Европа
Партијата на Меркел поразена од десничарите во нејзината изборна едница
На изборите за локалниот парламент на германската сојузна покраина Мекленбург – Западно Поморје, во неделата владејачката Христијанско-демократска унија (CDU) на канцеларата Ангела Меркел доживеа голем пораз од десничарската евроскептична и антидоселеничка партија Алтернатива за Германија (AfD), што се доживува во Германија како пораз на политиките на Меркел кон мигрантската криза а и самата потекнува токму од оваа сојузна покраина.
Според излезните анкети на јавните сервиси ARD и ZDF, Алтернатива за Германија (AfD) со 21 отсто од гласовите стана втората по ред најсилна партија во Мекленбург – Западно Поморје. Веднаш зад AfD се наоѓа Христијанско-демократска унија (CDU) со 19 отсто, што е за 3,7 отсто послаб резултат од последните избори за овој локален парламент пред пет години.
Најмногу гласови, 30,3 отсто, освоила коалицискиот партнер во ткн голема коалиција на сојузно ниво Социјалдемократската партија на Германија (SPD), така што и покрај големата загуба во споредба со минатите локални избори до 5,3 отсто, двете партии SPD и CDU, сепак ќе можат да ја продолжат досегашната коалиција меѓу социјалдемократите и демохристијаните.
На четвртото место е партијата Левица со 12 отсто од гласовите, додека партијата Зелени со 5 отсто се наоѓа на работ од изборниот праг. Двете партии во споредба со последните покраинските избори, исто така, доживеале големи загуби во гласовите.
„Ова е многу добар резултат, многу сум задоволен но морам да кажам дека истовремено сме и многу загрижени поради успехот на AfD“, изјави покраинскиот премиер на Мекленбург – Западно Поморје, Ервин Зелеринг од SPD, по објавување на резултатите од излезните анкети.
Генералниот секретар на CDU, Петер Таубер, по поразот во Мекленбург – Западно Поморје појасни дека партијата паднала на третото место и покрај добрите резултати на покраинската влада, но сепак призна дека во крајна линија најголема улога на овие избори одиграла расправата околу бегалците, имигрантите, односно барателите на азил кои во текот на минатата 2015 година со повеќе од милион ја преплавија Германија.
Главниот кандидат на AfD во оваа сојузна покраина, Леиф-Ерик Холм оцени дека станува збор за историски успех на неговата партија. „Ние денеска ја испишуваме историјата на Мекленбург – Западно Поморје. Можеби ова е почетокот на крајот на Ангела Меркел“, порача Холм.
Германската канцеларка Ангела Меркел, којашто во неделата се наоѓа на самитот на Г20 во Кина, во саботата присуствуваше на еден предизборен собир на својата партија CDU за да ги поттикне гласачите. Изборната единица на Ангела Меркел на сојузните избори се наоѓа токму во оваа североисточна сојузна покраина.
Коментаторите неуспехот на CDU во Мекленбург – Западно Поморје го доживуваат како директна казна за бегалските политики на канцеларката Меркел, особено на истокот од земјата, каде што нема многу приврзаници.
Успехот на AfD, на која по освоените 24 отсто од гласовите на изборите во Горна Саксонија во март годинава ѝ е вториот по ред најдобар резултат на некои избори за покраински парламент, за аналитичарите претставува јасен сигнал за моќта на AfD којашто може да смета на сигурно влегување во Бундестагот на изборите коишто ќе се одржат следната година. Челникот на AfD во сојузната покраина Туеринген, Бјоерн Хоке, најави дека резултатот на партијата во Мекленбург – Западно Поморје од 21 отсто е „цел за парламентарните избори за една година“.
Аналитичарите на јавниот сервис ARD проценуваат дека најголемата поддршка за AfD дошла од гласачите кои пред пет години воопшто не излегле на гласањето. Од тоа се заклучува дека темата на бегалската криза и имигрантите би можела и на сојузните избори по една година да ги мобилизира граѓаните да излезат на избирачките места.
Исто така, се очекува дека CDU ќе се обиде уште повеќе да ги ублажи последиците од политиката на отворени врати за имигрантите на Ангела Меркел, којашто и во рамките на коалицијата со сестринската баварска Христијанско-социјална унија (CSU) има многу и жестоки критичари.
