Свет
Пријави за 19 полицајци од граничниот премин Делчево
Нови кривични пријави против полицајци вработени на граничните премини. Според МВР, станува збор за 19 полициски службеници од граничниот премин Делчево за кои е поднесена кривична пријава за злоупотреба на службената положба и овластување.
СВЕТЛАНА УНКОВСКА
Нови кривични пријави против полицајци вработени на граничните премини. Според МВР, станува збор за 19 полициски службеници од граничниот премин Делчево за кои е поднесена кривична пријава за злоупотреба на службената положба и овластување.
Внатрешна контрола на МВР веќе подолго време имала сомневања дека 16 полицајци пропуштале камиони во земјава со поголема тежина од дозволената, додека тројца без никакво одобрение издавале службени магацини под закуп. Се претпоставува дека за направената услуга земале одреден паричен надомест, но за тоа полицијата нема докази.
За ниту еден од овие 19 гранични полицајци не се води дисциплинска постапка и тие не можат да бидат суспендирани, бидејќи според законот делата им се постари од 6 месеци. Засега само се прераспоредени на друго работно место.
Полицијата имала сознанија дека нивните колеги на преминот Делчево веќе подолго време пропуштале камиони да влезат во земјава кои ја надминувале максимално дозволената тежина од 40 тони, а притоа не им наплатувале мандатни казни. Постојат индиции дека им земале одредена сума пари која на крајот од смената си ја делеле, но за тоа нема докази.
Полицијата вели дека задоцнила со прибавување на доказите за земање поткуп, бидејќи по последното големо апсење на полицајци и цариници од неколку гранични премини во земјава, кои се осомничени дека земале мито, вработените почнале да работат според сите прописи. Оттогаш наваму ниту едно возило не било пропуштено без да ја плати мандатната казна или да ја обезбеди потребната документација за вонреден превоз, тврдат од полицијата.
Што се однесува до новите кривични пријави, од МВР информираат дека по извршената контрола било утврдено дека во 25 случаи полициските службеници ги пропуштале камионите со над дозволената тежина. При увидот во документацијата на камионите кои ја преминале македонската граница со над 40 тони тежина, било утврдено дека во ниту еден случај не е наплатена мандатна казна од 2 илјади денари, ниту, пак, била побарана вонредна дозвола за превоз на стоката. Со ова постои сомнение дека полицајците за одредена сума пари ги пропуштале камионите, но за тоа МВР нема докази.
„Доколку ги фатевме како земаат пари, кривичната пријава ќе беше и за кривично дело земање поткуп, но бидејќи ги немаме доказите, поднесена е само кривична пријава за злоупотреба на службената положба“, изјави вчера Воислав Зафировски, помошник-министер и раководител на Секторот за внатрешна контрола. Утврдено е дека со пропуштените 25 камиони била направена штета од околу 165 илјади денари.
МВР поднело кривична пријава и за уште тројца полицајци на истиот граничен премин. Поранешниот началник на Регионалниот центар, неговиот заменик и раководителот на Одделението за административна и логистичка поддршка на АД „Палтекс“ од Делчево му овозможиле да користи два магацина во вкупна површина од 280 квадратни метри за складирање текстилна стока. Магацините биле издадени на користење без никој од МВР да биде запознаен. За ова, најверојатно, си наплатувале месечна кирија, пари кои никаде не се евидентирале. Тројцата полициски службеници ќе одговараат за злоупотреба на службената должност, затоа што без ничија согласност ги издавале магацините на користење.
Минатиот месец МВР спроведе акција на граничните премини Деве Баир, Табановце, Меџитлија и Богородица, при што беа приведени 41 лице, осомничени за примање поткуп и за помагање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грчките земјоделци на протести поради стопираните субвенции од ЕУ
Грчките земјоделци одржуваат протестни демонстрации низ целата земја. Нивните барања се за продолжување на исплатата на субвенции и помош.
Грчките земјоделци ја обвинуваат владата дека намерно ги прикрива оние што ги украле европските субвенции. Министерството за аграрен развој ги суспендираше сите исплати на земјоделците додека не заврши истрагата за украдените субвенции од ЕУ. Обвинителството веќе поднесе обвиненија против над сто лица кои добиле субвенции од ЕУ со лажни документи.
