Свет
Државата не се меша во продажбата на Поштенска

Владата не е се меша во политиката на Еуростандард банката и не знам кому му одеше во прилог да ја дезинформира јавноста за продажбата на Поштенска банка, изјави вчера премиерот Владо Бучковски.
Владата не е се меша во политиката на Еуростандард банката и не знам кому му одеше во прилог да ја дезинформира јавноста за продажбата на Поштенска банка, изјави вчера премиерот Владо Бучковски. Премиерот, сепак, индиректно призна дека Владата имала намера прво да ја „подржави“, па да ја продаде Поштенска банка. Државата, преку јавното претпријатие „Македонски пошти“ располага со 33,33 отсто од акциите на Поштенска, а 66 отсто се сопственост на Еуростандард банка. Народната банка(НБМ) предложила државата да го откупи управувачкиот пакет за четири милиони евра од Еуростандард, за Владата да стане легитимен потписник на купопродажниот договор со холандската ИНГ-банка.
– Предлогот на Народната банка е само една од алтернативите за полесно стигнување до светскиот бренд – ИНГ, но и тој беше злоупотребен. Ако некој влегол во таков проект само за да стекне сопственост на зградата на Поштенска банка, тогаш е несериозно да се занимава со сериозен бизнис како што е банкарството – рече Бучковски, не прецизирајќи кој од сопствениците на Еуростандард банка е заинтересиран за просториите на Поштенска.
За вчера попладне премиерот најави средба со првите луѓе на Еуростандард банката, а официјалниот став, како што изјави, ќе го соопштел денеска. Од оваа банка уште не сакаат официјално да ги коментираат потезите на Владата и на НБМ. Тамошни претставници веќе денеска ќе седнат на маса и со гувернерот Петар Гошев, па дури потоа ќе ги коментираат случувањата за продажбата на Поштенска. На 7 октомври акцискиот план за продажба на банката требаше да биде на дневен ред кај Владата. Расправата за тоа била одложена по спротивставувањето на Еуростандард за таква купопродажба, која е сосема спротивна на веќе договорената, но и во контрадикторност со препораките на ММФ и на Светска банка.
М.К.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.