Свет
Политичката и бизнис елита имаат најубави куќи
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-3268.jpeg)
Не постои антиглобациски тренд, како што не постои ни нова македонска куќа која ќе ги носи карактеристиките на ова време и на ова поднебје- нашето опкружување го креираат оние кои имаат пари да градат- бизнисмените и политичарите
МИШКО АРСОВ, АРХИТЕКТ
Не постои антиглобациски тренд, како што не постои ни нова македонска куќа која ќе ги носи карактеристиките на ова време и на ова поднебје- нашето опкружување го креираат оние кои имаат пари да градат- бизнисмените и политичарите, открива нашиот сого
Со Мишко Арсов, еден од водечките архитекти од помладата генерација, добитник на наградата за најдобар реализиран ентериер на БИМАС 2006 за проектот Ентернет, кој е и еден од омилените автори на македонската елита кога се работи за изградба на индивидуални станбени објекти и ентериери, разговаравме за вкусот на македонските тајкуни.
* Што кај нас моментно е во тренд кога се работи за изградба на објекти за домување?
-До пред десетина години, куќите се градеа во дух на таа постмодерна архитектура. Додуша, и денес има некои кои тоа го прават, но, во целина, трендот се промени- сега е актуелна модерната. Тоа можеше да се види и на последното Биенале. Освен некои постмодерни станбени згради што биле проектирани пред десетина години, а започнале да се градат пред 5,6 години, па сега беа прикажани како готови, реализирани објекти, речиси сите објекти беа модерни.
* Вистина ли е дека нашите инвеститори се повеќе склони кон кич во однос на оние на Запад?
– Јас одбивам да работам проект ако наидам на инвеститор кому не му е важно моето мислење, ниту е заинтересиран за било каков стручен совет, туку се сака да си направи по негово. Уште полошо е ако треба да работиш проект за човек што не знае што сака и во еден момент сака едно, а во друг нешто ново. Ние архитектите во принцип, најмногу ги сакаме инвеститорите кои ќе ни дадат одврзани раце слободно да креираме. Ако на пример, некој ми каже: "Направи го проектот како да го работиш за себе", тогаш може и да очекува дека ќе добие добар проект.
* Порано беше стандард едно четиричлено семејство да живее во стан од 80-тина квадрати, а елитата ја препознававме не по бројот на квадратите, туку по населбата во која живее…
-Точно. Сега се е променето. Освен Водно, кое отсекогаш било престижно место за градба, моментно омилени локации на таа, македонска елита се и Соње и Бардовци, како и делот над Жданец. За разлика од порано, кога сите живеевме во станови каде со 20 м2 по член од семејство, денес елитата претежно гради куќи кои најчесто се предимензионираат. Куќите скоро секогаш имаат базени, а се градат во различни стилови. Најчесто – со столбови, тремови, венци… Помладите се повеќе наклонети кон трендот на модерната и минимализмот, а постарите -кон класичните решенија, особено ако се работи на пример за реновирање на викенд куќи, па се инсистира на комбинации на камен и дрво, етно декорации и сл. Макар да, можам да кажам дека нема правила.
* А во ентериерите? Што најчесто се бара?
– Во ентериерите многу брзо се менуваат трендовите. Најчесто сите сакаат нешто ново, нешто што кај нас е невидено дотогаш. Особено ако се работи за продавници, деловни простории или кафулиња, каде сопствениците се трудат да привлечат луѓе и со ентериерот. Ентериерот не е само декорација, туку целосен, комплетен зафат. Конкретно, еве во случајот на Ентернет мораше да се срушат сите преградни sидови и потоа се направи потполно ново функционално и естетско решение на целиот простор. Во становите или куќите, во последно време најчесто се бараат минималистички ентериери. Тие се омилени и кај елитата, но и кај обичните граѓани со просечни примања.
* Режисерот Чедо Поповски, фудбалерот Дарко Панчев, балетанот Кире Павлов, адвокатот Самоил Филиповски… се само дел од листата на вашите клиенти. Се чини дека најмалку сте работеле за луѓето од естрадата?
– За разлика од Запад, па и од естрадните sвезди во нашето соседство, нашата естрада главно нема пари да гради. Со ретки исклучоци како што се Тоше Проески, Силви и Влатко од Силви бенд, или Маја и Дарко Панчеви, сите останати живеат во просечни или подпросечни станови. Најубавите куќи и станови се градат за политичката и бизнис елитата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Турист пронајден мртов во Грција
![](https://makfax.com.mk/wp-content/uploads/2023/08/grcija-plaza.jpg)
Американски турист (55) денес бил пронајден мртов на грчкиот остров Матраки.
Раниот топлотен бран се совпадна со бранот на исчезнувања и смртни случаи на туристи.
„Постои заедничко нешто. Туристите кои починаа планинареа на високи температури“, изјави за Ројтерс, Петрос Василакис, портпарол на полицијата во Јужното Егејско Море.
Телото на британскиот ТВ водител Мајкл Мозли беше пронајдено на 9 јуни на островот Сими по четиридневна операција за пребарување со помош на авиони и дронови. Мозли наводно одел сам на високите температури пред да исчезне.
Полицијата не го откри идентитетот на Американецот чие тело во неделата беше пронајдено во близина на плажата во Матраки.
– Телото е префрлено на Крф каде ќе биде извршена обдукција – изјави полициски претставник за Ројтерс.
Друг турист, Холанѓанец, кој имаше 74 години, беше пронајден мртов на островот Самос во саботата, додека двајца планинари беа пронајдени безживотни на Крит на 5 јуни.
Спасувачките екипи трагаат по две постари Французинки на Сикинос и по американски полицаец (59) на Аморгос.
– Во тек се две операции за пребарување на други острови. Распоредени се спасувачки екипи и доброволци кои со помош на дрон и куче спасувач трагаат по исчезнати лица – изјави Василакис.
Свет
Хаос на летот од Мароко до Лондон: Авионот принудно слета поради масовна тепачка меѓу патниците
![](https://makfax.com.mk/wp-content/uploads/2023/05/avion.jpg)
На летот на ирската нискобуџетна авиокомпанија „Рајанер“ од Агадир, Мароко до Лондон, избила масовна тепачка меѓу патниците, поради што пилотот принудно слетал, објави „Њујорк пост“.
Весникот наведува дека инцидентот кој се случил на 3 јули почнал уште пред полетувањето кога еден од патниците побарал да го смени седиштето.
Тепачката избила на летот за лондонскиот аеродром Станстед, а патниците врескале еден кон друг додека персоналот на авиокомпанијата давал се од себе за да ги смири.
„Беше толку стресно. Тоа беше како пекол. И се ескалира кога еден човек сакаше да го смени седиштето“, раскажа патник на летот.
Свет
Во Киев е прогласен ден на жалост
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Градоначалникот на Киев, Виталиј Кличко, го прогласи 9 јули за ден на жалост по смртоносните напади на главниот град.
Сите знамиња ќе бидат спуштени на половина копје на институционалните згради низ градот, објави тој на Телеграм, а сите забавни настани се откажани.
Најмалку 20 луѓе загинаа во главниот град, вели Кличко, а речиси 100 се ранети.