Европа
Оланд; Ниедна земја не може да биде изземена од прифаќањето бегалци
Францускиот претседател Франсао Оланд изјави во неделата во Танжер дека ниедна европската земја „не може да биде изземена“ од прифаќањето на „бегалците кои имаат право на азил“, на прес-конференцијата со којашто во неделата ја заврши својата посета на Мароко.
„Во врска со распределбата на бегалците со право на азил, таа мора да важи за сите европски земји, ниедна не може да биде изземена, во спротивно повеќе не припаѓаме на иста заедница втемелена на исти вредности и начела“, порача францускиот претседател Франсоа Оланд.
Оваа изјава Оланд ја даде три дена пред вонредниот европски самит, кој во среда ќе се одржи во Брисел, на којшто треба да биде донесена одлуката за солидарна распределбата на уште 120.000 бегалци меѓу 28-те земји членки на Европската унија.
Францускиот претседател, покрај тоа, во неделата потсети дека „заедно со (германската) канцеларка Ангела Меркел изразил желба тој механизам (за распределба) да биде задолжителен, но оти некои земји не го сакаат тоа“.
Оланд рече и дека од својот министер за надворешни работи Бернар Казнев побарал да го брани тој механизам на состанокот со европските колеги во вторникот, ден пред самитот на челниците.
„Ќе внимаваме тој механизам да биде делотворен во какво и облик да биде донесен, обврските да мора да бидат исполнети и бегалците да не ги примаат секогаш истите земји“, предупреди францускиот претседател.
„Сакам тоа прашање што е можно повеќе да биде решено на министерскиот совет (министрите за надворешни работи на земјите од ЕУ) и сето тоа да не биде префрлено на Европскиот совет“, додаде.
Во среда во Брисел челниците на 28-те земји членки на Европската унија треба да се договорат за распределбата на 120.000 бегалци, како што предлага Европската комисија, за да бидат растоварени Италија, Грција и Унгарија.
Повеќето од земјите го прифаќаат како вонредна привремена мерка, но некои земји особено остро се противат на решението за задолжителните квоти и трајно сместување на мигрантите и бегалците од северна Африка, Блискиот исток и Азија на нивните територии. Особено на тоа се противат Велика Британија, како и земјите од ткн Вишеградска група – Унгарија, Полска, Чешка и Словачка.
Полската премиерка Евра Копач претходно во неделата изјави дека Полска ќе прифати „симболичен“ број бегалци, како и дека нема да ги прифаќа економските имигранти./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.