Европа
Словачка ќе подигне тужба против ЕУ за мигрантските квоти
Словачка ќе поднесе тужба до 18-ти декември против планираниот систем на мигрантски квоти на Европската унија според коишто ќе се распределат 120.000 баратели на азил меѓу земјите членки, изјави во неделата премиерот Роберт Фицо.
Словачка, Чешка, Унгарија и Романија се спротиставуваат на задолжителните квоти за распределбата на мигрантите од Италија и од Грција, но беа надгласани на состанокот на министрите за внатрешни работи на земјите членки на Европската унија во септември.ЕУ има тешки маки да изнајде заеднички пристап на решавањето на бранот мигранти и бегалци кои се доселуваат во Европа од сиромашните или со војна зафатени земји на Блискиот исток, Африка и Азија. Германија, на пример, очекува оваа година да прими повеќе од милиони мигранти, што наиде на протести и резултираше со намалување на рејтингот на канцеларката Ангела Меркел, па и повици да си поднесе оставка.Словачка, која треба да преземе 802 мигранти според планот на ЕУ, веднаш објави дека ќе ја оспори таа одлука, аргументирајќи дека нема овластувања да ги задржува мигрантите доколку тие сакаат да заминат во Германија или другите богати членки на ЕУ. Владата во Братислава докажува дека мигрантите не сакаат да останат во земјата со тоа што за целата 2015 година биле поднесени сами 154 барања за азил во Словачка.Унгарија, исто така, настојува да ги оспори задолжителните квоти и тамошниот парламент овој месец ја овласти владаа тоа и да го стори. Чешка и Романија, иако не се согласуваат со задолжителните квоти, најавија дека нема да ја тужат ЕУ.Словачкиот премиер Робет Фицо во неделата изјави дека Братислава до 18-ти декември ќе вложи тужба во Европскиот суд на правдата.„Ќе ги преземеме правните мерки на судот во Луксембург порано, за тоа ќе разговараме оваа седмица“, рече Фицо во телевизиска дебата.Премиерот Фицо, следејќи го преовладувачкото расположение меѓу Словаците во однос на прифаќањето бегалци, а во март го очекуваат избори, во октомври изјави дека не ставува дека системот на квоти ќе биде спроведен против волјата на Словачка, бидејќи тој технички е неизводлив./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.