Свет
Членови на администрацијата на Обама сакаат да го отстранат директорот на NSA
Американскиот министер за одбрана и челникот на националните разузнавачки агенции и служби му препорачале на претседателот Барак Обама од позицијата да го отстрани директорот на Националната агенција за безбедност (NSA), Мајкл Роџерс, соопштија добро известени кругови.
Препораката на министерот за одбрана Ештон Картер и на директорот на американската разузнавачка заедница Џејмс Клапер, за која прв пишуваше The Washington Post, е предадена во Белата куќа во октомври, рекле извори за Reuters.
Актуелниот американски претседател Барак Обама го избра директорот на Националната агенција за безбедност (NSA), Мајкл Роџерс, на оваа позиција во 2014 година и му даде задача да ја поправи штетата којашто ја направи одметнатиот разузнавачки аналитичар Едвард Сноуден. Сноуден објави доверливи материјали за масовното следење на електронските комуникации на милиони луѓе во светот, вклучително и на државници од земјите сојузнички на САД.
Меѓутоа, постоеле и други безбедносни пропусти, велат изворите на агенцијата, вклучително и оној којшто доведе до апсењето на припадникот на NSA, Харолд Мартин претходно минатата година.
Мајкл Роџерс, инаку, се смета за потенцијално нов директор на американските разузнавачки служби во администрацијата на избраниот претседател Доналд Трамп, која е функција што ги координира работите на 19 американски разузнавачки агенции и служби, покрај NSA и на Централната разузнавачка агенција CIA. На оваа функција Џејмс Клапер поднесе оставка оваа седмица, најавувајќи дека ќе отстапи откако Трамп ќе ја преземе должноста на 20-ти јануари 2017 година.
Меѓутоа, оваа седмица беше објавена и анкетата меѓу аналитичари во Централната команда на американските вооружени сили коишто го следат борбените операции на Блискиот исток и во јужна Азија, и кои биле, за разлика од нивните колеги стационирани во другите делови од светот, понаклонети да веруваат дека нивните претпоставени ги измениле или ги криеле нивните анализи, со цел да се создаде впечатокот претседателот Барак Обама во јануари 2017 година да замине како успешен државник.
Инаку неодамна The Washington Post објави дека одлуката Роџерс во четвртокот да отпатува во Њујорк за да се сретне со Трамп, а за тоа да не ги извести своите претпоставени, предизвикала чудење и гнев на високите нивоа во администрацијата на претседателот Обама. Меѓутоа, препораките тој да биде отстранет од функцијата во Белата куќа дошле претходно.
Од Белата куќа, Пентагон, NSA и од кабинетот на директорот на разузнавачките служби на САД не сакале да ги коментираат овие наводи. Портпаролот на кампањата на Трамп, исто така за Reuters, засега немал коментари./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Олимписки игри во Париз 2024: церемонијата на отворање започна со пловење по Сена
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.