Европа
Јункер ќе носи црнина ако Лепен стане претседателка на Франција

Претседателот на Европската комисија, долгогодишниот поранешен премиер на Луксембург, Жан-Клод Јункер, вети дека ќе носи црнината доколку на француските претседателски избори победи челничката на крајната десница Марин Лепен.
„„Тогаш ќе носам црнина!“, рекол претседателот на Европската комисија, Жан-Клод Јункер на прашањето што ќе стори доколку Марин Лепен стане претседателка на Франција, во разговорот за германската јавна телевизија ZDF снимен во вторникот вечерта во Брисел.
Сите анкети досега ѝ даваат предност на челничката на партијата од крајната десница Национален фронт (FN), којашто ќе влезе во вториот круг на претседателските избори во 2017 година. Но според анкетите, најверојатно, во вториот круг ќе биде поразена,
Бидејќи француската левица е во распад и се разединува, кандидатот кој ќе ги претставува конзервативците има големи шанси за победа и на претседателските избори коишто ќе се одржат за помалку од шест месеци. Бидејќи единствена сериозна противкандидатка ќе му биде претседателката на партијата од крајната десница Национален фронт (FN), Марин Лепен, но вообичаено социјалистите во такви случаи ги предаваат своите гласови на конзервативците. Така се случи на последните регионални избори, кога по првиот круг во повеќето од половината локални совети и за градоначалници водеа кандидатите на Лепен. Победникот на изборите меѓу конзервативците ќе има оттаму голема шанса, бидејќи владејачките социјалисти имаат историска непопуларност што предизвика раздор на левицата.
Во разговорот со Јункер кој се водел на германски јазик, шефот на европското извршно тело, како и што редовно тоа го прави, ги критикува движењата кои ги нарекува популистички и кои остваруваат голем подем во Европа. „Популистите исфрлаат пароли, а ние мораме да даваме решенија“, се брани Јункер.
Според Јункер, влошувањето на ситуацијата во Европа потекнува, од како што често ја нарекува – „поликризата“, којашто се разгорела на Стариот континент и надвор од него./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија очекува да се договори за датум за третата рунда мировни преговори со Украина

Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона

Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари

Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.