Европа
Тензично на Корзика, буркини причина за тепачка
Во немири на францускиот медитерански остров Корзика повредени се пет луѓе, а три автомобили беа запалени, откако младите од три семејства со потекло од Северна Африка се степале.
Околу 500 луѓе се собраа во главниот град на Корзика, Бастиа, еден ден по немирите во Сиско, на северот на островот.Тепачките избиле меѓу членовите на три семејства од Северот на Африка и локални жители, соопшти обвинителството, а биле фрлани камења и шишиња, пред полицијата да воспостави ред.Девојка која сведочела на немирите, а во неделата зборуваше и на мегафон, вели дека се почнало кога туристи сакале да фотографираат неколку жени кои се капеле со буркини. Според неа, група имигранти извикувале навреди, пред да пристигнат неколкумина постари мажи од Северна Африка, кои носеле секири, како поддршка на семејствата на плажата.Тие нападнале група млади Корзиканци на возраст од 15 до 18 години на плажата, чија улога во инцидентот се уште не е јасна. Девојката сведочи дека семејствата на младите Корзиканци потоа излегле на улица и се судриле со оние од Северна Африка. Двајца локални жители се ранети со харпун.Северноафриканките исекле неколку гуми на автомобили, а локалците запалиле два автомобили и еден превртеле од оние на имигрантите. Во немирите повредени се петмина, кои се пуштени на домашно лекување, а никој не е уапсен.Во недела наутро пред зградата на локалната самоуправа почнаа демонстрации, а потоа било тензично, кога луѓето сакале да заминат во населбата Лупино во Бастиа, каде повеќето жители се Северноафриканци.„Одиме таму, затоа што ова е нашиот дом“, вели еден од демонстрантите, но полицијата не им дозволи пристап до населбата.Полицијата испрати стотина полицајци да ги смират тензиите. Францускиот министер за внатрешни работи, Бернард Казанев го осуди насилството, и нареди целосна истрага на случајот за да се открие што е извор на нетолеранцијата и да се уапсат одговорните.Немирите доаѓаат во наелектризирана атмосфера што владее во Франција, меѓу муслиманите и христијаните, по неколкуте напади во земјата за кои одговорност презеде терористичката група Исламска држава, вклучително и масакрот од 14 јули, во јужниот француски град Ница, кога Тунижанец влета со камион во луѓето кои го славеа Денот на Бастилја, при што уби 85 лица.Минатиот декември, на Корзика, бесни демонстранти вандализираа муслиманска сала за молитви и фрлаа копии од светата муслиманска книга Коран, откако млади Арапи нападнаа пожарникар. Кан, што е во близина, исто така поттикна контроверзи со тоа што забрани носење буркини на плажа.Исламската облека долго време е жежок костен во секуларна Франција, каде покривањето на женското лице до половина со вел е забрането на јавни места./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија привремено ги прекина летовите на аеродромот Краснодар
Руската служба за цивилно воздухопловство „Росавијација“ соопшти дека рано утрово привремено ги прекинува летовите на аеродромот Краснодар во јужна Русија за да се обезбеди безбедноста на летовите.
Неофицијалните руски и украински канали на Телеграм објавија серија експлозии низ регионот Краснодар, каде што се наоѓаат нафтениот терминал Новоросијск и рафинеријата Илски.
Ројтерс не можеше независно да ги потврди неофицијалните извештаи за експлозиите.
фото: принтскрин
Европа
(Видео) Бурата Клаудија ја пустоши Европа, неколку земји најтешко погодени: маж загина додека спасуваше сосед
Најмалку три лица загинаа, а неколку се водат за исчезнати откога бурата Клаудија погоди делови од Европа. Во Франција десетици пожарникари бараат човек што беше однесен од ненадејни поплави. Во Италија екстремни временски услови го погодија централниот и северниот дел од земјата, а властите прогласија вонредна состојба и ги затворија училиштата.
Застрашувачките сцени се снимени во департманот Ардеш во Франција. Алармиран од зголемувањето на нивото на реката пензионер слегол долу за да го премести својот автомобил. Сепак, возилото било однесено од ненадејните поплави, а сопственикот исто така паднал во водата. Веднаш била почната голема операција, во која учествувале 60 пожарникари, дрон и десет нуркачи. Сепак, телото на жртвата не е пронајдено, а спасувачите веруваат дека шансите тој сè уште да е жив се исклучително мали.
Un septuagénaire a été emporté par une rivière en crue en Ardèche alors placé en vigilance orange pluie inondation. Seule la carcasse de sa voiture a été retrouvée. Plus de 110 sapeurs-pompiers et gendarmes sont mobilisés pour le retrouver.
🎥 @AlexMuffon 🎙️@TPallordet pic.twitter.com/IcZ4ykNrfj
— M6 Info (@m6info) November 17, 2025
Проблеми се појавија и во департманот Дром, каде што огромен бран кал го зафати градот со 2.000 жители. Во тоа место за два дена паднала двомесечна количина дожд.
Во регионот Фриули во Италија еден рид се урна и уништи три згради. Тони земја проголтаа 83-годишна жена и 32-годишен маж. Сведоците рекоа дека мажот починал додека се обидувал да ја спаси.
17.11.2025#Italy
A state of emergency has been declared in the Friuli-Venezia Giulia region due to flooding and landslides.A landslide washed away three houses in Brazzano di Cormons. 150 mm of rain fell. Homes and infrastructure were flooded.There are fatalities.@vigilidelfuoco pic.twitter.com/AdMH2C0lse— Climate Review (@ClimateRe50366) November 17, 2025
Во целиот регион неколку градови беа поплавени од надојдените реки. Повеќе од 300 луѓе беа евакуирани со чамци или спасени со хеликоптери од покривите каде што се засолниле.
фотo: принтскрин
Европа
Русите го нападнаа Харков преку ноќ: убиена 17-годишна тинејџерка, 16-годишно момче меѓу ранетите
Седумнаесетгодишна тинејџерка беше убиена, а девет други беа повредени во руски ракетен напад извршен ноќеска врз регионот Харков во источна Украина, изјави шефот на државната администрација на Харков, Олег Синегубов.
Девојката беше тешко повредена во нападот, а подоцна им подлегна на повредите во болница, додаде Синегубов.
Тој рече дека меѓу повредените е и 16-годишно момче, објави Укринформ.
1/
⚡️Russian missile strikes Kharkiv Oblast, killing teenage girl, injuring 9.A seventeen-year-old girl was killed and nine others were injured in an overnight Russian missile attack on the city of Berestyn in Kharkiv Oblast on Nov. 18, regional authorities said.… pic.twitter.com/m4GzjQEFsj
— Lew Anno Support#Israel #Ukraine 24/2-22 (@anno1540) November 18, 2025
Синегубов објави на Телеграм дека седум лица се хоспитализирани со повреди од рускиот напад врз градот Берестин во регионот Харков.
Нападот се случи еден ден по рускиот ракетен напад врз градот Балаклија, при што загинаа три лица, а ранети се уште 15, меѓу кои три деца.
Руските сили ја интензивираа својата офанзива во регионот Харков оваа година, што доведе до зголемување на нападите врз градови и села подалеку од линијата на фронтот.
фото: принтскрин