Поради падот на популарноста, Ангела Меркел засега одбива да се изјасни дали на следните избори ќе се кандидира како канцелара. Се очекува дека тоа ќе го стори по партискиот конгрес на CDU кон крајот на годинава, кога би требало повторно да се кандидира за двегодишен мандат за претседателка на партијата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Германски министер: Дроновите во Белгија се порака да не се допираат замрзнатите руски средства
Германскиот министер за одбрана Борис Писториус денес посочи врска помеѓу неодамнешните инциденти со беспилотни летала во Белгија и дебатата за користењето на замрзнатите руски средства што ги поседува белгиската финансиска институција „Еуроклеар“ за финансирање на огромен заем за Украина.
Појавата на беспилотни летала над аеродромите и воените бази стана чест проблем во Белгија во последните денови и предизвика големи нарушувања низ цела Европа во последните месеци. Некои официјални лица рекоа дека инцидентите низ Европа претставуваат „хибридна војна“ на Русија. Москва негираше каква било поврзаност со инцидентите.
„Да, сите го гледаме тоа. И Белгијците исто така. Оваа мерка има за цел ширење несигурност и заплашување на Белгија: Не се осмелувајте да ги допирате замрзнатите средства. Ова не може да се толкува на друг начин“, им рече Писториус на новинарите на прес-конференција во Берлин.
Белгиското Министерство за одбрана одби да коментира неговите изјави, но рече дека „оваа можност веќе е покрената во Белгија“. Белгискиот премиер Барт де Вевер рече дека на неговата земја ѝ се потребни конкретни и цврсти гаранции пред да спроведе план за користење на замрзнатите руски средства за да ѝ помогне на Украина во борбата против руската инвазија.
Ставот на Белгија е клучен бидејќи белгиската финансиска институција Евроклер држи замрзнати руски средства. Белгискиот аеродром во Лиеж ги продолжи летовите откако привремено го прекина сообраќајот во понеделник поради забележан дрон, втор ваков инцидент оваа недела.
Дроновите забележани над аеродромите во главниот град Брисел и источниот град Лиеж пренасочија бројни летови и приземјија некои авиони што требаше да полетаат пред три дена. Белгиската влада вчера свика итен состанок на клучните министри и шефови на безбедносни служби за да разговараат за она што министерот за одбрана го опиша како координиран напад.
фото: принтскрин
Европа
Данска ќе ги забрани социјалните мрежи за децата под 15 години
Данска ќе ја забрани употребата на социјалните медиуми од страна на деца под 15 години, соопшти денес данската влада, но родителите ќе можат да дадат согласност за пристап до одредени платформи за деца на возраст од 13 години и повеќе.
Овој потег доаѓа откако премиерката Мете Фредериксен во говорот пред парламентот во октомври повика на ограничувања за користењето на социјалните медиуми од страна на децата поради загриженост за менталното здравје на младите. „Таканаречените социјални медиуми сè повеќе им го крадат времето, детството и благосостојбата на нашите деца, и ние сега ставаме крај на тоа“, изјави министерката за дигитализација Каролин Стејџ Олсен.
Повеќето партии во парламентот изјавија дека ќе го поддржат планот пред официјалното гласање. Snapchat, YouTube, Instagram и TikTok се најпопуларните платформи на социјалните медиуми за деца во Данска, соопшти владата.
Според анализата од февруари на Данскиот орган за конкуренција и потрошувачи, младите луѓе во нордиската земја поминуваат просечно 2 часа и 40 минути дневно на социјалните медиуми. Данска ја следи Австралија, која минатата година ги забрани социјалните медиуми за деца под 16 години.
фото: принтскрин
Европа
Зеленски: На Украина ѝ е потребна меѓународна помош за заштита на енергетската инфраструктура
Украинскиот претседател Володимир Зеленски изјави дека на Украина ѝ е потребна меѓународна помош за да ја заштити својата енергетска инфраструктура од руски напади.
Зеленски во видео порака рече дека системите за воздушна одбрана и заштитата на енергетската инфраструктура се „највисоки приоритети со оглед на руските напади“.
„Всушност, нашите добавувачи на енергија, тимови за поправка и силите за цивилна одбрана се зафатени со обновување на областите по нападите секој ден“, рече Зеленски, апелирајќи за помош од меѓународната заедница.
Четврта зима од војната
Додека војната влегува во својата четврта зима, руската војска повторно систематски ги гранатира електраните и трафостаниците за да го прекине снабдувањето со електрична енергија, греење и вода на украинското население.
Укренерго соопшти дека во четврток повторно се планирани фазни прекини на електричната енергија низ целата земја за да се стабилизира мрежата.
фото: принтскрин
Ѓорѓиевски: За два дена од Скопје се исчисти над четири и пол илјади тони отпад, скопјани имаат човек на кој може да се потпрат
Над четири и пол илјади тони отпад или четири до пет пати повеќе од секој вообичаен викенд што се собирало...
