Европа
Гневни реакции на интернет против чоколадата со „потемнетите“ ликови
Група корисници на социјалната мрежа Facebook жестоко во средата го критикуваа новото пакување на чоколадата од кое е отстранет препознатливиот лик на момченцето со руса коса и сини очи и се ставени детски ликови со потемна боја на кожата, а италијанскиот прехранбен концерн „Ferrero“ и Германскиот фудбалски сојуз (DFB), пак, ја критикуваа кампањата којашто ја покрена на социјалните мрежи наводен јужногермански огранок на антидоселеничкот и антиисламското движење Pegidа (Родољубиви Европејци против исламизацијата на Западот) поради појавувањето на сликит на темнокожите фудбалери на германската национална селекција на некои производи на „Ferrero“.
Непосредно пред почетокот на Европското фудбалско првенство во Франција, кое ќе започне на 10-ти јуни, италијанската компанија „Ferrero“ го дистрибуираше својот познат производ „Kinder“ чоколадата со слики од детството на играчите од германската репрезентација.
Новите фотографии на деца со темна коса и кожа, како на Џером Боатенг кој е црнец и Илкај Гуендоган кој е од турско потекло, предизвикаа гнев на лица за кои јавноста претпоставува дека се поддржувачи на антиимигрантското движење Pegida.
Меѓутоа челниците на движењето Pegida се дистанцираа од коментарите, кои беа избришани од Facebook во средата попладнето. Коментарите за специјалното пакување „се апсурдни до таа мера, што со сета почит, немам зборови“, изјави челникот на движењето Луц Бахман за порталот web.de. Тој додаде дека групата Pegida BW – Bodensee, од покраината Баден-Витемберг, која се јавува како иницијатор на кампањата, не е членка на движењето од јуни 2015 година и оти незаконски го користи називот.
„Германската фудбалска репрезентација е еден од најдобрите примери за успешна интеграција и милиони Германци се горди на оваа репрезентација токму затоа што таа е таква каква што е“, изјави за агенцијата DPA, претседателот на германскиот фудбалски сојуз, Рејнхард Гриднел нарекувајќи ја целата ситуација „невкусна“.
И компанијата „Ferrero“ ја критикуваше оваа акција на социјалните мрежи порачувајќи дека компанијата се оградува од сите видови расизам или ширење нетрпеливост кон странците. Портпаролката на компанијата изјави дека ова е „нова димензија“ на реакциите на нивните производи./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.