Свет
Положани трошел пари како сакал
Министерот за образование и наука Азиз Положани немал донесено правилници, упатства, планови, програми и решенија, туку буџетските пари ги трошел како што сакал.
РЕВИЗОРСКИ ИЗВЕШТАЈ ЗА МИНИСТЕРСТВОТО ЗА ОБРАЗОВАНИЕ
Министерот за образование и наука Азиз Положани немал донесено правилници, упатства, планови, програми и решенија, туку буџетските пари ги трошел како што сакал.
Во извештајот на државниот ревизор стои дека финансиските извештаи во Министерството не ја претставуваат реалната состојба.
Ревизорите утврдиле дека Положани дал 2 милиона денари за запишување студенти на Југоисточниот европски универзитет во Тетово, без да добие согласност од Министерството за финансии и од Владата. Положани трошел пари од Министерството за стипендии исклучиво на Албанци од Албанија, без претходно да донесе акт за утврдување на критериумите. Давал пари и за постдипломци кои не ги исполнувале критериумите и имале просек под 8,5.
Ревизорите не се убедени дека изборот на училишта за изградба и реконструкција е правилно направен. Во извештајот стои дека министерот донесувал програма за инвестиции, но во услови на недефинирани критериуми остава можност за субјективен избор и фаворизирање на одредени училишта. Не е почитуван Законот за јавни набавки поради што незаконски се трошеле милионски суми, се вршеле набавки по повисоки цени, не се обезбедувала транспарентност и фер конкурентност меѓу набавувачите. Ревизорите се сомневаат дека Положани преговарал со инвеститорите во четири очи и така потрошил над 7 милиони денари без претходно да добие согласност од Министерството за финансии.
Во извештајот стои и дека во Министерството се исплаќале највисоки дневници за патување во странство, без да се приложат целосни документи. Министерот Положани не им ја ограничувал сметката за мобилен телефон на заменик – министерот, државниот секретар, шефот на кабинет, на својот возач и на раководителите на сектори, за што потрошил повеќе од 8.000 евра од дозволените. Положани му плаќал на својот заменик Тале Герамитчиоски стан во Скопје чија кирија била секој месец за 75 евра повисока од онаа што ја дозволила Владата.
Министерот со своето дискреционо право потрошил 80.000 евра за печатење книги кои претходно не се одобрени, за финансирање собири и манифестации, за ангажирање лица со договор за дело и за дополнителни хонорари на вработените.
Самиот министер си заработил над 5.000 евра за верификација на дипломи од Бугарија, Албанија и од Турција, иако не бил член на Верификационата комисија. Им дал дополнителни 10.000 евра на членовите на Комисијата за јавни набавки, иако тоа било дел од нивната работа.
Ревизорите му порачале на министерот да ја напушти праксата да им исплаќа надоместоци на вработените врз основа на ангажирање во разни комисии, зашто тој ангажман бил и во описот на нивната работа. (Р.Ф.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.