Пијан возач од Турција направи хаос во Аеродром
Полицијата објави фотографија од сообраќајката што се случила синоќа на улицата Матеја Матевски во Аеродром, кога возач на „БМВ 5“...
Ѓорѓиевски со предупредување до граѓаните, ќе се казнува секој што ќе фрла отпад
Градоначалникот на Град Скопје, Орце Ѓорѓиевски, објави дека акцијата за чистење „72 часа“ се одвива одлично, со цел градот да...
Таткото на едно од девојчињата загинати со „Пулс“ објави видео од нејзиното последно излегување од дома
Александар Наунов, таткото на трагично загинатата Надица, една од 63-те жртви во пожарот во дискотеката „Пулс“ во Кочани, сподели видео...
Јаневска: Следната година нема „прогледување низ прсти“ ако директорите не нарачаат учебници на време
Директорите на училиштата треба многу сериозно да си ја сфатат работата дека се должни да ги почитуваат законите и да...
„Супорт Кочани“ собра 11 милиони денари од донации за настраданите од „Пулс“, државата им наплати 1 милион денари данок
Околу 11 милиони денари се распоредени од заедничката сметка за донации од граѓанската иницијатива „Супорт Кочани“. Од граѓанската иницијатива велат...
Родителите на починатите во „Пулс“ со порака до судиите: Не дозволувајте болката и гневот да станат уште поголеми
Во Кочани денеска родителите на жртвите од пожарот во дискотоеката „Пулс“ одржаа нов „Марш за ангелите“, упатувајќи порака до правосудните...
Грабнале жена, ја тепале, па откако се онесвестила, ја силувале во напуштен објект во Струга
Две лица од дебарско се осомничени дека на 6 ноември околу 19 часот грабнале 30-годишна жена која потоа едниот од...
Остатоци од човечко тело најдени во кавадаречко Сопот
Во ОВР – Кавадарци било пријавено дека во атар на кавадаречкото село Сопот биле пронајдени остатоци од човечко тело, информираа...
Полицијата ги најде децата кои тепаа малолетник во Струмица и го снимаа за на Тик Ток
Случајот во кој четворица малолетници насилно се однесувале кон малолетник во Струмица, а потоа настанот го објавиле на социјалната мрежа...
Таен ринг за борби со кучиња разоткриен во битолско, заработувале од мачење животни
Грчки државјанин сопственик на куче, пит бул, косовски државјанин сопственик на куче од расата американски стафорд, како и двајца македонски...
(Фото) Русите пак ја нападнаа Украина, има загинати
Украина пријави нов руски напад врз нејзината енергетска инфраструктура во текот на ноќта, во кој едно лице загина, а неколку...
Руската воздушна одбрана соборила 79 украински дронови
Руската воздушна одбрана соборила 79 украински дронови во текот на ноќта, соопшти руското Министерство за одбрана. – Во текот на...
САД ги укинаа санкциите против сирискиот претседател
САД денес ги укинаа санкциите врз сирискиот претседател Ахмед ал-Шариа, само неколку дена пред неговата средба со американскиот претседател Доналд...
(Видео) Околу 50 маскирани лица дојдоа пред Српскиот културен центар во Загреб
Педесетина маскирани мажи, претежно млади луѓе, пристигнаа пред Српскиот културен центар во Загреб, каде што се одржува изложба. Таму беа...
Министрите на Трамп: Обновливите извори на енергија се бескорисни, ЕУ треба да купува наша нафта
Глобалните инвестиции во обновлива енергија се покажаа како залудни и светот треба да се фокусира на сигурно снабдување со фосилни...
Германски министер: Дроновите во Белгија се порака да не се допираат замрзнатите руски средства
Германскиот министер за одбрана Борис Писториус денес посочи врска помеѓу неодамнешните инциденти со беспилотни летала во Белгија и дебатата за...
Кривична против полициски службеник од СВР Тетово: Ја заменил урината за да спаси син на колега кој бил уапсен за дрога
Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење...
За подарок од 50.000 евра, директорот на Платежната агенција му доделил на апликант финансиска помош од ИПАРД-програмата
Полицијата уапси пет лица, меѓу кои и директорот на Агенцијата за финансиска поддршка во земјоделството и рурален развој во најновиот коруптивен...
Скопјанец репетирал пиштол во угостителски објект во Центар, кај него била пронајдена дрога
Скопјанец извадил пиштол и го репетирал во угостителски објект во Центар, а полицијата кај него пронајде и дрога. Според информациите...
