Свет
Кај матичен гинеколог ќе одат само богатите жени
Министерството најавува можна корекција на капитацијата на гинеколозите
Министерството најавува можна корекција на капитацијата на гинеколозите
Кај матичните гинеколози – идни концесионери на преглед ќе можат да одат само жените со подлабок џеб. Ова не е исклучено да се случи доколку не се промени сегашната вредност на капитацискиот бод од 18 денари што државата ќе им го дава за една пациентка, предупредуваат гинеколозите од примарното здравство. Со парите кои месечно ќе ги добиваат од фондовската каса, гинеколозите сметаат дека нивните ординации кои ќе ги земат под закуп нема да можат да опстанат и ќе бидат принудени да компензираат каде на друго место ако не со зголемување на цените не гинеколошките услуги. Па, еден преглед кај гинеколозите-концесионери кај кои почнува процесот на трансформација, според сегашните калкулации, може да чини колку кај приватен гинеколог. За висината на капитацијата, како и за другите забелешки околу трансформацијата на нивните ординации, гинеколозите неделава треба да преговараат со Министерството за здравство и со Фондот за здравствено осигурување.
Гинеколозите-идни концесионери сметаат дека капитацијата од 18 денари за една осигуреничка е прениска, зашто тоа не е ниту половина од она што Фондот за здравствено осигурување им го дава на концесионерите стоматолози и ќе им го дава на лекарите од општа практика. За да работат нивните ординации рентабилно, секој гинеколог ќе мора да има по околу 5.600 осигуреници. Толку пациентки не е можно да има еден гинеколог, зашто нема толку жени во државата, објаснуваат револтираните гинеколози. Во здравството вкупно има околу 400 гинеколози од кои 200 се од примарниот сектор, а само 600 илјади жени на возраст од 16 до 65 години. Од тука излегува дека еден гинеколог најмногу би имал до 3.000 пациентки.
Еден гинеколог, според согледувањата од практиката, најчесто има пријавено по околу 2.000 пациентки, кои на лекарот ќе им донесе само 36.000 денари месечно. „Овие пари не се доволни ниту да се покријат трошоците за кирија, струја и вода, а каде се платите за лекарот и медицинската сестра", објаснуваат гинеколозите кои не се согласуваат со објаснувањето од Владата дека жените посетуваат гинеколог еднаш годишно и затоа бодот е 18 денари.
Нивните согледувања велат дека само 8,7 отсто од жените се бремени, од кои некои се со патолошка бременост, а каде се оние со други проблеми, како на пример абортуси и друго, за што мораат почесто да го посетуваат гинекологот. Околу 20 отсто од жените се со претканцерогени промени и тие мора да одат почесто на гинеколог заради контроли и следење на состојбата. Покрај редовните гинеколошки прегледи, во гинеколошките ординации често се прават и поспецифични прегледи, како што се колпоскопија и биопсии. Сето ова чини пари, велат гинеколозите, кои ни оддалеку не можат да се покријат со 36.000 денари месечно. Каде е амортизацијата на апаратите, реагираат гинеколозите, кои велат дека за да работат како што треба, во закупените ординации ќе треба да инвестираат и во опрема.
Ехоапаратите се толку стари што едвај се гледа плодот и матката, а не, пак, да се видат некои посериозни промени или аномалии на плодот, коментираат гинеколозите кои велат дека само за поситни инструменти месечно им требаат по околу 50.000 денари. Покрај ова, потребни се средства и за потрошниот гинеколошки материјал, реагираат гинеколозите и укажуваат дека државата треба малку да се замисли како ќе ги спроведе реформите во овој дел ако сака да го зачува здравјето на жената. Во спротивно, нема да настрада никој друг, туку само пациентките.
Ракот на дојката и грлото на матката, по кардиоваскуларните заболувања, се прва причина за смртност кај жените. Доколку поради ниската капитација мора да ги зголемат цените на гинеколошките услуги, тогаш и оние кои редовно се прегледуваат ќе почнат да ги избегнуваат гинеколошките прегледи и драстично ќе се намали заштита на жената, предупредуваат гинеколозите.
Доколку не се промени вредноста на гинеколошкиот бод, гинеколозите се закануваат дека нема да ги потпишат договорите за концесионерство. Во Здравствен дом – Скопје веќе тече конкурсот за гинеколози, а идната недела ќе се знаат и конечните решенија.
Во Министерството за здравство најавуваат дека е можна корекција на капитацискиот бод за гинеколозите, но за тоа треба да се договорат со Фондот за здравство. Оттаму треба да направат пресметки дали и колку може да се покачи капитацискиот бод. Доколку приватизацијата тече нормално, концесионерството кај гинеколозите треба да заживее од септември. (Ј.Ј.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Агенцијата на СЗО: Талкот во прав е веројатно канцероген
Агенцијата за рак на Светската здравствена организација (СЗО) денеска оцени дека талкот во прав е „веројатно канцероген“ за луѓето, но независен експерт вели дека тоа не треба да се сфати како нешто што служи како дефинитивен доказ.
