Европа
Русија започна голема воена вежба на јужната граница, загрижена за намерите на САД во врска со Украина
Руското министерство за одбрана објави во четвртокот дека започнала голема воена вежба на југот од Русија и во области на државните граници, а истовремено портпаролот на руското министерство за надворешни работи Александр Лукашевич изјави дека Москва е серозно загрижена од извештаите дека САД имаа намера на Украина да и’ испорача големи количества оружје.
Во вежбите учествуваат повеќе од две илјади припадници на противвоздушните единици и 500 различни видови вооружување., а ќе траат до 10-ти април. Вежбите се одржуваат во регионите во Јужен и Северен Кавказ, во руските воени бази во Ерменија, Абхазија и Јужна Осетија, како и на црноморскиот полуостров Крим кој минатата пролет со референдум се присоедини на Руската Федерација, што Западот го смета за руска нелегална анексија на украинска територија.
Руските медиуми претпоставуваат дека овие воени вежби на Запад ќе бидат протолкувани како нова демонстрација на сила од страна на Москва, во моментиве кога односите се најнапнати од завршувањето на идеолошката блоковска Студена војна.
Истовремено во четвртокот НАТО објави дека негова флотила од средата впловила во Црното Море на вежба во којашто ќе учествуваат бродови на бугарската, романската и турската морнарица.
На прес-конференцијата во врска со руските воени вежби, заменикот на рускиот министер за одбрана Анатолија Антонов рече дека операциите на НАТО на руските граници далеку го надминуваат по обемот и карактерот она што го презема руската армија, „Држави на НАТО ја користат ситуацијата на југоистокот на Украина како изговор… да им се приближат на руските граници“, рече Антонов.
Малку подоцна портпаролот на руската дипломатија, Александр Лукашевич на брифинг со новинарите порача дека Москва е вознемирена и загрижена од информациите за големите испораки на оружје од САД за Украина.
„И покрај прилично успешното имплементирање на договорот за прекин на огнот во Донбас, кој беше постигна на 12-ти февруари годинава во Минск, во соработка со челниците на земјите од ткн ’нормандски формат’ (Украина, Русија, Германија и Франција) се јавува сериозна загриженост од продолжување на информациите за намерите на САД да започнат со масивна испорака на оружје за Украина“, рече Лукашевич.
„Во Конгресот, дури, се разработува специјален закон кој предвидува издвојување на милијарда американски долари за опремување и обука на украинската армија, небаре во Вашингтон се подготвуваат да ја земат под целосна управа“, одаде портпаролот на руското министерство за надворешни работи.
„Покрај тоа, според достапните информации, овие денови на Јаворовскиот полигон во Л’вовската област (источна Украина, стотина километри и одметнатите рускојазични региони Донецк и Луганс и од границата со Русија –з.р.) се распоредени околу 300 војници на 173-та воздушно-десантна бригада на вооружените сили на САД, којашто е стационирана во Италија. Овие војници ќе ги обучуваат украинските војници за манипулирање со странката воена опрема. Така, американските сили веќе се присутни во Украина“, рече Лукашевич.
Додаде дека „очигледно е дека тие (САД) имаат намера во оваа земја да несат немир“. „Би било убаво властите во Киев и целиот украински народ да се замислат за последиците од таквите чекори“, рече Лукашевич порачувајќи дека „со оружје војната не се гаси“.
„Одново го предупредуваме Вашингтон за огромната штета врз нашите билатералните односи, доколку започне со убивање на населението во Донбас со американско оружје. Испораките на оружје нема да бидат само поткопување на примирјето туку ќе придонесат и за ескалација на југоистокот, а ќе ја загрозат и безбедноста на Руската Федерација“, рече рускиот дипломат.
Минатите денови беше објавено дека САД планираат да испратат во Украина во периодот од март до октомври најмалку 300 војници во рамките на проектите за соработка со украинската армија. Американскиот воен персонал ќе биде сместен во Меѓународниот центар за поддршка на мирот и безбедноста (International Peacekeeping and Security Center — IPSC) на Јаворовскиот полигон во Л“вовската област во рамките на заедничките воени вежби. Според соопштението на Киев, „предвидено е овие активности да траат од 5-ти март до 31-ви октомври 2015 година, само околу осум месеци“.
Американската влада објави тендер за пренесување на воениот персонал и воената техника за оваа операција во кој меѓу другото се бара ангажирање на седум посебни автобуси и 11 тешки камиони кои ќе можат да носат повеќе од 31 тон товар. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.