Европа
Киев не дава примирје до предавање на бунтовниците, за кои е беспредметно да се преговара
Портпаролот на украинската армија којашто од април ја спроведува воената операција во источните делови од земјата го отфрли примирјето на кое повика еден од челниците на проруските бунтовниците поради создавање хуманитарни коридори за помош на цивилното население кое во градовите Донецк и Луганс цела седмица е без струја и вода, а при крај се резервите од храна, лекови и гориво, и истакна дека до тоа ќе дојде само доколку проруските милиции „истакнат бело знаме и се предадат“
Свет Киев не дава примирје до предавање на бунтовниците, за кои е беспредметно да се преговара Киев/Донецк, 10.08.2014 (Макфакс) – Портпаролот на украинската армија којашто од април ја спроведува воената операција во источните делови од земјата го отфрли примирјето на кое повика еден од челниците на проруските бунтовниците поради создавање хуманитарни коридори за помош на цивилното население кое во градовите Донецк и Луганс цела седмица е без струја и вода, а при крај се резервите од храна, лекови и гориво, и истакна дека до тоа ќе дојде само доколку проруските милиции „истакнат бело знаме и се предадат“
Украинскиот воен портпарол Андриј Лисенко во неделата одговарајќи на новинарско прашање во Киев рече дека „каква и да е иницијатива (за примирје) би требало да биде реализирана на практичен начин, а не со зборови, што значи со истакнување на бели знамиња и полагање на оружјето“. „Такви практични потези засега не можеме да забележиме“, истакна портпаролот, пренесува Reuters
Во меѓувреме проруските бунтовници се откажаа од претходно понудените преговори за можен прекин на огнот, и нагласија дека првенствено украинската армија треба да ги сопре своите борбени операции. Во соопштението што го објавија властите на самопрогласената Народна Република Донецк се наведува дека се подготвени на примирје под покровителство на мисијата на Организацијата за безбедност и соработка во Европа (ОБСЕ) за да се избегне хуманитарна катастрофа, но истовремено истакнуваат дека „сé додека украинската армија продолжува со своите воени операции, секаков разговор за примирје е беспредметен“.
„Да се зборува за прекин на огнот е беспредметно, бидејќи со украинските власти апсолутно не може да се преговара. Сепак, и покрај тоа што консултациите за примирјето со учество на ОБСЕ не дадоа резултати, властите на (самопрогласената) Донецка Народна Република се подготвени да ги продолжат“, се наведува во соопштението на ткн влада на ДНР што го цитира РИА Новости.
„Бидејќи украинската страна не е воопшто способна да преговара, како што покажува досегашната практика, разговорот за условите за прекин на огнот е апсолутно беспредметно (…) И покрај повиците на светската заедница, Киев ја продолжува својата казнена (одмаздничка) операција“, се додава во соопштението во кое се истакнува и дека се подготвени да ги продолжат „неформалните консултации со учество на ОБСЕ, како и дека во преговорите треба да учествуваат официјални лица на украинските власти а не „некаква контактна група“ која немала никакви овластувања. .
Во неделата инаку продолжи артилерискиот оган врз центарот на Донецк, главен индустриски центар во источниот дел од Украина со преку милион жители, од страна на украинската армија . Бунтовниците, пак, соопштија дека во близина на градот во правец на другото бунтовничко упориште Луганск, уништиле колона од триесетина возила на украинската војска, меѓу кои и тенкови, бори коли и автобуси. И двете страни засега не објавија за евентуални жртви и настрадани./крај/мф/сн
Извор: Reuters/РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Тројца тинејџери загинаа во Франција кога паднаа и се удавија во базен длабок 1,5 метар
Тројца тинејџери загинаа во јужна Франција кога нивниот автомобил излетал од патот, се забил во ѕид и се превртел во приватен базен, при што останале заробени.
Возилото било речиси со иста големина како базенот, а тројцата тинејџери, на возраст од 14, 15 и 19 години, не можеле да ја отворат вратата и се удавиле. Несреќата се случила во градот Алес во вторникот вечерта.