Стотици земјоделци од целата земја протестираат со трактори пред Министерството за аграрен развој. Главната иницијатива е од сточарите од островот Крит, кои пристигнаа специјално за демонстрациите во грчката престолнина. Во Александрополис, тие го блокираа аеродромот за да го спречат премиерот Мицотакис да го посети регионот. Во Солун, десетици трактори го запреа сообраќајот на патот кон Халкидики. Друга голема група е пред Министерството за Северна Грција. Во Лариса, сообраќајот на автопатот е исто така блокиран.
Денешните протести се само предупредување, велат земјоделците. Земјоделскиот сектор покажува подготвеност за активни протестни акции. Пратениците од опозицијата и лидерите на партиите се придружија на демонстрациите во Атина.
Свет
Украина обвини седум лица во корупциски скандал вреден 100 милиони долари
Украинските власти подигнаа обвинение против седум лица поврзани со корупциска афера вредна околу 100 милиони долари, во која се инволвирани високи функционери на државната енергетска компанија „Енергоатом“.
Националното биро за борба против корупција на Украина (НАБУ) соопшти дека привело пет лица, а идентификувало уште двајца осомничени за вмешаност во шема за злоупотреби при јавни набавки во државните претпријатија, особено во „Енергоатом“.
Како главен организатор на аферата се спомнува Тимур Миндич, поранешен бизнис-соработник на претседателот Володимир Зеленски. Миндич, кој работеше во продуцентската куќа „Квартал 95“, каде што Зеленски ја изгради својата кариера пред да влезе во политиката, не одговори на барањето за коментар.
Меѓу обвинетите се и поранешен советник на министерот за енергетика, шефот на безбедност на „Енергоатом“, како и неколку вработени во компанијата. Министерството за правда потврди дека против поранешниот министер за енергетика Герман Галушченко биле спроведени истражни дејства, но не е познато дали е поврзан со оваа истрага.
Истрагата се води во време кога Украина се подготвува за нова зимска сезона со можни прекини на струја поради руските напади, а „Енергоатом“ има клучна улога во снабдувањето со електрична енергија во земјата.
Свет
(Видео) Русите: Презедовме целосна контрола врз источниот дел на Купјанск
Руските сили презедоа целосна контрола врз источниот дел од градот Купјанск во Харковската област и активно напредуваат во Покровск во Донецката област, објави денес руското Министерство за одбрана. Министерството, исто така, објави дека неговите трупи ја окупирале населбата Новоупенивске во југоисточниот Запорожски регион.
Москва тврди дека освојувањето на Покровск, наречен „портата кон Донецк“, би создало платформа за понатамошен напредок кон Краматорск и Славјанск, двата најголеми преостанати градови под контрола на Украина во областа. Русија се обидува да го опколи Покровск повеќе од една година, користејќи тактики на клешти за да ги загрози линиите за снабдување, за разлика од фронталните напади што се користеа во освојувањето на Бахмут во 2023 година.
❗️У мережі з’явилося відео наступу російських військ на Покровськ.
На кадрах видно, що окупанти використовують туманну погоду для просування.
Офіційних даних від українських сил щодо ситуації на місці наразі ще немає pic.twitter.com/GDrdkxQmq9
— NV (@tweetsNV) November 11, 2025
На социјалните мрежи се појави видео кое наводно го прикажува влегувањето на руските сили во Покровск на пат обвиен во густа магла.
Видеото прикажува руски војници на мотоцикли и во необичен конвој од автомобили и други возила, многу без врати или прозорци, како се движат по пат покриен со урнатини.
Некои војници дури седат на покривот на уништеното возило. Ројтерс можеше да ја потврди локацијата на видеото како Покровск врз основа на распоредот на патиштата, знаците и другите детали што се совпаѓаат со сателитските снимки, но не можеше независно да го потврди датумот на снимањето.
Следната недела почнува судењето за пожарот во „Пулс“, обвинителството со тим од 15 обвинители
Судскиот процес за трагичниот пожар во дискотеката „Пулс“ во Кочани, во кој животот го загубија 63 лица, а над 200...
Трагична несреќа во Конче: 46-годишен маж убиен за време на лов, бил застрелан во стомакот и раката
Едно лице вчера е убиено за време на лов во селото Габревци. Според информациите на МВР, уапсени се 11 лица...
(Видео) Кузеска: Власта да ги објави бројките и да го разреши Трипуновски
Откако скандалот кој го најави СДСМ се потврди, денес е време власта да почне да одговара на клучните прашања кои...
