Свет
ЕУ да ги разреши споровите на Балканот
Европската унија (ЕУ) треба да покаже храброст и да ги отстрани сите пречки што стојат на патот за влез на западниот Балкан во Унијата
Европската унија (ЕУ) треба да покаже храброст и да ги отстрани сите пречки што стојат на патот за влез на западниот Балкан во Унијата.
Ова, како што пренесува Макфакс, го пишува угледниот британски весник „Фајненшл тајмс“ (ФТ) во опширна анализа за блокирањето на евроинтеграциите на Македонија, Хрватска и Србија.
Весникот посочува дека пред влезот на Македонија е исправена Грција, за Хрватска пречка е Словенија, а Холандија ја блокира Србија, додека отворено се уште е и кипарското прашање.
„Кипарските Грци го наведуваат присуството на 30.000 турски војници во северниот, турски дел на островот. Спротивно на ова, не постои никаква воена причина за однесувањето на Грција, која упорно ги блокира македонските аспирации да оствари прогрес“, пишува ФТ.
Потсетувајќи дека Македонија е официјален кандидат за член на ЕУ уште од 2005 година, весникот наведува дека „на Грците им пречи употребата на зборот „Македонија“ во името на државата на нивниот сосед.
Нивниот аргумент е дека со тоа, Македонија претставува закана за грчкиот територијален интегритет, културно наследство и национален идентитет, посочува ФТ.
Поради тоа, Атина го спречи почетокот на преговорите со Македонија, не дозволувајќи и на Европската комисија да го изрази своето мислење за подготвеноста на земјата да стане член на Унијата.
Британскиот весник во анализата, наведува дека во овој спор „не е целата вина кај Грците“.
„Како пример може да послужи бизарната епизода во која учествува, никој друг туку, Александар Македонски. Македонските лидери го искористија името на Александар за да го именуваат делот од главниот Север-Југ трансевропски автопат (кој минува низ земјата). На овој начин се присвојува славниот македонски водач како јунак кој се става во контекст на современата држава, во која живее мнозинство Славо-македонско население. Кога пристигна веста за ова во Брисел, претставниците на ЕУ паднаа во очај. Грците го искористија овој потег да ги стврднат своите ставови уште повеќе„, пишува ФТ.
Весникот посочува дека „ЕУ треба да најде начин да ги разреши сите спорови, кои го блокираат процесот на проширување“ и нагласува дека Балканот е „многу чувствителен, но регион од голема стратешка важност“.
„Ако Балканот остане изолиран, тогаш ЕУ ќе биде принудена да плати висока цена за тоа“, заклучува угледниот британски весник „Фајненшл тајмс“./крај/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.