Свет
Набргу ќе стартува обесштетувањето на штедачите на Радо банка
Фондот за осигурување депозити ќе ги обесштети сите штедачи во Радо банка, чии депозити останаа заглавени во неа по прогласувањето на стечајната постапка.
Фондот за осигурување депозити гарантира дека професионално ќе ја исполни својата обврска
НИНА НИНЕСКА-ФИДАНОСКА
Фондот за осигурување депозити ќе ги обесштети сите штедачи во Радо банка, чии депозити останаа заглавени во неа по прогласувањето на стечајната постапка. Во Фондот тврдат дека оваа институција има доволно средства, опрема и кадровски потенцијал за да им се исплати на сите граѓани што вложувале во Радо банка, што значи тие треба да бидат спокојни дека ќе си ги добијат своите пари. Според податоците на НБМ, во банката на Јовица Стефановиќ- Нини се депонирани заштеди од околу 1,5 милиони евра.
Засега не може да се прецизира кога точно ќе стартува обесштетувањето, но во Фондот нагласуваат дека тоа ќе биде многу побргу од законскиот рок од три месеци по правосилноста на одлуката за објавување стечај. Според директорот на Фондот за осигурување депозити, Јорде Крагујевски, Фондот е веќе писмено известен дека решението на гувернерот Петар Гошев од 5 мај оваа година за одземање на дозволата на Радо банка е правосилно. †Она што следува е да се закаже седница на Управниот одбор на Фондот, што се очекува најдоцна до средината на идната недела. На таа седница УО ќе донесе две одлуки, едната дека настанал ризичен настан во Радо банка, а втората за исклучување на оваа банка од членство во Фондот”, објаснува Крагујевски, додавајќи дека откако УО ќе ги донесе овие одлуки, за тоа ќе ја извести и целата јавност.
Наредната фаза е прибирање понуди од најмалку три банки, од кои ќе се избере една банка преку која ќе се врши обесштетувањето. При изборот на банката ќе бидат земени предвид неколку критериуми, како што се цената за услугата што ќе ја бараат банките, раширеноста на мрежата на филијали, како и нејзиниот кадар и опремата за работа со население.
Во меѓувреме, Фондот очекува да ги добие и дефинитивните списоци во кои точно ќе бидат наведени бројот на штедачите и износот на влоговите. Овие списоци моментално ги подготвуваат во Радо банка, по што тие ќе одат на проверка во НБМ, и откако таа ќе ги потврди, прецизните списоци ќе бидат доставени до Фондот.
Согласно со законските прописи, Фондот ги намирува во вредност од 100 отсто штедачите со влогови до 10.000 евра, а 90 проценти оние меѓу 10.000 и 20.000 евра, но не повеќе од 20.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Остин: Бајден ја запре испораката на оружје за Израел
Американскиот министер за одбрана Лојд Остин денеска изјави дека одлуката на американскиот претседател Џозеф Бајден да ја прекине испораката на муниција за Израел е донесена поради израелските планови да изврши офанзива врз градот Рафах на југот на Појасот Газа.
„Од самиот почеток бевме многу јасни дека Израел не треба да започне голема офанзива во Рафах без да ја земе предвид заштитата на цивилите во областа. Откако ја преиспитавме ситуацијата, престанавме да испраќаме муниција во Израел“, рече тој на сослушувањето во Сенатот и потврди дека конечната одлука „што ќе се случи со таа пратка“ се уште не е донесена, пренесува Ројтерс.
Администрацијата на САД ја запре испораката на околу 3.500 бомби во Израел минатата недела поради загриженоста за најавената копнена офанзива на Рафах, објави претходно денеска Асошиејтед прес, повикувајќи се на неименуван претставник од администрацијата.
Овој функционер појаснил дека не е донесена конечна одлука за испораката на бомбите и дека во суспендираната пратка имало 1.800 бомби од по 900 килограми и 1.700 бомби со тежина од 226 килограми.
Во понеделникот, израелскиот воен кабинет одлучи да ја спроведе планираната операција во Рафах за да „изведе воен притисок врз Хамас“, и покрај претходната најава на Хамас дека се согласува со египетско-катарскиот предлог за прекин на огнот.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.