Изнервирана затоа што бебето плачело, го удирала со раце и тупаници по устата и носот: Обвинителството поведе истрага против мајката
Основното јавно обвинителство Скопје донесе наредба за спроведување истражна постапка против 23-годишна жена со престојувалиште во ‘Ржаничино, која е осомничена...
(Видео) Мицкоски побарал да се стопираат исплатите од ИПАРД за да се види до каде одела злоупотребата: Ќе одговараат сите, од прв до последен
Премиерот Христијан Мицкоски, кој денеска беше во посета на фабриката „Костал“ во Охрид, негираше дека средствата од ИПАРД се блокирани...
Арсовска со повик до Ѓорѓиевски: Ако сакаш како маж да соочиш аргументи, ајде на дебата на ваш медиум по избор
Поранешната градоначалничка на град Скопје, Данела Арсовска, побара од новиот градоначалник Орце Ѓорѓиевски да ги објави сите фирми со долг,...
„Јавното здравство троши сè повеќе, а дава сè помалку“, истражување на Центарот за граѓански комуникации за јавните набавки во здравствениот сектор од 2015 до 2024 година
Центарот за граѓански комуникации го објави истражувањето за јавните набавки во здравствениот сектор во периодот од 2015 до 2024 година....
Расчистен случај со лажна сообраќајна несреќа во Битола, уапсени две лица
СВР Битола поднесе кривична пријава против С.Г.(54) од Прилеп и С.И.(31) од Крушево поради постоење основи на сомнение за сторено...
Русите велат дека спречиле голем украинско-британски заговор: „Сакаa да киднапираат ‘миг-31’“
Руската Федерална служба за безбедност (ФСБ) соопшти дека осуетила заговор на украински и британски разузнавачки службеници да ги убедат руските...
(Видео) Силна експлозија на автомобил во главниот град на Индија, најмалку 10 мртви
Силна експлозија на автомобил-бомба потресе прометна област на индискиот главен град вчера, при што загинаа најмалку 10 лица, а десетици...
(Видео) Украинците ја нападнаа Русија со дронови: погодена голема рафинерија за нафта
Рафинерија за нафта во рускиот град Саратов беше нападната од украински беспилотни летала во текот на ноќта, според објавите на...
(Видео) Трамп му се закани на Би-би-си со тужба од 1 милијарда долари: ќе ја повлече ако ги исполнат неговите три барања
Британската јавна радио-телевизија е во длабока криза откако беше откриено дека говорот на Доналд Трамп бил измамнички монтиран во документарец...
Американскиот Сенат ги одобри мерките потребни за прекин на најдолгата блокада на владата
Во понеделникот, Сенатот ги одобри потребните мерки за прекинување на најдолгото затворање на владата на САД во историјата, кое траеше...
Сирија се приклучува на меѓународната коалиција против Исламската држава
Сирија ќе се приклучи на меѓународната коалиција против Исламска држава (ИСИС) предводена од САД, изјави во понеделник американски функционер под...
Ѓорѓиевски отпушти 500 вработени
Градоначалникот на Град Скопје, Орце Ѓорѓиевски, објави дека се отпуштени 500 вработени од претпријатијата на Скопје затоа што се месеци,...
Детали за кражбата на кабли во која е вмешан и полицаец: Направиле штета од 600.000 евра, а поради пожар граѓаните останале без струја
Основното јавно обвинителство Скопје објави детали за кражбата на кабли во кругот на фабриката „Железара“ во која е вмешан и...
Исплатите од ИПАРД програмата привремено прекинати поради проверка на законитоста
Македонија преку структурите и органите за управување на средствата од ИПА/ИПАРД донесе одлука за времен прекин на исплатите на средствата...
Пендаровски му одговори на Фрчкоски: Никогаш не сум мешетарел, тоа го прават други кои се занимаваат со кафеанско озборување
Поранешниот претседател Стево Пендаровски ја отфрли изјавата на Љубомир Фрчкоски дека мешетари во СДСМ и дека има улога во можни...
Приведена жена од Кавадарци поради напад врз своето 6-месечно бебе
Утрово, околу 6 часот, полицијата во Скопје приведе 23-годишна девојка од Кавадарци, која се сомничи дека ноќеска, околу 00:37 часот,...
„’Вреди’ до Јаневска“: Непознавањето на албанскиот јазик не треба да води до фрустрација
Вчера, за време на јавен настап, министерката за образование, Весна Јаневска, во два или три наврати изрази незадоволство од комуникацијата...