Одлуката се заснова на „ограничени докази“ дека талкот во прав може да влијае на развојот на рак на јајниците кај жените, „доволно докази“ дека е поврзан со развој на рак кај стаорци и „силни механички докази“ дека постојат знаци на канцерогеност кај луѓето, објави Меѓународната агенција за истражување на ракот на СЗО (IARC) со седиште во Лион.
Талкот е природен минерал кој често се користи за правење бебешка пудра. Повеќето луѓе се изложени на талк во форма на бебешка пудра или козметика, се вели во соопштението на IARC.
Но, најголемата изложеност на талкот има во моментот кога се вади, преработува или се користи за правење други производи, се наведува во соопштението.
Можно е талкот во студиите да бил контаминиран
Треба да се напомене дека талкот е природен минерал кој се состои од магнезиум, силициум, калциум и кислород, а се карактеризира со благ земјен мирис. Не се раствора во вода, алкохоли или масла, што му дава посебни карактеристики и широка примена во козметиката.
Агенцијата во соопштението наведува дека постојат бројни студии кои постојано укажуваат на зголемена стапка на рак на јајниците кај жени кои користат или користеле талк во прав на гениталиите.
Во исто време, публикацијата не ја исклучува можноста дека талкот во некои студии бил контаминиран со азбест, кој е директна причина за рак.
Независен експерт: Ова не е убедлив доказ
Кевин Меконвеј, статистичар од британскиот Отворен универзитет, кој не бил вклучен во истражувањето, предупреди дека во случајот на проценката на IARC, „најочигледното толкување е всушност погрешно“. Тој посочува дека „целта на Агенцијата е да одговори на прашањето дали некоја супстанца има потенцијал да предизвика рак под услови кои не се специфицирани или специфицирани од IARC“.
Со оглед на тоа што спроведените студии беа набљудувачки, поради што не можеа да докажат причинско-последична врска, презентираните податоци не треба да се сфатат како нешто што може да послужи како дефинитивен доказ.
Најавата доаѓа само неколку недели откако американскиот фармацевтски и козметички гигант Џонсон и Џонсон се согласи да плати 700 милиони долари за конечно да ги решат обвинувањата дека ги заведувал клиентите за безбедноста на производите на компанијата базирани на талк.
Компанијата Џонсон и Џонсон не призна злоупотреба, иако го повлече производот од северноамериканскиот пазар во 2020 година.
Според резимето на студијата објавено во 2020 година, а студиите опфатиле 250.000 жени од Соединетите Држави, не била воспоставена статистичка врска помеѓу употребата на талк во прав на гениталиите на жените и ризикот од развој на рак на јајниците.
Ново предупредување од IARC: Акрилонитрилот е хемиско соединение кое е канцерогено за луѓето
Во петокот, IARC го класифицираше хемиското соединение акрилонитрил, кое се користи за производство на полимери, како „канцерогени за луѓето“ – највисокото ниво на предупредување на агенцијата.
Има „доволно докази“ кои го поврзуваат акрилонитрилот со развојот на рак на белите дробови.
Полимерите составени од акрилонитрил се користат за правење разни предмети – од влакна во облеката до теписи, пластика и други производи за широка потрошувачка.
Свет
Две лица се убиени, три ранети – хорор во САД за време на прославата на Денот на незавиноста
Две лица загинаа, а тројца се ранети во напад што се случи за време на прославата на Денот на независноста во Хантингтон Бич, во американската сојузна држава Калифорнија, соопшти денеска локалната полиција.
Полицијата примила повик околу 23:15 часот во четвртокот за фатално пукање во округот Оринџ во Хантингтон Бич, објави USA Today.
Кога пристигнале на местото на инцидентот, полицајците пронашле „неколку жртви со тешки повреди“.
Полициската управа на Хантингтон Бич потврди дека две лица им подлегнале на повредите на местото на настанот и дека три се пренесени во болници со повреди кои не се опасни по живот.
Од полицијата додаваат дека досега е приведено едно лице.
Регион
Силен земјотрес го погоди Крит
Земјотрес со јачина од 4,1 го погоди денеска грчкиот остров Крит, соопшти Европскиот медитерански сеизмолошки институт (EMSC).
Земјотресот бил на длабочина од 8 километри, додава EMSC.
Епицентарот на земјотресот бил на 64 километри југоисточно од најголемиот град на Крит, Ираклион.
Засега нема информации за евентуална материјална штета.