Свет
Владата сака да ги извиси „Бетон“ и „Гранит“ од тендерот за “Злетовица“

Нашите компании имаа најдобра понуда, но ги фаворизираат турската „Мапа“ и кинеската „Чајна“, тврдат синдикалците
Нашите компании имаа најдобра понуда, но ги фаворизираат турската „Мапа“ и кинеската „Чајна“, тврдат синдикалците
Владата на заминување преку Министерството за земјоделие сака да го елиминира домашниот конзорциум „Бетон“ и „Гранит“ од трката за изградба на браната „Злетовица“, во корист на странските компании, обвини вчера Синдикатот на градежните работници при ССМ.
Синдикалците тврдат дека домашните компании имале најдобра понуда на тендерот, но се фаворизираат второпласираната турска компанија „Мапа“ и кинеската „Чајна“. „Гранит“ и „Бетон“ за изградба на браната понудиле 26 милиони евра, или девет милиони евра помалку од „Мапа“. За цевководот, домашните компании ФЗЦ „11 Октомври“, „Гранит“ и „Бетон“ нудат 19,6 милиони евра, а „Чајна“ 21,6 милиони евра.
– Владата преку Министерство за земјоделство прави напори да се елиминира конзорциумот „Бетон“ и „Гранит“. Тоа се прави сега кога нашите градежни компании го добија бонитетот за учество на меѓународниот тендер, добија виза од Јапонската банка за меѓународна соработка и за изградба на браната понудија девет милиони евра пониска цена од второпласираната турска компанија. Сега, наместо високата цена, испадна дека е проблем многу ниската цена – рече на вчерашната прес-конференција Павел Трендафилов, претседател на Синдикатот на градежните работници.
Трендафилов предупредува дека ако домашните компании го загубат бизнисот, тоа ќе има несогледливи последици за работниците, за компаниите и за целата економија во земјава. Според пресметките на Синдикатот, месечната загуба на државниот буџет по основа на даноци и придонеси ќе изнесува 900 илјади евра или 11 милиони евра годишно.
– Иако досега требаше да биде избран изведувачот, повторно се прават напори работата да ја земе странска компанија. Не постои ниту една минимална пречка нашите компании да не учествуваат во изградбата на браната „Кнежево“ и цевководот во должина од 55 километри за напојување со вода на Штип и Свети Николе. Затоа се надевам дека ќе преовлада разумот – рече Трендафилов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Рубио: Европа и Украина ќе бидат вклучени во вистински мировни преговори

Американскиот државен секретар Марко Рубио во интервју за Си-би-ес изјави дека Украина и Европа ќе бидат вклучени во какви било вистински преговори со цел да се стави крај на војната меѓу Русија и Украина.
Рубио ја минимизираше европската загриженост дека тие би можеле да бидат исклучени од претстојните мировни преговори меѓу Русија и САД, кои ќе се одржат во Саудиска Арабија во наредните денови. Тој нагласи дека преговарачкиот процес се уште не е започнат сериозно, но доколку разговорите продолжат, ќе бидат вклучени Украина и европските земји.
Рубио потсети дека американскиот претседател Доналд Трамп разговарал со рускиот претседател Владимир Путин минатата недела. За време на тој разговор, Путин изрази интерес за мир, додека Трамп јасно стави до знаење дека сака траен договор што го обезбедува суверенитетот на Украина.
„На крајот на краиштата, ако ова се вистински преговори – а ние сè уште не сме во тој момент – Украина ќе мора да биде вклучена бидејќи таа е нападната, а Европејците ќе мора да учествуваат бидејќи тие се оние кои воведоа санкции кон Путин и Русија“, рече Рубио.
„Еден телефонски повик не носи мир“, додаде тој, истакнувајќи дека следните неколку недели ќе бидат клучни за проценка на сериозноста на овие разговори.
На прашањето дали разговарал за укинување на санкциите кон Русија за време на телефонскиот разговор со рускиот министер за надворешни работи Сергеј Лавров во саботата, Рубио одби да даде јасен одговор. Но, рече дека разговарале за тешките услови под кои работи американската амбасада во Москва.
Тој додаде дека функционалните амбасади во двете земји се клучни за напредок во мировниот процес.
Регион
Снегот направи хаос во Србија: сообраќајните незгоди создаваат километарски сообраќаен метеж

Снегот во делови од Србија предизвика хаос на патиштата. Сообраќајот се одвива отежнато, а во текот на ноќта и претпладнето се евидентирани повеќе сообраќајни несреќи.
Најкритична е состојбата во моментов во Полимската Котлина и во Нова Варош, каде поради преостанатиот снег на коловозот, сообраќајот на оваа делница се одвива многу отежнато и многу бавно, а во моментов се формираат километарски редици.
View this post on Instagram
Според Јавното претпријатие „Патишта Србија“, поради неповолните временски услови, сообраќајот за товарни возила на таа делница од патот е во прекин.
Поради врнежи од снег и лизгави површини, МВР апелира до сите возачи да возат со посебна грижа и да ги почитуваат правилата.
Од ЈП „Патишта Србија“ известуваат дека поради снег сообраќајот се одвива отежнато и на патниот правец Бистрица – Борова Глава.
„Поради неповолни временски услови, во сила е прекин на сообраќајот за товарните возила. Ги советуваме сите учесници во сообраќајот, заради сопствена безбедност и безбедноста на другите учесници во сообраќајот, да ги почитуваат сообраќајните прописи и да ја приспособат брзината на движење на условите на патот“, се вели во соопштението на Јавното претпријатие „Патишта на Србија“.
Свет
Ерусалим пост: Портпаролот на Хамас вели дека нападот на 7 октомври бил „историски успех“

Висок функционер на Хамас го нарече нападот на 7 октомври „историски успех“ на форумот организиран вчера од катарскиот медиум Ал Џезира, пишува „Ерусалим пост“.
„7-ми октомври е историски успех во кој стотици луѓе успеаја да ја уништат и расклопат дивизијата Газа на ИДФ“, рече Осама Хамдан, оградувајќи се од моменталната ситуација во Газа, пишува израелскиот медиум. „Победата на Хамас е можност бидејќи поразот на Израел е можен, но и предизвик – има ли подготвеност и сериозност за таква битка?“
Според „Ерусалим пост“, Хамдан на форумот исто така рекол дека Хамас не барал помош од Хезболах во војната, туку дека поранешниот лидер на Хезболах, Хасан Насралах, им понудил воена помош. Хамдан прикажа и фотографија од ситуација во која силите на ИДФ беа поразени од Хамас, тврдејќи дека тоа е доказ дека Израел може да биде нападнат кога и да посака Хамас.
На прашањето дали Хамас би се согласил да ја подели власта со која било друга терористичка група во Појасот Газа, Хамдан цврсто одговори – „Не“.