Европа
Доживотен затвор за германскиот болничар осуден за убиство на два пациента
Германскиот болничар кој ја вознемири пред неколку месеци тамошната јавноста со признанијата дека е одговорен за смртта на триесетина пациенти, осуден е во четвртокот на доживотна затворска казна за убиства на двајца пациенти, а би можело да му се суди и за злосторства над повеќе десетици пациенти на болницата во Делменхорст во којашто работел.
Болничарот именуван во медиумите како Ниелс Х., 38-годишен, е обвинет дека во периодот меѓу 2003 и 2005 година им давал инјекции на тешко болни пациенти за да може да ги реанимира за да го предизвика восхитот на своите колеги и надредени во неговата способност да го изведува овој медицински зафат, а од пациентите и нивните семејства да добие благодарност што ги спасил од смрт.
Иако беше обвинет за три, докажани му се две убиства, бидејќи за третото немало доволно докази,
Меѓутоа, психијатрискиот вештак на претходното рочиште кон средината на јануари изјави пред судот дека Ниелс му признал дека ја предизвикал смртта на 30 пациенти, додека 60 на коишто им ја вбризгал смртоносната инјекција преживеале.
Постојат сомневања и дека бројот на неговите жртви е далеку поголем. Полициската истрагата вклучува најмалку 200 смртни случаи, вклучително и во клиники во кои претходно работел.
Ниелс признал дека 30 повозрасни пациенти починале по инјектирањето на лек за срце, но не говорел за поединостите. На минатото рочиште ја опиша својата психичка состојба во моментот кога на пациентите им го вбризгувал потенцијално смртоносниот лек.
„Бев многу возбуден и го имав она чувство дека нешто ќе се случи“, рекол. Појаснил дека кога ќе успеел да го реанимира пациентот се чувствувал многу добро, а кога тоа нема да му пошло од рака бил „скршен“. По смртоносните исходи често носел одлука дека нема повеќе да ја повторува истата грешка, но тоа чувство кај него не се здржувало долго.
Нилес Х. од 2008 година служи седум ипол-годишна затворска казна, по пресудата од истата година според која е прогласен виновен за обид за убиство во болницата во Делменхорст./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.