Свет
Скапите лекови ја задоцнија новата листа
Новата позитивна листа лекови, која, според најавите од Министерството за здравство, требаше да биде изготвена уште пред десетина дена, доцни најмногу поради тоа што меѓу предложените 130 нови лекови, се наоѓаат околу 35 препарати чија цена е висока и се движи и по 2.000 евра.
Новата позитивна листа лекови, која, според најавите од Министерството за здравство, требаше да биде изготвена уште пред десетина дена, доцни најмногу поради тоа што меѓу предложените 130 нови лекови, се наоѓаат околу 35 препарати чија цена е висока и се движи и по 2.000 евра.
На листата, која тежи 50 милиони евра, а се подготвува во последните неколку месеци, се предложени вкупно 350 препарати во разни дози и форми. Околу 130 лека се нови, а од старата листа се исфрлени педесетина препарати. Во Фондот за здравствено осигурување тврдат дека новата позитивна листа на лекови што се на товар на Фондот, не е вратена на доработка по забелешките од страна на Светската банка дека таа, наводно, е прескапа, туку се’ уште се вршат финансиски анализи.
– Нема ништо ново, се’ уште се прават пресметки за тоа колку ќе чинат лековите на новата листа. Конечниот став ќе го кажеме во договор со Министерството за здравство и со Владата. Листата не е вратена да се доработи, туку таа се’ уште се анализира. Кога ќе се усогласиме со Министерството, а притоа ќе се почитуваат и препораките на Светската банка, листата ќе биде доставена на усвојување до Управниот одбор на Фондот за здравство – велат во Фондот.
Меѓу скапите препарати се наоѓаат и нови лекови кои пациентите досега немале право да ги подигнат со партиципација, туку приватно морале да ги купат. Новите лекови дополнително ќе го оптоварат буџетот на Фондот, па затоа предложената листа е под лупа пред да биде дадена на усвојување.
И во Министерството за здравство признаваат оти Светската банка ги предупредила дека на листата се предложени скапи лекови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Гардијан“: Судот во Лондон ја одобри жалбата на Џулијан Асанж, тој сè уште нема да биде екстрадиран во САД
Џулијан Асанж извојува победа во тековната борба против екстрадицијата од Велика Британија, откако судиите на Високиот суд во Лондон го одобрија неговото жалбено барање, пишува Гардијан.
Двајца судии, пишува Гардијан, ја одложија одлуката во март за тоа дали Асанж, кој се обидува да го избегне судењето во САД за обвиненијата за шпионажа поврзани со објавувањето на илјадници тајни и дипломатски документи, може да го однесе својот случај на второ жалбено рочиште.
Како што пишува „Гардијан“, Асанж би можел да добие право да побара жалба.
Асанж е обвинет за 17 точки за шпионажа и една точка за злоупотреба на компјутер, според медиумот, кој предвидува максимална казна од 175 години затвор, за објавување на голема количина доверливи американски документи на неговата веб-страница пред речиси 15 години.
Европа
Ги убил двајцата внуци па си пресудил самиот на себе: пензионер се забарикадирал во куќа во Шпанија
Трагедија се случи во мал шпански град откако пензионер ги уби своите двајца внуци, на возраст од 10 и 13 години, пред да се самоубие – два месеци откако неговата сопруга и ќерка загинаа во сообраќајна несреќа додека тој возел.
Полицијата ја опколила куќата на 72-годишниот маж откако тој синоќа се забарикадирал во имотот со момчињата.
Нивните три тела беа пронајдени околу 8.30 часот утринава во различни простории од куќата во Хуетор Тајар – град со околу 10.000 жители, во близина на градот Гранада во јужна Шпанија – кога насилно влегле вооружени полицајци.
Едното дете е убиено со огнено оружје, додека другото се удавило.
Извори блиски до истрагата велат дека едно од децата имало прострелни рани, додека другото дете се верува дека се удавило.
Истражителите на Цивилната гарда велат дека пензионерот се застрелал со истото огнено оружје што го користел за да го убие својот внук.
Неговата сопруга и ќерка, мајка на две деца, ја загубија борбата за живот откако беа исечени од остатоците од автомобилот што го управуваше 72-годишникот.
Свет
Светската цена на златото повторно на рекордно високо ниво
Светските цени на златото повторно пораснаа на ново рекордно ниво бидејќи денеска на берзата во Њујорк, Comex, достигнаа цена од 2.449,89 долари за унца.
Како што пренесува „Ројтерс“, растот на цените на златото бил поттикнат од очекувањата дека американската централна банка ФЕД набргу ќе ги намали каматните стапки поради минатонеделните податоци за забавување на стапката на инфлација во Соединетите Американски Држави.
ФЕД официјално не објави јасен став за каматните стапки, но инвеститорите веќе се обложуваат на нивно намалување.