Европа
Путин првпат ги откри деталите од присоединувањето на Крим
Рускиот претседател Владимир Путин изјави дека ја донел одлуката за присоединувањето на Крим на ноќен состанок во Кремљ, откако поранешниот украински претседател Виктор Јанукович беше отстранет од власта со гласање во нецелосниот украински парламент.
„Кога се оддалечивме, на сите им кажав: Мораме да почнеме да работиме на враќањето на Крим на Русија“, изјави рускиот претседател Владимир Путин во најавата за документарниот филм за оваа тема кој го направи Руската државна телевизија.
Ова е првпат Путин да открива некои детали за носењето на одлуката на Кремљ за судбината на Крим. Рускиот претседател ова го рекол на состанокот на безбедносните агенции кој бил одржан ноќта кон 23-ти февруари 2014 година. Подоцна Путин јасно даде до знаење дека оваа територија „се вратила во матицата“ со којашто има „нераскинливи етнички, историски и културни“ врски.
Москва го прогласи овој регион дел од Русија два дена по одржувањето на регионот на 16-ти март на кој, како што беше соопштено 98 отсто од граѓаните кои се изјасниле гласале за присоединување кон Руската Федерација.
Јанукович беше соборен од власт минатиот февруари со бунтот и безредијата во кои загинаа сто лица во Киен, што беше поддржан од Западот, откако во ноември 2013 година реши привремено да го суспендира потпишувањето на Спогодбата за асоцијација и слободна трговија со ЕУ, образложувајќи го тоа со тешката финансиска состојба на Украина која така ќе го загубеше рускиот пазар и повластиците оценувајќи дека помошта што и’ ја ветија ЕУ и ММФ е недоволна да се спаси земјата од банкрот. Потоа потпиша договор за заем со Русија во вредност од 15 милијарди долари од кои 3 милијарди доби веднаш, коишто прозападните власти во Киев и денес не сакаат да ги вратат, како и многу пониска цена за рускиот природен гас покрај 100 долари претходен попуст на цената на гасот и 100-те милиони долари годишен наем за седиштето на руската Црноморска флота. Тој потоа побегна во Ростов на Дон, во Русија, откако стана јасно дека новите револуционерни власти ќе подигнат обвинение против него и неговото семејство, коко и поради можноста да биде убиен.
Европската унија и САД воведоа во повеќе наврати насочени санкции против руски функционери и државни компании, обвинувајќи ја Москва поради нејзината наводна улога во кризата во Украина со поддржување на рускојазичните бунтовници во источните региони. Иницијално санкциите беа воведени во март поради присоединувањето на црноморскиот полуостров Крим на Руската Федерација, откако тамошното доминантно руско население тоа го изгласа на референдум откако во Киев прозападните сили го соборија преку протести и безредија претседателот Виктор Јанукович, што западот го смета за нелегално руско анектирање на украинска територија.
Во трејлерот објавен во во понеделникот, Путин, исто така, вели дека во текот на споменатиот состанок ја договарал операцијата со која требало да се спаси Јанукович кој објави дека неговиот живот е доведен во опасност, и да биде доведен во Русија „по копнен, морски или воздушен пат“. Јанукович, откако Врховната Рада објави дека е сменет од претседателската функција и оти се подготвува обвинување против него за корупција и за наводна наредба да се пука во демонстрантите, побегна прво во источните градови Харков па во Донецк. Подоцна на руска територија се префрлил преку Крим.
Засега не е познато кога споменатиот документарен филм ќе биде емитуван, а во најавата само се наведува дека тоа ќе се случи „наскоро“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.