Европа
Нови тунели од ВСВ откриени во Полска во потрагата по ‘златниот воз’
Досега непознат комплекс тунели изградени од нацистичка Германија во текот на Втората светска војна, се откриени во југозападна Полска, во покраината Долна Шлезија, во близина на градот Валбжих, каде што наводно се најдени траги на ткн „златен воз“, мистериозната железничка композиција којашто наводно пренесувала драгоцености и според преданијата е загубена во некој од тајните подземни тунели, во чија потрага е вклучена деновиве и полската војска.
Под „Златниот воз“ во полските медиуми се подразбира блиндираната композиција која била долга околу 150 метри, којашто превезувала доверливи документи, драгоцени предмети, скапоцени камења и злато. Возот кон крајот на Втората светска војна тргнал од германската тврдина Бреслау, сега полскиот град Вроцлав, во Валбжих, по што таинствено исчезнал. Научниците и трагачите по богатства сметаат дека возот криејќи се од советската авијација сопрел во еден од тунелите, чиј свод се урнал како последица од бомбардирањата.
Првпат за можното пронаоѓање на „златниот воз“ беше објавено кон крајот на август годинава, во програмата на Радио Вроцлав. Двајца жилети на Волбжих тврдеа дека пронашле траги од возот во кој имало големо количество злато, драгоцени камења и оружје. Полјакот и Германецот, според полските медиуми, кои тврдат дека знаат во која област е сокриен возот, побараа од властите 10 отсто од вредноста на она што ќе биде пронајдено во вагоните. Според медиумите, возот наводно се наоѓа во германски таен тунел меѓу 61-от и 65-от километар од железничката линија Вроцлав – Балбжих, меѓу станиците „Свеводзице“ и „Валбжих-Шчавенко“.
Полскиот истражувач Кшиштоф Шпаковски информираше во петокот на прес-конференција за новото сензационално откритие на новите тунели во областа на Валбжих.. Според него, станува збор за дел од познатиот нацистички подземен комплекс Reise, кој се наоѓа во Совинските планини во Долна Шлезија.. Некои делови од овој комплекс се одамна откриени и се достапни за туристите. Истовремено, истражувачите сметаат дека постојат и други тунели и други подземни објекти, до кои пристапот го блокирале самите нацисти, при повлекувањето.
„Тоа се три објекта, кои се поврзани меѓусебно. Објектите се наоѓаат во планините на длабочина од 20 метри под површината“, изјави Шпаковски. Според него, покрај тунелите под земјата се наоѓа и комплекс на повеќе нивоа од цврсти градби. Истакна дека први во тунелите ќе влезат екипите за разминирање на теренот. „Внатре може да има сешто, технички уреди, оружје, како и инфраструктура типична за бункерите. Комплексот Riese бил огромен бункер, кој во случај на атомски напад требало да служи како засолниште за Хитлер и неговите најблиски соработници“, вели полскиот истражувачот.
Локалниот функционер Јацек Чихура потврдил дека на територијата на хмината, најмалата административна единици во Полска, Валим е откриена досега непозната подземна структура коридори./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.