Франција: Расте поддршката на Меланшон по тв дебатата

Кандидатот на крајната левица Непокорна Франција, Жан-Лук Меланшон лесно би можел да ги претвори француските претседателски избори во трка на четворица кандидати, покажува последните испитувања на јавното мнение, потврдувајќи дека расте поддршката за него по телевизиската дебата на сите единаесет претенденти ноќта кон средата.

Две анкети спроведени по телевизиското соочување покажуваат дека 65-годишниот Жан-Лук Меланшон, која ја има поддршката и до француската Комунистичка партија, заостанува само еден или два процентни поени од третопласираниот кандидат на конзервативната партија Републиканци, поранешниот премиер Франсоа Фијон во непредвидливата трак, имајќи предвид дека повеќе од третина од гласачите уште не се одлучени за кого ќе го дадат гласот во првиот круг на 23-ти април и во вториот на 7–ми мај.

Испитувањето на јавното мнение кое го спровел институтот Harris Interactive, објавено во четвртокот, покажува дека поранешниот министер за економија Емануел Макрон, лидер на новото лево центристичко движење Напред, има незначително водство во првиот круг пред челничката на крајната десница Национален фронт, Марин Лепен, до 25 наспроти 24 отсто.

На малку повеќе од две седмици од првиот круг, Меланшон приреди изненадување откако поддршката за него скокна од 13,5 на 17 отсто, додека Фијон, соочен со обвинувањата за непотизам, се задржал на 18-процентна поддршка.

Анкетата којашто ја објави Elabe во средата вечерта, му дава на Меланшон два процентни поена повеќе отколку пред една седмица, исто така, 17 отсто, и покажува дека му се приближува на Фијон, кој според оваа анкета имал раст од еден процентен поен на 19 отсто.

Двете анкети покажуваат дека Макрон ќе ја победи Лепен во вториот круг.

Меланшон, според испитаниците, покажа најуверлива настап во четиричасовната телевизиска дебата која започна доцна вечерта во вторникот којашто ја гледале повеќе од шест милиони гледачи./крај/мф/сн