„Вистински ужас. Тие не починале од ударот. Се нашле наопаку во ледената вода, неспособни да излезат. Немале никаква шанса“, изјави јавниот обвинител Абделкрим Грини. Според неофицијални информации, најмладиот од нив наводно го возел автомобилот во времето на несреќата.
🚗⚡️ Leur voiture s’encastre dans une piscine : trois jeunes de 14 à 19 ans tués dans un dramatique accident dans le Gard. Des bouteilles de gaz hilarant se trouvaient dans l’habitacle. #JT20h pic.twitter.com/2lWrfYyU6V
— Le20h-France Télévisions (@le20hfrancetele) December 3, 2025
Обвинителот за АФП изјави дека станува збор за неверојатна низа околности истакнувајќи дека несреќата се случила во ноќ со силен дожд.
Тој опиша како автомобилот удрил во низок ѕид од градината, се превртел и слетал во базенот. Пожарникарите биле повикани да го испумпаат базенот и да го извлечат возилото. BFMTV објави дека базенот бил длабок еден и пол метар. Снимките од местото на настанот покажале приватен базен покрај урнатиот ѕид.
Според француските медиуми, во автомобилот биле пронајдени шишиња со азотен оксид, супстанција што рекреативните корисници ја вдишуваат за да се чувствуваат опуштено, вртоглаво или еуфорично. Отворена е истрага за причината за смртта, а телата на младите луѓе се однесени во форензички институт на обдукција, според АФП.
Европа
(Видео) Украинците: Го нападнавме рускиот нафтовод „Дружба“
Во понеделникот, уште една експлозија го потресе рускиот нафтовод „Дружба“, потврдија извори од украинското воено разузнавање (ХУР) за „Киев пост“. Нападот наводно се случил во близина на селото Казински Виселки на делницата Таганрог-Липецк од нафтоводот, а бил предизвикан од далечински активирана експлозивна направа, објави „Киев пост“.
Службеник на ХУР, запознаен со операцијата, објасни дека уредот бил опремен и со запаливи смеси за интензивирање на пожарот. Кратко по силната експлозија, локалните жители пријавиле блесоци на светлина, а за неколку минути, видеа и пораки се појавија на регионалните социјални мрежи.
On December 1, the “Druzhba” oil pipeline was blown up in Russia.https://t.co/eX9LDzjS4s pic.twitter.com/hUj2l39ycb
— Babel.ua: Ukraine at war (@UaBabel) December 3, 2025
Нафтоводот „Дружба“, еден од најголемите во светот, е клучен за транспорт на руска сурова нафта до неколку земји од Европската Унија. И покрај санкциите, делови од нафтоводот остануваат оперативни, дозволувајќи ѝ на Москва да генерира милијарди приходи за да ја поддржи својата воена кампања во Украина.
Извештајот за нападот доаѓа во време кога Киев ја засилува својата кампања против руската нафтена инфраструктура. Во последните недели, танкери за нафта кои се обидуваат да ги избегнат санкциите беа цел и во Црното Море. Разузнавачки извор изјави дека нападите врз руската нафтена инфраструктура ќе продолжат сè додека таа ги финансира воените напори на Москва.
💥 Russia: Unecha oil pumping station in Bryansk region struck again by Ukraine. Annual pumping capacity of 60 million tons of crude oil, critical hub on the Druzhba pipeline that goes to Europe.
No more Russian blood oil for Hungary and Slovakia. pic.twitter.com/MgFOmiPOtM— Igor Sushko (@igorsushko) August 21, 2025
„Руската нафтена мрежа, која ја финансира државата агресор и нејзиниот воено-индустриски комплекс, ќе продолжи да гори сè додека непријателот не престане да ја напаѓа Украина“, рече лице запознаено со операцијата.
