Европа
На француските регионални избори на Корзика победија локалните националисти
На вториот круг од регионалните француски избори во неделата на Корзика победија локалните националисти кои сакаат поголема автономија на островот, покажуваат последните податоци кои ги објави министерството за внатрешни работи.
Најмногу, 35,34 отсто од гласовите во вториот круг од регионалните избори добил блокот „За Корзика“ (Pé a Corsica), кој го води Жил Симеони, градоначалникот на Бастија, вториот по големина на градот на островот.Второто место го освои коалицијата на левите сили, која имаше водство по првиот круг на 6-ти декември, „Во прв ред Корзика (Prima a Corsica) со 28,49 отсто од гласовите, предводена од претседателот на Извршниот совет на островот Пол Џакоби. Десноцентристичката алијанса на Жозе Роси е на третото место со 27,7 отсто од гласовите, додека Националниот фронт освои 9,09, отсто од гласовите.Жил Симеони кого француските коментатори го сметаат за „умерен националист“, како убеден заштитник на корзиканската самобитност, изјави дека е приврзен на „дијалогот и отвореноста“, одлучно отфрлајќи ги насилните средства во политичката борба, кон што прибегнуваат радикалните островски сепаратисти во втората половина на XX век.„Ова е победа на сите Корзиканци и е победа за Корзика, којашто сака самата да ја гради својата сегашности и иднина“, ги поздрави Симеони своите приврзаници длабоко во ноќта кон понеделникот. Победата на неговиот блок ја нарече „историска“ за движењето за самостојност на островот.„Таа го покажува присуството на длабоките стремежи за вистинска алтернатива, желбата да се забрза економскиот развој и за социјална правда“, додаде.Победата на регионалистите беше одбележана со бурни прославувања на улиците на Бастија и Ајачо, двата главни града на Корзика. Илјадниците поддржувачи на Симеони формираа масовни поворки по улиците, веејќи корзикански знамиња, проследени со продорните звуци од сирените на нивните автомобили, пренесуваат локалните медиуми.Корзика со децении е едно од главните жаришта на сепаратизмот во Франција, во чиј состав овој медитерански остров влегува во 1769 година, кога на француската круна ѝ го предала Џеновешката република како исплата на долговите кон Париз.Изолираноста од континентот и богатото локално културно наследство, тесно поврзано со соседна Италија, сето тоа време го поткрепуваат сепаратистичкото расположение меѓу локалното население, но Франција секогаш успеваше да ги спречи обидите Корзика да се здобие со поголема независност.Во текот на 1970-те, во атмосфера на активирањето на различните сепаратистички групи, островот беше поделен на два департмана, а исто така го доби и специјалниот статус на „територијална заедница“ во составот на Франција. Според актуелниот план за административните реформи, двата корзикански департмана во 2018 година одново ќе се обединат во една територијална единица којашто ќе го задржи специјалниот статус./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.