Европа
Двајца уапсени во Германија за подготвување насилство
Двајца мажи, за кои постојат сомневања дека се поврзани со терористичката џихадистичка организација Исламска држава и дека подготвувале „тежок насилен чин“, се приведени во четвртокот во Германија, соопштија од полицијата и државното обвинителство, коешто сепак наведува дека нема „конкретни закани за населението“.
Станува збор за 46-годишен Ирачанец и 29-годишен Нигериец кои одржувале врски „со лица од списоците на организацијата Исламска држава“. „Ќе настојуваме да ги провериме до петокот, а потоа ќе бидат изведени пред судија и ќе ги ставиме во притвор или ќе ги пуштиме“, изјавил за AFP Томас Штејнкраус-Кох, портпарол на државното обвинителство во Минхен.
„Според сé судејќи, нема конкретна закана за населението“, се наведува пак во соопштението на полицијата на Баварија. Се додава дека двајцата осомничени биле приведени во четвртокот доцна попладнето во споменатата германска јужна покраина.
Дневниот весник Sueddeutsche Zeitung на својата интернет страница објави дека едниот осомничен е уапсен во Минхен, а другиот во Фуршенфелдбрук, во близина на баварската престолнина.
„Овие двајца се идентификувани како можни осомничени кои можат да сторат тежок насилен акт“, се истакнува во полициското соопштение. Имајќи предвид дека првичната истрага не овозможила „конкретното сомневање да се потврди или да се отфрли, иследниците одлучиле веднаш да ги приведат двете лица за да се отстрани секоја опасност“, се додава.
При претресот засега не е пронајден „никакво сомнителен предмет““, додава портпаролот на баварската полиција.,/крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.