Европа
ОБСЕ ја започна контролата на руско-украинската армија
Русија објави дека набљудувачите на Организацијата за безбедност и соработка во Европа (ОБСЕ) започнаа во средата да ги набљудуваат двете контролни точки на руско украинската граница, додека НАТО повторно обвинува дека расте бројот на руските војници и вооружување на границата на што Москва одговара дека станува збор за пропаганда, а агенциите пренесуваат дека истражителите сѐ уште не можат да допрат до местото на падот на малезискиот авион поради борбите во кои украинската армија по секоја цена сака да ја заземе таа област контролирана од проруските бунтовнции.
„Надзорот на контролните премини ‘Донецк’ и ‘Гуково’ ќе го извршуваа 16 набљудувачи на ОБСЕ во текот на следните 24 часа“, соопшти руското министерство за надворешни работи, но не е наведено кога мисијата ќе заврши, но истакнува дека набљудувачите „можат да бидат загрозени“ поради продолжение гранатирања од украинска територија на руските гранични премиени во кои претходно месецов загина еден маж, две жени беа ранети а повеќе цивилни домови на руска територија беа оштетени.Воениот командант на НАТО за Европа, американскиот генерал Филип Бридлав изјави дека бројот на руски војници „значително е над 12 илјади“ по должината на границата со Украина. Претходно во средата Бридлав во Пришина изјави дека НАТО регистрирал како се трупа воена опрема од руската граница. „Гледаме како опремата се префрлува од внатрешен централен воен округ во Русија до Ростов“, изјави Бридлав. Додаде дека воената опрема таму се склопува и се префрлува кон границата и преку неа.Портпаролот на руското министерство за одбрана, генерал-мајорот Игор Конашенков во неделата одговараји на постојание обвинувања на САД дека префрла оружје воисточна Украина и ги гаша позициите на украинската армија го потсети Вашингтон дека во текот на последните четири месеци руските погранични области со Украина во рамките на Виенскиот документ од 2011 година и Договорот за Отворено небо ги посетиле 18 меѓународни инспекции. Во составот на овие инспекции, покрај претставници на САД и НАТО, имало и воени инспектори од Украина. Овие групи извршиле и набљудување од воздух на посочените региони, а ги посетиле и воените единци коишто ги интересирале и не нашле никакви прекршувања.Со повикот набљудувачите на ОБСЕ да ги контролираат граничните премини и контролни пунктови на руско-украинската граница, а таква понуда уште во јуни ѝ упати и на пограничната служба на Украина – да врши контрола од руската страна на заедничката граница, Москва им одговара на Вашингтон и на Киев за обвинувањата дека преку посочените гранични премини ги снабдува бунтовниците во Украина со воена опрема. Москва тврди дека мисијата на ОБСЕ е „нов доказ на добрата волја на Русија која се обидува да помогне во намалувањето на внатрешниот украински судир“. Претходно Русија упати остар протест до Украина откако украинската армија со артилериски оган го гаѓала граничниот премин „Гуково“ меѓу двете земји и предупреди дека сличните акции ќе предизвикаат „последици“. Москва повеќепати досега се жалеше дека граничните премини биле цел на артилериски напади од украинската територија, а кон крајот на јуни беа заробени и две оклопни возила на украинската армија кои ја минале граничната линија и навлегле во руската територија.Меѓународните истражители и натаму не можат да дојдат до местото на падот на авионот на летот МН17, објави во средата во Хаф, холандскиот шеф на мисијата задолжен за префрлање на телата на жртвите во нивните татковини. „Несигурноста по патиштата и по должината на патот е голема. Тоа го заклучивме на основа на извештајот на извидувачката мисија на ОБСЕ во текот на денот“, изјави Питер Јаап Аалбергберг.Четврти дена по ред невооружените полициски истражители од Холандија и Австралија, не успеваат да дојдат до местото на падот на малезискиот авион. И покрај објавениот прекин на огнот на местото на несреќата, иако украинскиот претседател Петро Порошенко во понеделникот издаде наредба украински сили да ги сопрат борбените дејствија во радиус од 40 километри од местото на несреќата, украинската армија продолжува со офанзивата во обидот да ја заземе целата област, при што, како што предупредија проруските бунтовници, се уништуваат докази. „Постојано се проценува безбедност, ќе настојуваат да дојдеме следните денови на местото на несреќата, но голем прашање е дали безбедноста ќе се подобри“, рече Аалберсберг.Холандската полиција, меѓутоа предупреди дека се мали шансите во тоа да се успее, поради постојаните судири. Аалберсберг извести дека во четврток се очекува доаѓањето на 68 експерти и полицајци од Малезија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Германија уапси две лица: соработувале со Русите, планирале да ја саботираат армијата
Две лица, кои, освен германско, имаат и руско државјанство, се уапсени во Германија поради наводно планирање саботирање воени објекти, вклучително и американски, со цел да ја поткопаат воената поддршка за Украина, соопшти денеска германското Обвинителство. Властите извршија претрес во домовите и работните места на двајцата осомничени, кои се обвинети дека работеле за странска тајна служба, се наведува во соопштението на Обвинителството.
Еден од осомничените, идентификуван како Дитер С., разговарал за можни заговори со лице поврзано со руската тајна служба од октомври 2023 година, се посочува во соопштението.
Дитер С. подготвувал бомбашки напади и палење во воени објекти, вклучително и оние со кои управуваат американските сили, се додава во соопштението.
Според магазинот „Шпигел“, еден од објектите е воената база „Графенвоер“, во јужната сојузна држава Баварија, каде што украинските војници се обучуваат да управуваат со американските тенкови „Абрамс“. Руската амбасада во Берлин не одговори веднаш на барањето за коментар.
„Намерата на акциите беше да се поткопа воената поддршка што Германија и ја дава на Украина против руската воена агресија“, се вели во соопштението на германските обвинители.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.