Свет
Цистерна со нафта на НАТО запалена во Пакистан

Милитанти поврзани со талибаните во средата запалиле цистерна со која се транспортирала нафта за потребите на американскиот контингент во рамките на НАТО во соседен Авганистан, објавија локалните власти.
Милитанти поврзани со талибаните во средата запалиле цистерна со која се транспортирала нафта за потребите на американскиот контингент во рамките на НАТО во соседен Авганистан, објавија локалните власти.Инцидентот се случил во близина на источниот град Саргода во провинцијата на пакистански Пенџаб, јави дописникот на Press TV.Официјални лица за телевизијата изјавиле дека напаѓачите рано утринава прво отвориле оган врз цистерната на НАТО, а потоа ја оставиле запалена во близина на селото Хармоли Мор. Цистерната целосно изгорела, но нема пријавено човечки жртви од инцидентотЦистерната на НАТО патувала во конвој за Кандахар во Авганистан, и овој инцидент се вбројува во честите слични кои се извршуваат на територијата на Пакистан преку кој минува сувоземниот коридор за снабдување на меѓународните сили во соседната земја. За овие напади одговорноста ја преземаат про-талибанските милитанти кои велат дека тоа е одмазда за тоа нападите на американските беспилотни летала врз племенските погранични региони на Пакистан. Во еден од тие напади утринава во близина на градот Мираншах во провинцијата Северен Вазиристан, беа убиени 21 лице за кои пакистанските разузнавачи сметаат дека се исламистички бунтовници, талибани, но и странски платеници од арапските земји и од Узбекистан./крај/твп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.
Свет
Најмалку 25 лица загинаа во текот на ноќта во нови напади на израелската армија врз Појасот Газа

Најмалку 25 лица загинаа во текот на ноќта во нови напади на израелската армија врз Појасот Газа, во време кога мировните преговори се во застој.
Според здравствени извори, голем дел од жртвите се убиени додека чекале хуманитарна помош во близина на граничниот премин Зиким со Израел. Меѓу загинатите има и четири лица од иста семејна зграда во градот Газа.
Организацијата на Обединетите нации предупреди на ризик од масовна глад во енклавата, и покрај тврдењата на Израел дека не ги блокира доставите на помош. Според ОН, големиот дел од помошта не може да стигне до населението поради воени блокади и грабежи.
Преговорите за прекин на огнот меѓу Израел и Хамас се прекинати, откако американските и израелските преговарачи се повлекоа од Катар. Израелскиот премиер Бенјамин Нетанјаху најави дека се разгледуваат „алтернативни опции“, додека Хамас смета дека повлекувањето било тактика на притисок.