓе. Пограничната линија е повлечена на крајот на Корејската војна која траеше од 1950 до 1953 година, Пјонгјанг тврди дека граничната линија требало да биде појужно. Сеул од друга страна тврди дека со поместување на границата би се загрозил риболовот кај пет јужнокорејски острови и би бил отежнат пристапот до пристаништето Инчеон. крај/т/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.