Свет
Цариник од Деве Баир не признава дека примил поткуп
Во Кумановскиот суд вчера започна судскиот процес
против Гоце Стаменковски (38), викан Бич, од Крива Паланка, цариник на
граничниот премин Деве Баир, обвинет за примање поткуп.
ВО ОСНОВНИОТ СУД ВО КУМАНОВО
Во Кумановскиот суд вчера започна судскиот процес
против Гоце Стаменковски (38), викан Бич, од Крива Паланка, цариник на
граничниот премин Деве Баир, обвинет за примање поткуп. Обвинетиот пред Судот
тврдеше дека е невин и оти ниту барал ниту, пак, примил поткуп. Тој изјави дека
како царински службеник работи веќе седум и пол години, а на преминот Деве Баир
неполна година.
Во ноќната смена, на 26 јануари годинава работел со уште 7-8 колеги и притоа
вршел редовна контрола за влез на сите автобуси кои ја преминувале границата.
Не се сеќава дали го контролирал и автобусот на "Алфард туризам" со
турски регистарски таблички, за кога се товари дека барал мито бидејќи ноќта
поминале уште 5-6 автобуси на редовни линии. Цариникот изјави дека потекнува од
чесно семејство и оти претходните години бил наградуван за спречување шверц
бидејќи повеќепати откривал дрога, оружје и акцизна стока.
Според обвинението, Стаменковски на 26 јануари околу 4.30 часот по полноќ на
граничниот премин Деве Баир, Крива Паланка, преку возачот на автобусот, од
сведокот, лице со прикриен идентитет, побарал подарок од 50 евра во денарска
противвредност од 3.100 денари за да не изврши и не наплати царина за стоката
што ја пренесувал. Тогаш лицето со прикриен идентитет во својот пасош ставило две
банкноти од по 20 евра и му го дал на возачот на автобусот, кој парите му ги
предал на обвинетиот, а овој ги зел и му ја вратил патната исправа.
На наредното рочиште ќе биде сослушан сведокот со заштитен идентитет и ќе биде
прегледан снимениот материјал.
Стаменковски бил уапсен на граничниот премин Деве Баир со повеќе негови колеги
цариници и полицајци и против нив беше поднесена кривична пријава за
организиран криминал и корупција. Сега обвинението е преиначено во примање
поткуп и на секој од обвинетите ќе му се суди поединечно. Одбраната бара во
случајот да не бидат употребени посебните истражни мерки кои биле приложени во
претходното обвинение
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Авион се судри со јато птици во Мумбаи
Авионот на авиокомпанијата “Емирати” безбедно слета во Мумбаи, бидејќи непосредно пред слетувањето се судри со јато фламинга. Десетици птици загинаа од ударот на авионот, соопшти авиокомпанијата.
Боинг 777 кој летал на релација Дубаи-Мумбаи се судрил со јато фламинга, а се проценува дека имало околу 300.
Како што потврди портпаролот на компанијата „Емирати“ за Ројтерс, авионот слетал безбедно и сите патници се добро, пренесува РТС.
„Во инцидентот е оштетен авионот. Повратниот лет на овој авион кој требаше да лета за Дубаи е откажан“, изјави портпаролот на компанијата.
Европа
Лидерот на опозицијата во Британија: Изборите се шанса да се стави крај на хаосот на владата на Сунак
Кир Стармер, лидерот на британската опозициска Лабуристичка партија, денеска изјави дека националните избори во јули ќе и дадат шанса на земјата да стави крај на хаосот на конзервативната влада на британскиот премиер Риши Сунак.
„Време е за промени“, им рече Стармер на своите приврзаници откако Сунак објави дека изборите ќе се одржат на 4 јули, објави Ројтерс.
Британскиот премиер Риши Сунак претходно денеска потврди дека националните избори во Британија ќе се одржат на 4 јули.
Сунак додаде дека кралот Чарлс III одобрил распуштање на парламентот и дека изборите ќе се одржат на 4 јули.
Ројтерс претходно објави дека Сунак најавил дека изборите ќе се одржат во втората половина на годината.
Свет
Нетанјаху: Објавата на Ирска, Шпанија и Норвешка за признавање на Палестина „награда за тероризам“
Израелскиот премиер Бенјамин Нетанјаху денеска ја осуди најавата на Ирска, Шпанија и Норвешка дека наскоро ќе ја признаат независна Палестина како „награда за тероризмот“ и нагласи дека Тел Авив останува решен кога е во прашање победата во Појасот Газа.
Во изјавата, Нетанјаху изјави дека 80 отсто од Палестинците на Западниот Брег „го поддржуваат масакрот извршен од Хамас на 7 октомври“, пишува „Тајмс оф Израел“.
„На ова зло не смее да му се даде земја. Тоа ќе биде терористичка држава. Ќе се обидат да го повторат масакрот од 7 октомври, а ние нема да се согласиме на тоа“, рече тој.
Израелскиот лидер нагласи дека „наградата за тероризмот нема да донесе мир“ и дека одлуката на овие земји да ја поштедат Палестина нема да го спречи Израел да го победи Хамас.
Норвешка, Шпанија и Ирска најавија претходно денеска дека ќе ја признаат палестинската држава на 28 мај.
Како што рече ирскиот министер за надворешни работи Мајкл Мартин, Ирска планира да ја признае палестинската држава врз основа на нејзините граници од 1967 година, кои ги вклучуваат Газа, Западниот Брег и Ерусалим како главен град и на Израел и на Палестина.