Свет
Противниците на Гадафи го нападнаa либискиот амбасадор во Виена
Учесници во граѓанската војна во Либија од страната на Националниот преоден совет (NTC) го нападнале во петокот амбасадорот на земјата во Австрија, Ахмед Менеси, пренесува AFP повикувајќи се на локалните медиуми.
Учесници во граѓанската војна во Либија од страната на Националниот преоден совет (NTC) го нападнале во петокот амбасадорот на земјата во Австрија, Ахмед Менеси, пренесува AFP повикувајќи се на локалните медиуми.Според агенцијата, во петокот амбасадорот организирал прием во хотелот „Хилтон“ во Виена одбележувајќи ја првата годишнина од почетокот на протестите во Либија, коишто подоцна доведоа до граѓанска војна и промена на режимот во земјата. Во тоа време, како што пренсува AFP, Менеси бил нападнат од „мноштво“ поранешни милитанти, кои се бореле во Либија на страната на Советот.Тие го обвиниле амбасадорот, кој ги застапува интересите на Либија во Австрија од 2006 година, дека го поддржувал поранешниот либиски лидер Моамер ел-Гадафи и оти сакал да „им ја украде нивната победа“. Полицијата интервенирала и го спречила нападот врз дипломатот. Нема информации за уапсени или приведени лица.Во средината на февруари 2011 година во Либија избувнаа масовни демонстрации против владата на водачот на Либиската Џамахирија, полковникот Моамер ел-Гадафи кој управуваше со земјата повеќе од четири децении, коишто прерасна во вооружен конфликт. Во февруари, опозицијата во источниот град Бенгази, го формираше Националниот преоден совет кој се прогласи за единствен легитимен орган во земјата.Советот за безбедност на Обединетите нации на 17-ти март 2011 година донесе одлука со којашто се воведе зоната за забранети летови над Либија за заштита на цивилното население од дејствувањето на владините сили во справувањето со вооружената опозиција. Тоа отвори можност за спроведување на воздушни операции против режимот на Гадафи од страна на НАТО што резултираше со негово симнување од власта и ликвидација кога се обидуваше да се сокрие во близина на неговиот роден град Сирт./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.