Ова не е прв напад врз овој стратешки важен нафтовод. На 22 август, Украина ја нападна најголемата руска пумпна станица за нафта во рамките на системот „Дружба“, која се наоѓа во градот Унеча во Брјанската област. Унеча, која се наоѓа на четириесет километри од украинската граница, е најголемиот центар на системот „Дружба“ и игра клучна улога во снабдувањето на рускиот воено-индустриски комплекс.
Европа
(Видео) Експлозии во Чеченија: уништена базата на единицата „Ахмат“, погодена зграда на ФСБ
Во пресрет на мировните преговори во Москва вчера, украински беспилотни летала нападнаа база на руските специјални сили и зграда на разузнавачката служба ФСБ во Чеченија. Базата на единицата „Ахмат“ во Гудермес беше потресена од силна експлозија вчераутро, а снимките кружеа на интернет и покажуваа густ чад и пламен како се извишуваат над комплексот.
Елитната паравоена сила „Ахмат“ е лично лојална на лидерот на Чеченската Република, Рамзан Кадиров, и е вклучена во борбите на фронтовските линии во Украина, вклучително и во Харков и во Донецк.
🔥 A military base of one of the Akhmat units in Gudermes, Chechnya, was attacked.
💥 Also, FSB building in Achkhoy-Martan, Chechnya, was attacked. pic.twitter.com/DviFjx51d4
— MAKS 25 🇺🇦👀 (@Maks_NAFO_FELLA) December 2, 2025
Во одделен инцидент дрон ја оштети и канцеларијата на ФСБ во Ачка-Мартан, а фотографиите на социјалните мрежи покажуваат скршени прозорци и остатоци надвор од зградата. Нападнат е и танкер под руско знаме што превезувал сончогледово масло од Русија до Грузија, што е четвртиот ваков инцидент покрај турскиот брег за една недела. Украина официјално не ја презеде одговорноста за ниеден од нападите, објавува „Телеграф“.
Во меѓувреме, руска балистичка ракета погоди индустриска зона во реката Днепар во источна Украина во понеделникот, при што загинаа четири лица, а 40 беа ранети, според локалните власти.
🚨🇷🇺—Also happening yesterday, there was a strike on the military base of one of the divisions of Akhmat in Gudermes, Republic of Chechnya, Russia. (seen in the video below).
On the same day there was a strike on an FSB office in Achkhoy-Martanovsky district of the Republic of… pic.twitter.com/FTibpo02w8
— 🇷🇺 Vanguard-Veritas🇨🇦 (@RussCan91) December 3, 2025
Нападите се случуваат во време на засилени дипломатски напори предводени од САД за наоѓање мирно решение. Стив Виткоф, специјалниот претставник на Доналд Трамп, пристигна во Москва вчера на неговата шеста средба со Владимир Путин оваа година. Во исто време, украинскиот претседател Володимир Зеленски е во прва посета на Ирска по средбата со францускиот претседател Емануел Макрон во обид да обезбеди дополнителна поддршка од европските сојузници.
Фирмата за подготовка на храната во „Димо Хаџи Димов” казнета со 900 евра, во уште едно училиште откриена „ешерихија коли“ во намаз
Операторот за подготовка на храната во основото училиште во Влае, „Димо Хаџи Димов” е казнета со 900 евра откако беа...
Ресторан на нива, одморалиште издавано без согласност, градинка без деца оти нема пат – ревизијата утврди серија нерегуларности во Свети Николе
Државниот завод за ревизија утврди серија нерегуларности во работењето на Општина Свети Николе за 2024 година поради што изрази неповолно...
(Видео) Мајка на загинато дете од „Пулс“: 63 сенки ќе ги следат обвинетите засекогаш, контрадикторно е што никој не се изјасни за виновен
Пред судот денес зборуваше Јулија Златкова, мајка на загинатиот Томас Златков, која реагира на однесувањето на обвинетите на минатото рочиште....
Адем Чучуљ ја презеде претседателската функција на антикорупциската комисија
Новиот претседател на Државната комисија за спречување на корупцијата (ДКСК), Адем Чучуљ, денеска даде свечена изјава пред претседателот на Собранието,...
