Европа
DW: НАТО потврди дека Украина употребила балистички ракети

Украинската армија, спротивно на уверувањата од официјален Киев, употребила балистички проектили против проруските бунтовници во источниот дел од земјата, пренесува во петокот Deutsche Welle, повикувајќи се на потврда од штабот на НАТО.
Украинската армија, спротивно на уверувањата од официјален Киев, употребила балистички проектили против проруските бунтовници во источниот дел од земјата, пренесува во петокот Deutsche Welle, повикувајќи се на потврда од штабот на НАТО.
„НАТО ја потврдува информацијата на американската телевизиска мрежа CNN за тоа дека армијата на Украина употребила балистички ракети со кус дострел“ против проруските бунтовници во источниот дел на земјата, пренесува Deutsche Welle повикувајќи се на претставник на службата за односи со јавноста во седиштето на НАТО во Брисел.
Притоа портпаролот на Алијансата не можел да даде никакви други поединости, истакнувајќи дека „информацијата е базирана на податоци од американското разузнавање“.
Според претпоставките на повеќето медиуми кои изминатите денови се занимаваа со оваа тема, најверојатно станува збор за ракетните системи „Точка“, со дострел на балистичките ракети од повеќе од 100 километри. „Нема информации за бројот балистички проектили истрелани од украинска страна, како и врз какви цели биле истрелани и какво биле исходот од тоа“, забележува Deutsche Welle.
Постојаниот известувач на CNN од Пентагон, Барбара Стар во вторникот (29-ти јули) објави дека украинската армија во судирите со проруските бунтовници употребила балистички ракети. „Според нашите податоци, американското разузнавање преку своите сателити регистрирало како украинските сили од своите позиции истрелале балистички проектили ’земја-земја’ со мал дострел кон територијата под контрола на сепаратистите“, рече новинарката на CNN. Според истиот извор, станува збор за ракети кои носат боева глава од 454 килограми и има радиуси на дејствување од 80 километри. Како што истакна CNN во прилогот, ова е најдеструктивното оружје за кое се знае дека досега е употребено во судирите.
Како што додава Deutsche Welle, Украина ги негираше наводите на CNN, и притоа ја цитира изјавата на портпаролот на Советот за национална безбедност и одбрана на Украина од средата (30-ти јули) дека земјата „не употребила балистички проектили за време на антитерористичката операција“ во побунетите источни региони./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украина разнесе руски брод што превезувал иранско оружје

Украинските специјални сили извршија напад врз руското пристаниште Оља во регионот Астрахан погодувајќи брод што превезувал делови од беспилотните летала „Шахед“ и иранска муниција. Се сомнева дека украинските беспилотни летала истовремено нападнале рафинерија за нафта во регионот Самара, објавува „Киев пост“.
Според соопштението од Генералштабот, нападот е извршен во четвртокот во соработка со Силите за специјални операции и други единици на одбранбените сили со цел да се намали способноста на Русија да спроведува воздушни напади.
Пристаништето Оља е еден од клучните логистички центри за увоз на воена опрема од Иран. Бродот „Порт Оља 4“, кој наводно превезувал делови за беспилотни летала и муниција, бил погоден. Процената на штетите е сè уште во тек.
Рано утрово беспилотни летала од Краснодар нападнаа рафинерија во градот Сизран во регионот Самара. Мештаните пријавија до 10 експлозии од 4 часот наутро, а снимки и фотографии од пожар во објектот се појавија на „Телеграм“. Руските власти сè уште не ја потврдија штетата.
Украина официјално не коментира до моментот на објавување.
Руското Министерство за одбрана тврди дека неговата воздушна одбрана соборила 53 украински беспилотни летала преку ноќ.
фото: принтскрин
Европа
Кремљ: Договорен распоредот за разговорите Путин – Трамп, ќе има и прес-конференција

Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј Ушаков.
Тој рече дека тоа ќе биде приватна средба, со преведувачи, за време на која ќе се дискутираат чувствителни прашања.
Централна тема на состанокот ќе биде решавањето на кризата во Украина, но двајцата лидери ќе разговараат и за трговската и за економската соработка, рече Ушаков.
Средбата ќе почне во 11.30 часот по локално време, а времетраењето на разговорите ќе зависи од тоа како ќе се одвива дискусијата, рече Ушаков.
На крајот од самитот двајцата ќе одржат заедничка прес-конференција. Трамп и Путин ќе имаат и поширок состанок со делегациите и работен појадок, објави „Скај њуз“.
Европа
(Видео) Зеленски пристигна на средбата со британскиот премиер

Украинскиот претседател Володимир Зеленски пристигна на Даунинг стрит, каде што беше пречекан од британскиот премиер Кир Стармер, објави „Скај њуз“.
Даунинг стрит не даде многу детали за темите на нивните разговори, но средбата се случува само еден ден пред американскиот претседател Доналд Трамп да се сретне со рускиот претседател Владимир Путин на Алјаска за да разговараат за прекин на огнот во Украина.
BREAKING: Volodymyr Zelenskyy arrives at Downing Street and is greeted by Sir Keir Starmer.
The meeting comes just a day before Donald Trump meets Vladimir Putin in Alaska to discuss a ceasefire in Ukraine.https://t.co/rrfAtUSjPC
📺 Sky 501 and YouTube pic.twitter.com/tk9jzCellw
— Sky News (@SkyNews) August 14, 2025
Двајцата мажи се прегрнаа и се ракуваа игнорирајќи ги прашањата од новинарите пред да влезат внатре, објави „Скај њуз“.
фото: принтскрин