Обвинетите за „Пулс“ утрово во „Идризoво“ ги пречекаа фотографии од сите загинати
Металните барикади пред влезот во судницата во „Идризово“, кои ги одвојуваат влезовите преку кои влегуваат обвинетите и родителите на загинатите,...
Затвореник признал дека се негови 13-те мобилни и лаптопот најдени во ќелијата на Џеваир Камбери, обвинет за „Пулс“
Тринаесетте мобилни телефони и еден лаптоп пронајдени во ќелијата на обвинетиот за трагедијата во кочанската дискотека „Пулс“, Џеваир Камбери, не...
Посетата на Путин на Индија: Нафта, оружје и геополитичка порака до светот
Рускиот претседател Владимир Путин оди во Индија во дводневна посета, каде што се очекува да се сретне со премиерот Нарендра...
(Видео) Украинците: Го нападнавме рускиот нафтовод „Дружба“
Во понеделникот, уште една експлозија го потресе рускиот нафтовод „Дружба“, потврдија извори од украинското воено разузнавање (ХУР) за „Киев пост“....
Британците и Норвежаните потпишуваат договор: заедно ќе ги следат руските подморници
Велика Британија и Норвешка денес ќе потпишат нов договор за одбранбена соработка, планирајќи заедничко управување со флота од фрегати за...
(Видео) Се урна американски „Ф-16“
Американски борбен авион F-16C Fighting Falcon на воздухопловни сили „Thunderbirds“ се урна во оддалечена пустинска област јужно од аеродромот Трона,...
Нови израелски напади врз Газа: погодени шатори за бегалци, повеќе мртви
Петмина Палестинци вчера беа убиени, а неколку други беа повредени кога израелските авиони гаѓаа шатори и импровизирани засолништа за раселени...
Мадуро потврди дека разговарал со Трамп
Венецуелскиот претседател Николас Мадуро во средата потврди дека пред околу 10 дена имал „срдечен и полн со почитување“ телефонски разговор...
ОН усвои резолуција за враќање на киднапираните украински деца: Русија и 11 други земји гласаа против
Генералното собрание на Обединетите нации усвои резолуција со која се бара од Русија да обезбеди итно, безбедно и безусловно враќање...
Куновска по оставките во СДСМ:„Сите дома, тој останува“
Поранешната пратеничка и функционерка во СДСМ, Софија Куновска, на „Фејсбук“ објави критички статус откако вчера, на барање на партискиот лидер...
ВМРО-ДПМНЕ: Ние како мнозинство немаме од што да бегаме, ќе се расчистат сите прашања поврзани со трагедијата во Кочани
Пратеникот од ВМРО-ДПМНЕ, Бојан Стојаноски, изјави дека во периодот кога државата ја воделе СДСМ и ДУИ се закажувале анкетни комисии,...
(Видео) Филипче: Посебна анкетна комисија за трагедијата во Кочани, тоа е барање на родителите
Нашиот став е дека ние ќе ги поддржиме двете анкетни комисии. Едната којашто ја предлага владеачкото мнозинство каде сакаат да...
(Фото) Поставени дигитални уреди за мерење бучава кај кафеаните во Дебар Маало
Општина Центар започна со имплементација на паметен систем за следење на бучавата, преку поставување на дигитални индикативни уреди на местата...
Осигурителни компании склучиле картел и се договориле да ја зголемат цената за автомобилското осигурување
Десет осигурителни компании се казнети со 17.266.930 денари затоа што се договориле да ја зголемат цената за автомобилската одговорност што секој...
„РКЕ да ја преземе во целост надлежноста во формирањето конечна цена на водата“, порака од тркалезната маса
РКЕ да ја преземе во целост надлежноста во формирањето конечна цена на водата – е пораката од тркалезната маса „Иницијатива...
Засилени контроли на градилиштата во општина Аеродром: изречена глоба од 1.300 евра за непочитување на законот
Општина Аеродром изрече парична глоба од 1 000 евра за правно лице и 300 евра за управителот на истата фирма...
